Esaïe 46.12
Biblia Hebraica Stuttgartensia

¹ כָּרַ֥ע בֵּל֙ קֹרֵ֣ס נְבֹ֔ו הָיוּ֙ עֲצַבֵּיהֶ֔ם לַחַיָּ֖ה וְלַבְּהֵמָ֑ה נְשֻׂאֹתֵיכֶ֣ם עֲמוּסֹ֔ות מַשָּׂ֖א לַעֲיֵפָֽה׃Jérémie 50.2 Jérémie 51.44 Esaïe 21.9 Jérémie 48.1-48.25 Jérémie 51.47
² קָרְס֤וּ כָֽרְעוּ֙ יַחְדָּ֔ו לֹ֥א יָכְל֖וּ מַלֵּ֣ט מַשָּׂ֑א וְנַפְשָׁ֖ם בַּשְּׁבִ֥י הָלָֽכָה׃ ס2 Samuel 5.21 Jérémie 48.7 Juges 18.17-18.18 Juges 18.24 Jérémie 43.12-43.13
³ שִׁמְע֤וּ אֵלַי֙ בֵּ֣ית יַעֲקֹ֔ב וְכָל־שְׁאֵרִ֖ית בֵּ֣ית יִשְׂרָאֵ֑ל הַֽעֲמֻסִים֙ מִנִּי־בֶ֔טֶן הַנְּשֻׂאִ֖ים מִנִּי־רָֽחַם׃Deutéronome 1.31 Esaïe 10.22 Psaumes 71.6 Psaumes 22.9-22.10 Ezéchiel 16.6-16.16
⁴ וְעַד־זִקְנָה֙ אֲנִ֣י ה֔וּא וְעַד־שֵיבָ֖ה אֲנִ֣י אֶסְבֹּ֑ל אֲנִ֤י עָשִׂ֨יתִי֙ וַאֲנִ֣י אֶשָּׂ֔א וַאֲנִ֥י אֶסְבֹּ֖ל וַאֲמַלֵּֽט׃ סPsaumes 71.18 Esaïe 43.13 Romains 11.29 Jacques 1.17 Esaïe 41.4
⁵ לְמִ֥י תְדַמְי֖וּנִי וְתַשְׁו֑וּ וְתַמְשִׁל֖וּנִי וְנִדְמֶֽה׃Esaïe 40.18 Esaïe 40.25 Philippiens 2.6 Jérémie 10.16 Psaumes 89.6
⁶ הַזָּלִ֤ים זָהָב֙ מִכִּ֔יס וְכֶ֖סֶף בַּקָּנֶ֣ה יִשְׁקֹ֑לוּ יִשְׂכְּר֤וּ צֹורֵף֙ וְיַעֲשֵׂ֣הוּ אֵ֔ל יִסְגְּד֖וּ אַף־יִֽשְׁתַּחֲוּֽוּ׃Jérémie 10.9 Jérémie 10.3-10.4 Esaïe 41.6-41.7 Esaïe 40.19-40.20 1 Rois 12.28
⁷ יִ֠שָּׂאֻהוּ עַל־כָּתֵ֨ף יִסְבְּלֻ֜הוּ וְיַנִּיחֻ֤הוּ תַחְתָּיו֙ וְיַֽעֲמֹ֔ד מִמְּקֹומֹ֖ו לֹ֣א יָמִ֑ישׁ אַף־יִצְעַ֤ק אֵלָיו֙ וְלֹ֣א יַעֲנֶ֔ה מִצָּרָתֹ֖ו לֹ֥א יֹושִׁיעֶֽנּוּ׃ סEsaïe 45.20 Jérémie 10.5 Esaïe 37.38 1 Samuel 5.3 Juges 10.12-10.14
⁸ זִכְרוּ־זֹ֖את וְהִתְאֹשָׁ֑שׁוּ הָשִׁ֥יבוּ פֹושְׁעִ֖ים עַל־לֵֽב׃Aggée 1.5 Deutéronome 32.29 Ephésiens 5.14 Ezéchiel 18.28 Aggée 1.7
⁹ זִכְר֥וּ רִאשֹׁנֹ֖ות מֵעֹולָ֑ם כִּ֣י אָנֹכִ֥י אֵל֙ וְאֵ֣ין עֹ֔וד אֱלֹהִ֖ים וְאֶ֥פֶס כָּמֹֽונִי׃Deutéronome 32.7 Esaïe 42.9 Deutéronome 33.26 Psaumes 78.1-78.72 Esaïe 65.17
¹⁰ מַגִּ֤יד מֵֽרֵאשִׁית֙ אַחֲרִ֔ית וּמִקֶּ֖דֶם אֲשֶׁ֣ר לֹא־נַעֲשׂ֑וּ אֹמֵר֙ עֲצָתִ֣י תָק֔וּם וְכָל־חֶפְצִ֖י אֶעֱשֶֽׂה׃Proverbes 19.21 Psaumes 33.11 Esaïe 43.13 Proverbes 21.30 Hébreux 6.17
¹¹ קֹרֵ֤א מִמִּזְרָח֙ עַ֔יִט מֵאֶ֥רֶץ מֶרְחָ֖ק אִ֣ישׁ עֲצָתִ֑י אַף־דִּבַּ֨רְתִּי֙ אַף־אֲבִיאֶ֔נָּה יָצַ֖רְתִּי אַף־אֶעֱשֶֽׂנָּה׃ סNombres 23.19 Esaïe 41.2 Psaumes 119.24 Job 23.13 Ephésiens 3.11
¹² שִׁמְע֥וּ אֵלַ֖י אַבִּ֣ירֵי לֵ֑ב הָרְחֹוקִ֖ים מִצְּדָקָֽה׃Jérémie 2.5 Esaïe 46.3 Psaumes 119.150 Zacharie 7.11-7.12 Proverbes 1.22-1.23
¹³ קֵרַ֤בְתִּי צִדְקָתִי֙ לֹ֣א תִרְחָ֔ק וּתְשׁוּעָתִ֖י לֹ֣א תְאַחֵ֑ר וְנָתַתִּ֤י בְצִיֹּון֙ תְּשׁוּעָ֔ה לְיִשְׂרָאֵ֖ל תִּפְאַרְתִּֽי׃ סEsaïe 61.3 Esaïe 62.11 Esaïe 44.23 Esaïe 51.5 Joël 3.17