Esaïe 46.11
Biblia Hebraica Stuttgartensia

¹ כָּרַ֥ע בֵּל֙ קֹרֵ֣ס נְבֹ֔ו הָיוּ֙ עֲצַבֵּיהֶ֔ם לַחַיָּ֖ה וְלַבְּהֵמָ֑ה נְשֻׂאֹתֵיכֶ֣ם עֲמוּסֹ֔ות מַשָּׂ֖א לַעֲיֵפָֽה׃Esaïe 21.9 Jérémie 50.2 Jérémie 51.44 1 Samuel 5.3 Esaïe 2.20
² קָרְס֤וּ כָֽרְעוּ֙ יַחְדָּ֔ו לֹ֥א יָכְל֖וּ מַלֵּ֣ט מַשָּׂ֑א וְנַפְשָׁ֖ם בַּשְּׁבִ֥י הָלָֽכָה׃ סJérémie 48.7 Juges 18.17-18.18 2 Samuel 5.21 Juges 18.24 Jérémie 43.12-43.13
³ שִׁמְע֤וּ אֵלַי֙ בֵּ֣ית יַעֲקֹ֔ב וְכָל־שְׁאֵרִ֖ית בֵּ֣ית יִשְׂרָאֵ֑ל הַֽעֲמֻסִים֙ מִנִּי־בֶ֔טֶן הַנְּשֻׂאִ֖ים מִנִּי־רָֽחַם׃Deutéronome 1.31 Esaïe 10.22 Psaumes 71.6 Psaumes 22.9-22.10 Ezéchiel 16.6-16.16
⁴ וְעַד־זִקְנָה֙ אֲנִ֣י ה֔וּא וְעַד־שֵיבָ֖ה אֲנִ֣י אֶסְבֹּ֑ל אֲנִ֤י עָשִׂ֨יתִי֙ וַאֲנִ֣י אֶשָּׂ֔א וַאֲנִ֥י אֶסְבֹּ֖ל וַאֲמַלֵּֽט׃ סPsaumes 71.18 Romains 11.29 Esaïe 43.13 Hébreux 1.12 Psaumes 92.14
⁵ לְמִ֥י תְדַמְי֖וּנִי וְתַשְׁו֑וּ וְתַמְשִׁל֖וּנִי וְנִדְמֶֽה׃Esaïe 40.18 Esaïe 40.25 Psaumes 113.5 Colossiens 1.15 Hébreux 1.3
⁶ הַזָּלִ֤ים זָהָב֙ מִכִּ֔יס וְכֶ֖סֶף בַּקָּנֶ֣ה יִשְׁקֹ֑לוּ יִשְׂכְּר֤וּ צֹורֵף֙ וְיַעֲשֵׂ֣הוּ אֵ֔ל יִסְגְּד֖וּ אַף־יִֽשְׁתַּחֲוּֽוּ׃Esaïe 2.8 Daniel 3.5-3.15 Juges 17.3-17.4 Exode 32.2-32.4 Actes 17.29
⁷ יִ֠שָּׂאֻהוּ עַל־כָּתֵ֨ף יִסְבְּלֻ֜הוּ וְיַנִּיחֻ֤הוּ תַחְתָּיו֙ וְיַֽעֲמֹ֔ד מִמְּקֹומֹ֖ו לֹ֣א יָמִ֑ישׁ אַף־יִצְעַ֤ק אֵלָיו֙ וְלֹ֣א יַעֲנֶ֔ה מִצָּרָתֹ֖ו לֹ֥א יֹושִׁיעֶֽנּוּ׃ סEsaïe 45.20 Jérémie 10.5 Esaïe 46.1 Daniel 3.1 Jérémie 2.28
⁸ זִכְרוּ־זֹ֖את וְהִתְאֹשָׁ֑שׁוּ הָשִׁ֥יבוּ פֹושְׁעִ֖ים עַל־לֵֽב׃Jérémie 10.8 Psaumes 115.8 Esaïe 47.7 1 Corinthiens 14.20 Esaïe 44.18-44.21
⁹ זִכְר֥וּ רִאשֹׁנֹ֖ות מֵעֹולָ֑ם כִּ֣י אָנֹכִ֥י אֵל֙ וְאֵ֣ין עֹ֔וד אֱלֹהִ֖ים וְאֶ֥פֶס כָּמֹֽונִי׃Deutéronome 32.7 Esaïe 65.17 Psaumes 111.4 Esaïe 42.9 Deutéronome 33.26
¹⁰ מַגִּ֤יד מֵֽרֵאשִׁית֙ אַחֲרִ֔ית וּמִקֶּ֖דֶם אֲשֶׁ֣ר לֹא־נַעֲשׂ֑וּ אֹמֵר֙ עֲצָתִ֣י תָק֔וּם וְכָל־חֶפְצִ֖י אֶעֱשֶֽׂה׃Proverbes 19.21 Psaumes 33.11 Esaïe 43.13 Proverbes 21.30 Hébreux 6.17
¹¹ קֹרֵ֤א מִמִּזְרָח֙ עַ֔יִט מֵאֶ֥רֶץ מֶרְחָ֖ק אִ֣ישׁ עֲצָתִ֑י אַף־דִּבַּ֨רְתִּי֙ אַף־אֲבִיאֶ֔נָּה יָצַ֖רְתִּי אַף־אֶעֱשֶֽׂנָּה׃ סNombres 23.19 Esaïe 41.2 Psaumes 119.24 Ephésiens 3.11 Esaïe 14.24-14.27
¹² שִׁמְע֥וּ אֵלַ֖י אַבִּ֣ירֵי לֵ֑ב הָרְחֹוקִ֖ים מִצְּדָקָֽה׃Esaïe 46.3 Psaumes 119.150 Jérémie 2.5 Psaumes 76.5 Ephésiens 2.13
¹³ קֵרַ֤בְתִּי צִדְקָתִי֙ לֹ֣א תִרְחָ֔ק וּתְשׁוּעָתִ֖י לֹ֣א תְאַחֵ֑ר וְנָתַתִּ֤י בְצִיֹּון֙ תְּשׁוּעָ֔ה לְיִשְׂרָאֵ֖ל תִּפְאַרְתִּֽי׃ סEsaïe 61.3 Esaïe 51.5 Esaïe 62.11 Esaïe 44.23 Esaïe 12.2