Proverbes 9
Biblia Hebraica Stuttgartensia

¹ חָ֭כְמֹות בָּנְתָ֣ה בֵיתָ֑הּ חָצְבָ֖ה עַמּוּדֶ֣יהָ שִׁבְעָֽה׃ Ephésiens 2.20-2.22 Galates 2.9 1 Corinthiens 3.9-3.15 Matthieu 16.18 Apocalypse 3.12
² טָבְחָ֣ה טִ֭בְחָהּ מָסְכָ֣ה יֵינָ֑הּ אַ֝֗ף עָֽרְכָ֥ה שֻׁלְחָנָֽהּ׃ Esaïe 25.6 Matthieu 22.3-22.14 Proverbes 23.30 Genèse 43.16 Proverbes 9.5
³ שָֽׁלְחָ֣ה נַעֲרֹתֶ֣יהָ תִקְרָ֑א עַל־גַּ֝פֵּ֗י מְרֹ֣מֵי קָֽרֶת׃ Proverbes 9.14 Proverbes 8.1-8.3 Jean 18.20 Matthieu 22.9 Jean 7.37
⁴ מִי־פֶ֭תִי יָסֻ֣ר הֵ֑נָּה חֲסַר־לֵ֝֗ב אָ֣מְרָה לֹּֽו׃ Proverbes 6.32 Proverbes 9.16 Matthieu 11.25 Proverbes 8.5 Psaumes 19.7
⁵ לְ֭כוּ לַחֲמ֣וּ בְֽלַחֲמִ֑י וּ֝שְׁת֗וּ בְּיַ֣יִן מָסָֽכְתִּי׃ Jean 6.27 Cantique 5.1 Psaumes 22.26 Jérémie 31.12-31.14 Esaïe 55.1-55.3
⁶ עִזְב֣וּ פְתָאיִ֣ם וִֽחְי֑וּ וְ֝אִשְׁר֗וּ בְּדֶ֣רֶךְ בִּינָֽה׃ Proverbes 13.20 Proverbes 4.14-4.15 Proverbes 4.11 Proverbes 8.35 Apocalypse 18.4
⁷ יֹ֤סֵ֨ר׀ לֵ֗ץ לֹקֵ֣חַֽ לֹ֣ו קָלֹ֑ון וּמֹוכִ֖יחַ לְרָשָׁ֣ע מוּמֹֽו׃ 2 Chroniques 36.16 Genèse 19.8-19.9 Proverbes 23.9 1 Rois 18.17 Proverbes 15.12
⁸ אַל־תֹּ֣וכַח לֵ֭ץ פֶּן־יִשְׂנָאֶ֑ךָּ הֹוכַ֥ח לְ֝חָכָ֗ם וְיֶאֱהָבֶֽךָּ׃ Psaumes 141.5 Matthieu 7.6 Proverbes 13.18 1 Rois 1.23 Proverbes 29.1
⁹ תֵּ֣ן לְ֭חָכָם וְיֶחְכַּם־עֹ֑וד הֹודַ֥ע לְ֝צַדִּ֗יק וְיֹ֣וסֶף לֶֽקַח׃ פ Proverbes 1.5 Matthieu 13.11-13.12 Osée 6.3 1 Jean 5.13 1 Jean 2.20-2.21
¹⁰ תְּחִלַּ֣ת חָ֭כְמָה יִרְאַ֣ת יְהוָ֑ה וְדַ֖עַת קְדֹשִׁ֣ים בִּינָֽה׃ Proverbes 1.7 Job 28.28 Psaumes 111.10 Ecclésiaste 12.13 Proverbes 2.5
¹¹ כִּי־בִ֭י יִרְבּ֣וּ יָמֶ֑יךָ וְיֹוסִ֥יפוּ לְּ֝ךָ֗ שְׁנֹ֣ות חַיִּֽים׃ Proverbes 3.16 Proverbes 10.27 Proverbes 3.2 Deutéronome 6.2
¹² אִם־חָ֭כַמְתָּ חָכַ֣מְתָּ לָּ֑ךְ וְ֝לַ֗צְתָּ לְֽבַדְּךָ֥ תִשָּֽׂא׃ Job 22.2-22.3 Esaïe 28.22 Job 35.6-35.7 2 Pierre 3.16 2 Pierre 3.3-3.4
¹³ אֵ֣שֶׁת כְּ֭סִילוּת הֹֽמִיָּ֑ה פְּ֝תַיּ֗וּת וּבַל־יָ֥דְעָה מָּֽה׃ Proverbes 7.11 Proverbes 5.6 1 Timothée 6.4 Proverbes 21.19 Proverbes 21.9
¹⁴ וְֽ֭יָשְׁבָה לְפֶ֣תַח בֵּיתָ֑הּ עַל־כִּ֝סֵּ֗א מְרֹ֣מֵי קָֽרֶת׃ Proverbes 9.3 Proverbes 7.10-7.12
¹⁵ לִקְרֹ֥א לְעֹֽבְרֵי־דָ֑רֶךְ הַֽ֝מְיַשְּׁרִ֗ים אֹֽרְחֹותָֽם׃ Proverbes 23.27-23.28 Proverbes 7.25-7.27 Proverbes 7.13-7.15
¹⁶ מִי־פֶ֭תִי יָסֻ֣ר הֵ֑נָּה וַחֲסַר־לֵ֝֗ב וְאָ֣מְרָה לֹּֽו׃ Proverbes 9.4
¹⁷ מַֽיִם־גְּנוּבִ֥ים יִמְתָּ֑קוּ וְלֶ֖חֶם סְתָרִ֣ים יִנְעָֽם׃ Proverbes 20.17 Proverbes 30.20 Proverbes 23.31-23.32 Ephésiens 5.12 Genèse 3.6
¹⁸ וְֽלֹא־יָ֭דַע כִּֽי־רְפָאִ֣ים שָׁ֑ם בְּעִמְקֵ֖י שְׁאֹ֣ול קְרֻאֶֽיהָ׃ פ Proverbes 7.27 Proverbes 2.18-2.19 2 Pierre 3.5 Proverbes 5.5 Psaumes 82.5