Proverbes 25.14
Biblia Hebraica Stuttgartensia

Proverbes de Salomon

Les relations

¹ גַּם־אֵ֭לֶּה מִשְׁלֵ֣י שְׁלֹמֹ֑ה אֲשֶׁ֥ר הֶ֝עְתִּ֗יקוּ אַנְשֵׁ֤י׀ חִזְקִיָּ֬ה מֶֽלֶךְ־יְהוּדָֽה׃
Proverbes 1.1 1 Rois 4.32 Osée 1.1 Esaïe 36.22 Esaïe 37.2
² כְּבֹ֣ד אֱ֭לֹהִים הַסְתֵּ֣ר דָּבָ֑ר וּכְבֹ֥ד מְ֝לָכִ֗ים חֲקֹ֣ר דָּבָֽר׃
Deutéronome 29.29 Romains 11.33-11.34 1 Rois 3.9-3.28 Job 29.16 Esdras 4.15
³ שָׁמַ֣יִם לָ֭רוּם וָאָ֣רֶץ לָעֹ֑מֶק וְלֵ֥ב מְ֝לָכִ֗ים אֵ֣ין חֵֽקֶר׃
Esaïe 7.11 1 Pierre 1.7 Esaïe 55.9 Romains 8.39 1 Rois 4.29
⁴ הָגֹ֣ו סִיגִ֣ים מִכָּ֑סֶף וַיֵּצֵ֖א לַצֹּרֵ֣ף כֶּֽלִי׃
2 Timothée 2.20-2.21 Esaïe 1.25-1.27 Ezéchiel 22.18 Proverbes 17.3 1 Pierre 1.7
⁵ הָגֹ֣ו רָ֭שָׁע לִפְנֵי־מֶ֑לֶךְ וְיִכֹּ֖ון בַּצֶּ֣דֶק כִּסְאֹֽו׃
Proverbes 16.12 Proverbes 20.8 Proverbes 29.14 Proverbes 20.28 Esaïe 16.5
⁶ אַל־תִּתְהַדַּ֥ר לִפְנֵי־מֶ֑לֶךְ וּבִמְקֹ֥ום גְּ֝דֹלִ֗ים אַֽל־תַּעֲמֹֽד׃
Proverbes 27.2 Proverbes 25.27 Exode 3.11 1 Samuel 18.18-18.23 2 Samuel 7.8-7.17
⁷ כִּ֤י טֹ֥וב אֲמָר־לְךָ֗ עֲֽלֵ֫ה הֵ֥נָּה מֵֽ֭הַשְׁפִּ֣ילְךָ לִפְנֵ֣י נָדִ֑יב אֲשֶׁ֖ר רָא֣וּ עֵינֶֽיךָ׃
1 Pierre 5.5 Luc 14.7-14.11 Luc 18.14 Apocalypse 4.1 Proverbes 16.19
⁸ אַל־תֵּצֵ֥א לָרִ֗ב מַ֫הֵ֥ר פֶּ֣ן מַה־תַּ֭עֲשֶׂה בְּאַחֲרִיתָ֑הּ בְּהַכְלִ֖ים אֹתְךָ֣ רֵעֶֽךָ׃
Matthieu 5.25 Proverbes 17.14 Proverbes 30.33 Proverbes 18.6 Proverbes 14.12
⁹ רִֽ֭יבְךָ רִ֣יב אֶת־רֵעֶ֑ךָ וְסֹ֖וד אַחֵ֣ר אַל־תְּגָֽל׃
Proverbes 11.13 Matthieu 18.5-18.17 Proverbes 20.19
¹⁰ פֶּֽן־יְחַסֶּדְךָ֥ שֹׁמֵ֑עַ וְ֝דִבָּתְךָ֗ לֹ֣א תָשֽׁוּב׃
Psaumes 119.39
¹¹ תַּפּוּחֵ֣י זָ֭הָב בְּמַשְׂכִּיֹּ֥ות כָּ֑סֶף דָּ֝בָ֗ר דָּבֻ֥ר עַל־אָפְנָֽיו׃
Proverbes 15.23 Esaïe 50.4 Ecclésiaste 12.10 Proverbes 24.26
¹² נֶ֣זֶם זָ֭הָב וַחֲלִי־כָ֑תֶם מֹוכִ֥יחַ חָ֝כָ֗ם עַל־אֹ֥זֶן שֹׁמָֽעַת׃
Psaumes 141.5 Proverbes 15.31-15.32 1 Samuel 25.31-25.34 Proverbes 27.5-27.6 Proverbes 15.5
¹³ כְּצִנַּת־שֶׁ֨לֶג׀ בְּיֹ֬ום קָצִ֗יר צִ֣יר נֶ֭אֱמָן לְשֹׁלְחָ֑יו וְנֶ֖פֶשׁ אֲדֹנָ֣יו יָשִֽׁיב׃ פ
Proverbes 13.17 Philippiens 2.25-2.30 Proverbes 25.25 Proverbes 26.6
¹⁴ נְשִׂיאִ֣ים וְ֭רוּחַ וְגֶ֣שֶׁם אָ֑יִן אִ֥ישׁ מִ֝תְהַלֵּ֗ל בְּמַתַּת־שָֽׁקֶר׃
Proverbes 20.6 2 Corinthiens 11.31 Luc 14.11 Jude 1.16 1 Rois 22.11
¹⁵ בְּאֹ֣רֶךְ אַ֭פַּיִם יְפֻתֶּ֣ה קָצִ֑ין וְלָשֹׁ֥ון רַ֝כָּ֗ה תִּשְׁבָּר־גָּֽרֶם׃
Proverbes 15.1 Ecclésiaste 10.4 Proverbes 16.14 Genèse 32.4-32.21 1 Samuel 25.24-25.44
¹⁶ דְּבַ֣שׁ מָ֭צָאתָ אֱכֹ֣ל דַּיֶּ֑ךָּ פֶּן־תִּ֝שְׂבָּעֶ֗נּוּ וַהֲקֵֽאתֹֽו׃
Proverbes 25.27 Proverbes 23.8 1 Samuel 14.25-14.27 Esaïe 7.15 Proverbes 24.13-24.14
¹⁷ הֹקַ֣ר רַ֭גְלְךָ מִבֵּ֣ית רֵעֶ֑ךָ פֶּן־יִ֝שְׂבָּעֲךָ֗ וּשְׂנֵאֶֽךָ׃
Genèse 19.2-19.3 Juges 19.18-19.21
¹⁸ מֵפִ֣יץ וְ֭חֶרֶב וְחֵ֣ץ שָׁנ֑וּן אִ֥ישׁ עֹנֶ֥ה בְ֝רֵעֵ֗הוּ עֵ֣ד שָֽׁקֶר׃
Psaumes 57.4 Proverbes 12.18 Jérémie 9.8 Psaumes 55.21 Jacques 3.6
¹⁹ שֵׁ֣ן רֹ֭עָה וְרֶ֣גֶל מוּעָ֑דֶת מִבְטָ֥ח בֹּ֝וגֵ֗ד בְּיֹ֣ום צָרָֽה׃
Job 6.14-6.20 2 Chroniques 28.20-28.21 Esaïe 36.6 Esaïe 30.1-30.3 2 Timothée 4.16
²⁰ מַ֥עֲדֶה בֶּ֨גֶד׀ בְּיֹ֣ום קָ֭רָה חֹ֣מֶץ עַל־נָ֑תֶר וְשָׁ֥ר בַּ֝שִּׁרִ֗ים עַ֣ל לֶב־רָֽע׃ פ
Romains 12.15 Ecclésiaste 3.4 Esaïe 58.7 Jacques 2.15-2.16 Deutéronome 24.12-24.17
²¹ אִם־רָעֵ֣ב שֹׂ֭נַאֲךָ הַאֲכִלֵ֣הוּ לָ֑חֶם וְאִם־צָ֝מֵ֗א הַשְׁקֵ֥הוּ מָֽיִם׃
Exode 23.4-23.5 Romains 12.20-12.21 Matthieu 5.44 Proverbes 24.17 Luc 10.33-10.36
²² כִּ֤י גֶֽחָלִ֗ים אַ֭תָּה חֹתֶ֣ה עַל־רֹאשֹׁ֑ו וַֽ֝יהוָ֗ה יְשַׁלֶּם־לָֽךְ׃
2 Samuel 16.12 Matthieu 10.13 1 Corinthiens 15.18
²³ ר֣וּחַ צָ֭פֹון תְּחֹ֣ולֵֽל גָּ֑שֶׁם וּפָנִ֥ים נִ֝זְעָמִ֗ים לְשֹׁ֣ון סָֽתֶר׃
Psaumes 101.5 Romains 1.30 Proverbes 26.20 2 Corinthiens 12.20 Job 37.22
²⁴ טֹ֗וב שֶׁ֥בֶת עַל־פִּנַּת־גָּ֑ג מֵאֵ֥שֶׁת מִ֝דְיָנִ֗ים וּבֵ֥ית חָֽבֶר׃
Proverbes 21.9 Proverbes 21.19 Proverbes 27.15-27.16 Proverbes 19.13
²⁵ מַ֣יִם קָ֭רִים עַל־נֶ֣פֶשׁ עֲיֵפָ֑ה וּשְׁמוּעָ֥ה טֹ֝ובָ֗ה מֵאֶ֥רֶץ מֶרְחָֽק׃
Proverbes 15.30 Romains 10.15 Nahum 1.15 Apocalypse 21.6 Juges 15.18-15.19
²⁶ מַעְיָ֣ן נִ֭רְפָּשׂ וּמָקֹ֣ור מָשְׁחָ֑ת צַ֝דִּ֗יק מָ֣ט לִפְנֵֽי־רָשָֽׁע׃
2 Chroniques 24.21-24.22 1 Thessaloniciens 2.15 Actes 7.52 Matthieu 23.34-23.37 Ezéchiel 34.18-34.19
²⁷ אָ֘כֹ֤ל דְּבַ֣שׁ הַרְבֹּ֣ות לֹא־טֹ֑וב וְחֵ֖קֶר כְּבֹדָ֣ם כָּבֹֽוד׃
Proverbes 27.2 Proverbes 25.16 2 Corinthiens 12.11 Philippiens 2.3 2 Corinthiens 12.1
²⁸ עִ֣יר פְּ֭רוּצָה אֵ֣ין חֹומָ֑ה אִ֝֗ישׁ אֲשֶׁ֤ר אֵ֖ין מַעְצָ֣ר לְרוּחֹֽו׃
Proverbes 16.32 2 Chroniques 32.5 1 Samuel 20.30 Proverbes 22.24 1 Samuel 25.17