Psaumes 98.4
Biblia Hebraica Stuttgartensia

Louange universelle au juste Juge

¹ מִזְמֹ֡ור שִׁ֤ירוּ לַֽיהוָ֨ה׀ שִׁ֣יר חָ֭דָשׁ כִּֽי־נִפְלָאֹ֣ות עָשָׂ֑ה הֹושִֽׁיעָה־לֹּ֥ו יְ֝מִינֹ֗ו וּזְרֹ֥ועַ קָדְשֹֽׁו׃
Exode 15.6 Psaumes 96.1 Esaïe 52.10 Psaumes 96.3 Psaumes 33.3
² הֹודִ֣יעַ יְ֭הוָה יְשׁוּעָתֹ֑ו לְעֵינֵ֥י הַ֝גֹּויִ֗ם גִּלָּ֥ה צִדְקָתֹֽו׃
Esaïe 52.10 Esaïe 62.2 Esaïe 49.6 Psaumes 24.5 Jérémie 23.6
³ זָ֘כַ֤ר חַסְדֹּ֨ו׀ וֶֽאֱֽמוּנָתֹו֮ לְבֵ֪ית יִשְׂרָ֫אֵ֥ל רָא֥וּ כָל־אַפְסֵי־אָ֑רֶץ אֵ֝֗ת יְשׁוּעַ֥ת אֱלֹהֵֽינוּ׃
Psaumes 22.27 Deutéronome 4.31 Luc 1.72 Psaumes 106.45 Romains 15.8-15.9
⁴ הָרִ֣יעוּ לַֽ֭יהוָה כָּל־הָאָ֑רֶץ פִּצְח֖וּ וְרַנְּנ֣וּ וְזַמֵּֽרוּ׃
Esaïe 44.23 Psaumes 66.1 Apocalypse 19.6 Psaumes 100.1 Psaumes 47.1-47.5
⁵ זַמְּר֣וּ לַיהוָ֣ה בְּכִנֹּ֑ור בְּ֝כִנֹּ֗ור וְקֹ֣ול זִמְרָֽה׃
Esaïe 51.3 Apocalypse 14.2-14.3 2 Chroniques 29.25 Psaumes 92.3-92.4 1 Chroniques 25.1-25.6
⁶ בַּ֭חֲצֹ֣צְרֹות וְקֹ֣ול שֹׁופָ֑ר הָ֝רִ֗יעוּ לִפְנֵ֤י׀ הַמֶּ֬לֶךְ יְהוָֽה׃
2 Chroniques 5.12-5.13 1 Chroniques 15.28 Psaumes 81.2-81.4 Nombres 10.1-10.10 Psaumes 47.5-47.7
⁷ יִרְעַ֣ם הַ֭יָּם וּמְלֹאֹ֑ו תֵּ֝בֵ֗ל וְיֹ֣שְׁבֵי בָֽהּ׃
Psaumes 96.11-97.1 Psaumes 24.1 Esaïe 49.13 Esaïe 61.11
⁸ נְהָרֹ֥ות יִמְחֲאוּ־כָ֑ף יַ֝֗חַד הָרִ֥ים יְרַנֵּֽנוּ׃
Esaïe 55.12 Psaumes 89.12 Psaumes 93.3 2 Rois 11.12 Psaumes 65.12-65.13
⁹ לִֽפְֽנֵי־יְהוָ֗ה כִּ֥י בָא֮ לִשְׁפֹּ֪ט הָ֫אָ֥רֶץ יִשְׁפֹּֽט־תֵּבֵ֥ל בְּצֶ֑דֶק וְ֝עַמִּ֗ים בְּמֵישָׁרִֽים׃
Psaumes 96.13 Psaumes 96.10 Psaumes 67.4 Actes 24.25 Psaumes 72.2