Psaumes 97.1
Biblia Hebraica Stuttgartensia

¹ יְהוָ֣ה מָ֭לָךְ תָּגֵ֣ל הָאָ֑רֶץ יִ֝שְׂמְח֗וּ אִיִּ֥ים רַבִּֽים׃Psaumes 96.10-96.11 Psaumes 93.1 Psaumes 99.1 Esaïe 24.14-24.16 Abdias 1.21
² עָנָ֣ן וַעֲרָפֶ֣ל סְבִיבָ֑יו צֶ֥דֶק וּ֝מִשְׁפָּ֗ט מְכֹ֣ון כִּסְאֹֽו׃Psaumes 89.14 Exode 19.9 Hébreux 1.8-1.9 Psaumes 99.4 Romains 11.33
³ אֵ֭שׁ לְפָנָ֣יו תֵּלֵ֑ךְ וּתְלַהֵ֖ט סָבִ֣יב צָרָֽיו׃Habakuk 3.5 Psaumes 50.3 Daniel 7.10 Psaumes 18.8 Malachie 4.1
⁴ הֵאִ֣ירוּ בְרָקָ֣יו תֵּבֵ֑ל רָאֲתָ֖ה וַתָּחֵ֣ל הָאָֽרֶץ׃Psaumes 77.18 Psaumes 104.32 Jérémie 10.10 Apocalypse 19.11 Exode 19.16-19.18
⁵ הָרִ֗ים כַּדֹּונַ֗ג נָ֭מַסּוּ מִלִּפְנֵ֣י יְהוָ֑ה מִ֝לִּפְנֵ֗י אֲדֹ֣ון כָּל־הָאָֽרֶץ׃Nahum 1.5 Josué 3.11 Esaïe 54.5 Michée 1.3-1.4 Psaumes 46.6
⁶ הִגִּ֣ידוּ הַשָּׁמַ֣יִם צִדְקֹ֑ו וְרָא֖וּ כָל־הָעַמִּ֣ים כְּבֹודֹֽו׃Psaumes 50.6 Psaumes 19.1 Esaïe 6.3 Esaïe 1.2 Esaïe 40.5
⁷ יֵבֹ֤שׁוּ׀ כָּל־עֹ֬בְדֵי פֶ֗סֶל הַמִּֽתְהַלְלִ֥ים בָּאֱלִילִ֑ים הִשְׁתַּחֲווּ־לֹ֝ו כָּל־אֱלֹהִֽים׃Hébreux 1.6 Jérémie 10.14 Esaïe 42.17 Lévitique 26.1 Esaïe 44.9-44.11
⁸ שָׁמְעָ֬ה וַתִּשְׂמַ֨ח׀ צִיֹּ֗ון וַ֭תָּגֵלְנָה בְּנֹ֣ות יְהוּדָ֑ה לְמַ֖עַן מִשְׁפָּטֶ֣יךָ יְהוָֽה׃Psaumes 48.11 Psaumes 58.10 Sophonie 3.14-3.17 Apocalypse 18.20 Psaumes 52.6
⁹ כִּֽי־אַתָּ֤ה יְהוָ֗ה עֶלְיֹ֥ון עַל־כָּל־הָאָ֑רֶץ מְאֹ֥ד נַ֝עֲלֵ֗יתָ עַל־כָּל־אֱלֹהִֽים׃Psaumes 83.18 Psaumes 95.3 Exode 18.11 Psaumes 96.4 Psaumes 135.5
¹⁰ אֹהֲבֵ֥י יְהוָ֗ה שִׂנְא֫וּ רָ֥ע שֹׁ֭מֵר נַפְשֹׁ֣ות חֲסִידָ֑יו מִיַּ֥ד רְ֝שָׁעִ֗ים יַצִּילֵֽם׃Proverbes 8.13 Romains 12.9 Daniel 3.28 Amos 5.15 Proverbes 2.8
¹¹ אֹ֖ור זָרֻ֣עַ לַצַּדִּ֑יק וּֽלְיִשְׁרֵי־לֵ֥ב שִׂמְחָֽה׃Proverbes 4.18 Job 22.28 Psaumes 112.4 Psaumes 18.28 Galates 6.8
¹² שִׂמְח֣וּ צַ֭דִּיקִים בַּֽיהוָ֑ה וְ֝הֹוד֗וּ לְזֵ֣כֶר קָדְשֹֽׁו׃Psaumes 30.4 Habakuk 3.17-3.18 Philippiens 4.4 Psaumes 32.11-33.1 Hébreux 12.10