Psaumes 95
Biblia Hebraica Stuttgartensia

¹ לְ֭כוּ נְרַנְּנָ֣ה לַיהוָ֑ה נָ֝רִ֗יעָה לְצ֣וּר יִשְׁעֵֽנוּ׃ 2 Samuel 22.47 Psaumes 89.26 Psaumes 81.1 Psaumes 150.6 1 Chroniques 16.9
² נְקַדְּמָ֣ה פָנָ֣יו בְּתֹודָ֑ה בִּ֝זְמִרֹ֗ות נָרִ֥יעַֽ לֹֽו׃ Psaumes 100.4 Psaumes 100.2 Ephésiens 5.19 Jacques 5.13 Psaumes 105.2
³ כִּ֤י אֵ֣ל גָּדֹ֣ול יְהוָ֑ה וּמֶ֥לֶךְ גָּ֝דֹ֗ול עַל־כָּל־אֱלֹהִֽים׃ Psaumes 97.9 Psaumes 96.4 Psaumes 145.3 Psaumes 135.5 Psaumes 48.1-48.2
⁴ אֲשֶׁ֣ר בְּ֭יָדֹו מֶחְקְרֵי־אָ֑רֶץ וְתֹועֲפֹ֖ות הָרִ֣ים לֹֽו׃ Psaumes 135.6 Psaumes 65.6 Job 9.5 Psaumes 21.2 Michée 1.4
⁵ אֲשֶׁר־לֹ֣ו הַ֭יָּם וְה֣וּא עָשָׂ֑הוּ וְ֝יַבֶּ֗שֶׁת יָדָ֥יו יָצָֽרוּ׃ Genèse 1.9-1.10 Proverbes 8.26 Proverbes 8.29 Job 38.10-38.11 Jonas 1.9
⁶ בֹּ֭אוּ נִשְׁתַּחֲוֶ֣ה וְנִכְרָ֑עָה נִ֝בְרְכָ֗ה לִֽפְנֵי־יְהוָ֥ה עֹשֵֽׂנוּ׃ Psaumes 100.3 2 Chroniques 6.13 Daniel 6.10 Philippiens 2.10 Exode 20.5
⁷ כִּ֘י ה֤וּא אֱלֹהֵ֗ינוּ וַאֲנַ֤חְנוּ עַ֣ם מַ֭רְעִיתֹו וְצֹ֣אן יָדֹ֑ו הַ֝יֹּ֗ום אִֽם־בְּקֹלֹ֥ו תִשְׁמָֽעוּ׃ Hébreux 4.7 Hébreux 3.7-3.11 Hébreux 3.15 Psaumes 48.14 Psaumes 74.1
⁸ אַל־תַּקְשׁ֣וּ לְ֭בַבְכֶם כִּמְרִיבָ֑ה כְּיֹ֥ום מַ֝סָּ֗ה בַּמִּדְבָּֽר׃ Exode 17.7 Nombres 20.13 Deutéronome 6.16 Exode 17.2 1 Samuel 6.6
⁹ אֲשֶׁ֣ר נִ֭סּוּנִי אֲבֹותֵיכֶ֑ם בְּ֝חָנ֗וּנִי גַּם־רָא֥וּ פָעֳלִֽי׃ 1 Corinthiens 10.9 Nombres 14.22 Psaumes 78.56 Matthieu 11.20-11.22 Psaumes 78.40-78.41
¹⁰ אַרְבָּ֘עִ֤ים שָׁנָ֨ה׀ אָ֘ק֤וּט בְּדֹ֗ור וָאֹמַ֗ר עַ֤ם תֹּעֵ֣י לֵבָ֣ב הֵ֑ם וְ֝הֵ֗ם לֹא־יָדְע֥וּ דְרָכָֽי׃ Hébreux 3.17 Actes 7.36 Proverbes 1.22-1.29 Nombres 14.33-14.34 Proverbes 1.7
¹¹ אֲשֶׁר־נִשְׁבַּ֥עְתִּי בְאַפִּ֑י אִם־יְ֝בֹא֗וּן אֶל־מְנוּחָתִֽי׃ Nombres 14.23 Hébreux 4.3 Hébreux 4.5 Hébreux 3.18 Hébreux 3.11