Psaumes 95.5
Biblia Hebraica Stuttgartensia

¹ לְ֭כוּ נְרַנְּנָ֣ה לַיהוָ֑ה נָ֝רִ֗יעָה לְצ֣וּר יִשְׁעֵֽנוּ׃2 Samuel 22.47 Psaumes 89.26 Psaumes 81.1 Apocalypse 5.9 Psaumes 96.1-96.2
² נְקַדְּמָ֣ה פָנָ֣יו בְּתֹודָ֑ה בִּ֝זְמִרֹ֗ות נָרִ֥יעַֽ לֹֽו׃Psaumes 100.4 Jacques 5.13 Psaumes 105.2 Psaumes 17.13 Michée 6.6
³ כִּ֤י אֵ֣ל גָּדֹ֣ול יְהוָ֑ה וּמֶ֥לֶךְ גָּ֝דֹ֗ול עַל־כָּל־אֱלֹהִֽים׃Psaumes 97.9 Psaumes 96.4 Psaumes 145.3 Psaumes 135.5 Exode 18.11
⁴ אֲשֶׁ֣ר בְּ֭יָדֹו מֶחְקְרֵי־אָ֑רֶץ וְתֹועֲפֹ֖ות הָרִ֣ים לֹֽו׃Psaumes 135.6 Habakuk 3.10 Psaumes 97.5 Habakuk 3.6 Nahum 1.5
⁵ אֲשֶׁר־לֹ֣ו הַ֭יָּם וְה֣וּא עָשָׂ֑הוּ וְ֝יַבֶּ֗שֶׁת יָדָ֥יו יָצָֽרוּ׃Genèse 1.9-1.10 Job 38.10-38.11 Jonas 1.9 Jérémie 5.22 Psaumes 146.6
⁶ בֹּ֭אוּ נִשְׁתַּחֲוֶ֣ה וְנִכְרָ֑עָה נִ֝בְרְכָ֗ה לִֽפְנֵי־יְהוָ֥ה עֹשֵֽׂנוּ׃Psaumes 100.3 2 Chroniques 6.13 Daniel 6.10 Philippiens 2.10 Exode 20.5
⁷ כִּ֘י ה֤וּא אֱלֹהֵ֗ינוּ וַאֲנַ֤חְנוּ עַ֣ם מַ֭רְעִיתֹו וְצֹ֣אן יָדֹ֑ו הַ֝יֹּ֗ום אִֽם־בְּקֹלֹ֥ו תִשְׁמָֽעוּ׃Hébreux 4.7 Hébreux 3.7-3.11 Hébreux 3.15 Psaumes 74.1 1 Pierre 2.25
⁸ אַל־תַּקְשׁ֣וּ לְ֭בַבְכֶם כִּמְרִיבָ֑ה כְּיֹ֥ום מַ֝סָּ֗ה בַּמִּדְבָּֽר׃Exode 17.7 Deutéronome 6.16 Nombres 20.13 1 Samuel 6.6 Exode 17.2
⁹ אֲשֶׁ֣ר נִ֭סּוּנִי אֲבֹותֵיכֶ֑ם בְּ֝חָנ֗וּנִי גַּם־רָא֥וּ פָעֳלִֽי׃Nombres 14.22 1 Corinthiens 10.9 Psaumes 78.56 Psaumes 78.40-78.41 Psaumes 78.17-78.18
¹⁰ אַרְבָּ֘עִ֤ים שָׁנָ֨ה׀ אָ֘ק֤וּט בְּדֹ֗ור וָאֹמַ֗ר עַ֤ם תֹּעֵ֣י לֵבָ֣ב הֵ֑ם וְ֝הֵ֗ם לֹא־יָדְע֥וּ דְרָכָֽי׃Hébreux 3.17 Proverbes 1.22-1.29 Actes 7.36 Jérémie 9.6 Genèse 6.6
¹¹ אֲשֶׁר־נִשְׁבַּ֥עְתִּי בְאַפִּ֑י אִם־יְ֝בֹא֗וּן אֶל־מְנוּחָתִֽי׃Hébreux 4.3 Nombres 14.23 Hébreux 4.5 Hébreux 3.11 Hébreux 3.18