Psaumes 24.7
Biblia Hebraica Stuttgartensia

Le roi de gloire dans son temple

¹ לְדָוִ֗ד מִ֫זְמֹ֥ור לַֽ֭יהוָה הָאָ֣רֶץ וּמְלֹואָ֑הּ תֵּ֝בֵ֗ל וְיֹ֣שְׁבֵי בָֽהּ׃
Psaumes 89.11 1 Corinthiens 10.26 Job 41.11 Exode 9.29 1 Chroniques 29.11
² כִּי־ה֖וּא עַל־יַמִּ֣ים יְסָדָ֑הּ וְעַל־נְ֝הָרֹ֗ות יְכֹונְנֶֽהָ׃
Psaumes 136.6 Psaumes 104.5-104.6 Genèse 1.9-1.10 Jérémie 5.22 Psaumes 96.10
³ מִֽי־יַעֲלֶ֥ה בְהַר־יְהוָ֑ה וּמִי־יָ֝קוּם בִּמְקֹ֥ום קָדְשֹֽׁו׃
Psaumes 15.1 Psaumes 2.6 Malachie 3.1 Psaumes 68.18 Hébreux 12.22-12.24
⁴ נְקִ֥י כַפַּ֗יִם וּֽבַר־לֵ֫בָ֥ב אֲשֶׁ֤ר׀ לֹא־נָשָׂ֣א לַשָּׁ֣וְא נַפְשִׁ֑י וְלֹ֖א נִשְׁבַּ֣ע לְמִרְמָֽה׃
Matthieu 5.8 Psaumes 51.10 Job 17.9 Jacques 4.8 Psaumes 26.6
⁵ יִשָּׂ֣א בְ֭רָכָה מֵאֵ֣ת יְהוָ֑ה וּ֝צְדָקָ֗ה מֵאֱלֹהֵ֥י יִשְׁעֹֽו׃
Tite 3.4-3.6 Psaumes 88.1 Philippiens 3.9 Esaïe 46.13 Esaïe 12.2
⁶ זֶ֭ה דֹּ֣ור דֹּרְשָׁ֑יו מְבַקְשֵׁ֨י פָנֶ֖יךָ יַעֲקֹ֣ב סֶֽלָה׃
Psaumes 27.8 Psaumes 105.4 1 Pierre 2.9 Psaumes 73.15 Jean 1.47
⁷ שְׂא֤וּ שְׁעָרִ֨ים׀ רָֽאשֵׁיכֶ֗ם וְֽ֭הִנָּשְׂאוּ פִּתְחֵ֣י עֹולָ֑ם וְ֝יָבֹ֗וא מֶ֣לֶךְ הַכָּבֹֽוד׃
1 Corinthiens 2.8 Esaïe 26.2 Psaumes 118.19-118.20 Psaumes 97.6 2 Samuel 6.17
⁸ מִ֥י זֶה֮ מֶ֤לֶךְ הַכָּ֫בֹ֥וד יְ֭הוָה עִזּ֣וּז וְגִבֹּ֑ור יְ֝הוָ֗ה גִּבֹּ֥ור מִלְחָמָֽה׃
Apocalypse 6.2 Apocalypse 19.11-19.21 Colossiens 2.15 Psaumes 45.3-45.6 Esaïe 19.24-19.25
⁹ שְׂא֤וּ שְׁעָרִ֨ים׀ רָֽאשֵׁיכֶ֗ם וּ֭שְׂאוּ פִּתְחֵ֣י עֹולָ֑ם וְ֝יָבֹא מֶ֣לֶךְ הַכָּבֹֽוד׃
¹⁰ מִ֤י ה֣וּא זֶה֮ מֶ֤לֶךְ הַכָּ֫בֹ֥וד יְהוָ֥ה צְבָאֹ֑ות ה֤וּא מֶ֖לֶךְ הַכָּבֹ֣וד סֶֽלָה׃
Matthieu 25.34 Tite 2.13 Matthieu 25.31 Esaïe 6.3-6.5 Jean 12.40