Psaumes 137.5
Biblia Hebraica Stuttgartensia

Souffrance des exilés

¹ עַ֥ל נַהֲרֹ֨ות׀ בָּבֶ֗ל שָׁ֣ם יָ֭שַׁבְנוּ גַּם־בָּכִ֑ינוּ בְּ֝זָכְרֵ֗נוּ אֶת־צִיֹּֽון׃
Ezéchiel 1.1 Daniel 9.3 Néhémie 2.3 Lamentations 1.16 Ezéchiel 3.15
² עַֽל־עֲרָבִ֥ים בְּתֹוכָ֑הּ תָּ֝לִ֗ינוּ כִּנֹּרֹותֵֽינוּ׃
Ezéchiel 26.13 Esaïe 24.8 Psaumes 33.2 Psaumes 81.2 Amos 8.10
³ כִּ֤י שָׁ֨ם שְֽׁאֵל֪וּנוּ שֹׁובֵ֡ינוּ דִּבְרֵי־שִׁ֭יר וְתֹולָלֵ֣ינוּ שִׂמְחָ֑ה שִׁ֥ירוּ לָ֝֗נוּ מִשִּׁ֥יר צִיֹּֽון׃
Jérémie 31.12-31.13 Jérémie 9.11 Psaumes 79.1 Michée 3.12 Apocalypse 14.1-14.3
⁴ אֵ֗יךְ נָשִׁ֥יר אֶת־שִׁיר־יְהוָ֑ה עַ֝֗ל אַדְמַ֥ת נֵכָֽר׃
Osée 9.4 Esaïe 49.21 Lamentations 5.14-5.15 Esaïe 22.12 Ecclésiaste 3.4
⁵ אִֽם־אֶשְׁכָּחֵ֥ךְ יְֽרוּשָׁלִָ֗ם תִּשְׁכַּ֥ח יְמִינִֽי׃
Esaïe 62.1 Psaumes 84.10 Néhémie 2.2-2.3 Daniel 6.10-6.11 Jérémie 51.50
⁶ תִּדְבַּ֥ק־לְשֹׁונִ֨י׀ לְחִכִּי֮ אִם־לֹ֪א אֶ֫זְכְּרֵ֥כִי אִם־לֹ֣א אַ֭עֲלֶה אֶת־יְרוּשָׁלִַ֑ם עַ֝֗ל רֹ֣אשׁ שִׂמְחָתִֽי׃
Ezéchiel 3.26 Psaumes 22.15 Philippiens 1.20 Matthieu 6.33 Job 29.10
⁷ זְכֹ֤ר יְהוָ֨ה׀ לִבְנֵ֬י אֱדֹ֗ום אֵת֮ יֹ֤ום יְֽרוּשָׁ֫לִָ֥ם הָ֭אֹ֣מְרִים עָ֤רוּ׀ עָ֑רוּ עַ֝֗ד הַיְסֹ֥וד בָּֽהּ׃
Abdias 1.10-1.14 Ezéchiel 25.12-25.14 Lamentations 4.21-4.22 Jérémie 49.7-49.22 Habakuk 3.13
⁸ בַּת־בָּבֶ֗ל הַשְּׁד֫וּדָ֥ה אַשְׁרֵ֥י שֶׁיְשַׁלֶּם־לָ֑ךְ אֶת־גְּ֝מוּלֵ֗ךְ שֶׁגָּמַ֥לְתְּ לָֽנוּ׃
Apocalypse 18.6 Esaïe 13.1-13.22 Apocalypse 18.20 Esaïe 44.28 Apocalypse 17.1-17.18
⁹ אַשְׁרֵ֤י׀ שֶׁיֹּאחֵ֓ז וְנִפֵּ֬ץ אֶֽת־עֹ֝לָלַ֗יִךְ אֶל־הַסָּֽלַע׃
Esaïe 13.16 2 Rois 8.12 Osée 13.16 Nahum 3.10 Osée 10.14