Psaumes 110.1
Biblia Hebraica Stuttgartensia

¹ לְדָוִ֗ד מִ֫זְמֹ֥ור נְאֻ֤ם יְהוָ֨ה׀ לַֽאדֹנִ֗י שֵׁ֥ב לִֽימִינִ֑י עַד־אָשִׁ֥ית אֹ֝יְבֶ֗יךָ הֲדֹ֣ם לְרַגְלֶֽיךָ׃Hébreux 10.12-10.13 1 Corinthiens 15.25 Ephésiens 1.20-1.22 Luc 20.42-20.43 Hébreux 1.13
² מַטֵּֽה־עֻזְּךָ֗ יִשְׁלַ֣ח יְ֭הוָה מִצִּיֹּ֑ון רְ֝דֵ֗ה בְּקֶ֣רֶב אֹיְבֶֽיךָ׃Matthieu 28.18-28.20 Romains 1.16 Psaumes 22.28-22.29 1 Corinthiens 1.23-1.24 1 Thessaloniciens 2.13
³ עַמְּךָ֣ נְדָבֹת֮ בְּיֹ֪ום חֵ֫ילֶ֥ךָ בְּֽהַדְרֵי־קֹ֖דֶשׁ מֵרֶ֣חֶם מִשְׁחָ֑ר לְ֝ךָ֗ טַ֣ל יַלְדֻתֶֽיךָ׃Juges 5.2 Tite 2.14 Psaumes 96.9 Ephésiens 1.4 Galates 1.15-1.16
⁴ נִשְׁבַּ֤ע יְהוָ֨ה׀ וְלֹ֥א יִנָּחֵ֗ם אַתָּֽה־כֹהֵ֥ן לְעֹולָ֑ם עַל־דִּ֝בְרָתִ֗י מַלְכִּי־צֶֽדֶק׃Hébreux 7.17 Nombres 23.19 Hébreux 5.6 Hébreux 7.21 Zacharie 6.13
⁵ אֲדֹנָ֥י עַל־יְמִֽינְךָ֑ מָחַ֖ץ בְּיֹום־אַפֹּ֣ו מְלָכִֽים׃Romains 2.5 Psaumes 16.8 Psaumes 68.14 Apocalypse 17.12-17.14 Psaumes 68.30
⁶ יָדִ֣ין בַּ֭גֹּויִם מָלֵ֣א גְוִיֹּ֑ות מָ֥חַץ רֹ֝֗אשׁ עַל־אֶ֥רֶץ רַבָּֽה׃Psaumes 68.21 Esaïe 2.4 Michée 4.3 Ezéchiel 38.21-38.22 Habakuk 3.13
⁷ מִ֭נַּחַל בַּדֶּ֣רֶךְ יִשְׁתֶּ֑ה עַל־כֵּ֝֗ן יָרִ֥ים רֹֽאשׁ׃Psaumes 27.6 Juges 7.5-7.6 Jérémie 23.15 Jérémie 52.31 Matthieu 26.42