Job 5.23
Biblia Hebraica Stuttgartensia

¹ קְֽרָא־נָ֭א הֲיֵ֣שׁ עֹונֶ֑ךָּ וְאֶל־מִ֖י מִקְּדֹשִׁ֣ים תִּפְנֶֽה׃Job 15.15 Esaïe 41.1 Job 4.18 Hébreux 12.1 Psaumes 16.3
² כִּֽי־לֶֽ֭אֱוִיל יַהֲרָג־כָּ֑עַשׂ וּ֝פֹתֶ֗ה תָּמִ֥ית קִנְאָֽה׃Psaumes 14.1 Genèse 30.1 2 Timothée 3.6 Psaumes 75.4 Osée 7.11
³ אֲֽנִי־רָ֭אִיתִי אֱוִ֣יל מַשְׁרִ֑ישׁ וָאֶקֹּ֖וב נָוֵ֣הוּ פִתְאֹֽם׃Psaumes 73.18-73.20 Psaumes 37.35-37.36 Jérémie 12.1-12.3 Actes 1.20 Deutéronome 27.15-27.26
⁴ יִרְחֲק֣וּ בָנָ֣יו מִיֶּ֑שַׁע וְיִֽדַּכְּא֥וּ בַ֝שַּׁ֗עַר וְאֵ֣ין מַצִּֽיל׃Psaumes 127.5 Psaumes 119.155 Job 4.10-4.11 Job 27.14 Amos 5.12
⁵ אֲשֶׁ֤ר קְצִירֹ֨ו׀ רָ֘עֵ֤ב יֹאכֵ֗ל וְאֶֽל־מִצִּנִּ֥ים יִקָּחֵ֑הוּ וְשָׁאַ֖ף צַמִּ֣ים חֵילָֽם׃Job 1.15 Job 20.15 Esaïe 62.8 Juges 6.3-6.6 Juges 6.11
⁶ כִּ֤י׀ לֹא־יֵצֵ֣א מֵעָפָ֣ר אָ֑וֶן וּ֝מֵאֲדָמָ֗ה לֹא־יִצְמַ֥ח עָמָֽל׃Job 34.29 Hébreux 12.15 1 Samuel 6.9 Osée 10.4 Amos 3.6
⁷ כִּֽי־אָ֭דָם לְעָמָ֣ל יוּלָּ֑ד וּבְנֵי־רֶ֝֗שֶׁף יַגְבִּ֥יהוּ עֽוּף׃Job 14.1 Genèse 3.17-3.19 1 Corinthiens 10.13 Ecclésiaste 1.8 Psaumes 90.8-90.9
⁸ אוּלָ֗ם אֲ֭נִי אֶדְרֹ֣שׁ אֶל־אֵ֑ל וְאֶל־אֱ֝לֹהִ֗ים אָשִׂ֥ים דִּבְרָתִֽי׃Psaumes 50.15 Psaumes 37.5 1 Pierre 4.19 Job 22.21 1 Pierre 2.23
⁹ עֹשֶׂ֣ה גְ֭דֹלֹות וְאֵ֣ין חֵ֑קֶר נִ֝פְלָאֹ֗ות עַד־אֵ֥ין מִסְפָּֽר׃Job 9.10 Psaumes 40.5 Psaumes 72.18 Romains 11.33 Esaïe 40.28
¹⁰ הַנֹּתֵ֣ן מָ֭טָר עַל־פְּנֵי־אָ֑רֶץ וְשֹׁ֥לֵֽחַ מַ֝יִם עַל־פְּנֵ֥י חוּצֹֽות׃Jérémie 5.24 Jérémie 14.22 Actes 14.17 Psaumes 147.8 Jérémie 10.13
¹¹ לָשׂ֣וּם שְׁפָלִ֣ים לְמָרֹ֑ום וְ֝קֹדְרִ֗ים שָׂ֣גְבוּ יֶֽשַׁע׃Luc 1.52-1.53 1 Samuel 2.7-2.8 Jacques 4.6-4.10 Deutéronome 33.27 1 Pierre 5.10
¹² מֵ֭פֵר מַחְשְׁבֹ֣ות עֲרוּמִ֑ים וְֽלֹא־תַעֲשֶׂ֥ינָה יְ֝דֵיהֶ֗ם תּוּשִׁיָּֽה׃Esaïe 8.10 Néhémie 4.15 Proverbes 21.30 Psaumes 33.10-33.11 Psaumes 21.11
¹³ לֹכֵ֣ד חֲכָמִ֣ים בְּעָרְמָ֑ם וַעֲצַ֖ת נִפְתָּלִ֣ים נִמְהָֽרָה׃Luc 1.51 1 Corinthiens 3.19 Psaumes 9.15-9.16 1 Corinthiens 1.19-1.20 2 Samuel 15.31
¹⁴ יֹומָ֥ם יְפַגְּשׁוּ־חֹ֑שֶׁךְ וְ֝כַלַּ֗יְלָה יְֽמַשְׁשׁ֥וּ בַֽצָּהֳרָֽיִם׃Job 12.25 Deutéronome 28.29 Esaïe 59.10 Proverbes 4.19 Amos 8.9
¹⁵ וַיֹּ֣שַׁע מֵ֭חֶרֶב מִפִּיהֶ֑ם וּמִיַּ֖ד חָזָ֣ק אֶבְיֹֽון׃Psaumes 35.10 Psaumes 10.14 Psaumes 109.31 Psaumes 140.12 Job 4.10
¹⁶ וַתְּהִ֣י לַדַּ֣ל תִּקְוָ֑ה וְ֝עֹלָ֗תָה קָ֣פְצָה פִּֽיהָ׃Psaumes 107.42 1 Samuel 2.8-2.9 Psaumes 63.11 Exode 11.7 Esaïe 14.32
¹⁷ הִנֵּ֤ה אַשְׁרֵ֣י אֱ֭נֹושׁ יֹוכִחֶ֣נּֽוּ אֱלֹ֑והַּ וּמוּסַ֥ר שַׁ֝דַּ֗י אַל־תִּמְאָֽס׃Psaumes 94.12 Hébreux 12.5-12.11 Jacques 1.12 Jérémie 31.18 Apocalypse 3.19
¹⁸ כִּ֤י ה֣וּא יַכְאִ֣יב וְיֶחְבָּ֑שׁ יִ֝מְחַ֗ץ וְיָדָ֥יו תִּרְפֶּֽינָה׃Osée 6.1 Deutéronome 32.39 1 Samuel 2.6 Esaïe 30.26 Psaumes 147.3
¹⁹ בְּשֵׁ֣שׁ צָ֭רֹות יַצִּילֶ֑ךָּ וּבְשֶׁ֓בַע׀ לֹא־יִגַּ֖ע בְּךָ֣ רָֽע׃Psaumes 34.19 1 Corinthiens 10.13 Proverbes 24.16 2 Pierre 2.9 Psaumes 91.3-91.10
²⁰ בְּ֭רָעָב פָּֽדְךָ֣ מִמָּ֑וֶת וּ֝בְמִלְחָמָ֗ה מִ֣ידֵי חָֽרֶב׃Psaumes 33.19 Habakuk 3.17 Psaumes 144.10 Psaumes 49.7 Genèse 45.7
²¹ בְּשֹׁ֣וט לָ֭שֹׁון תֵּחָבֵ֑א וְֽלֹא־תִירָ֥א מִ֝שֹּׁ֗ד כִּ֣י יָבֹֽוא׃Psaumes 31.20 Jacques 3.5-3.8 Proverbes 12.18 Psaumes 91.5-91.7 Jérémie 18.18
²² לְשֹׁ֣ד וּלְכָפָ֣ן תִּשְׂחָ֑ק וּֽמֵחַיַּ֥ת הָ֝אָ֗רֶץ אַל־תִּירָֽא׃Ezéchiel 34.25 Esaïe 35.9 Esaïe 65.25 Psaumes 91.13 2 Rois 19.21
²³ כִּ֤י עִם־אַבְנֵ֣י הַשָּׂדֶ֣ה בְרִיתֶ֑ךָ וְחַיַּ֥ת הַ֝שָּׂדֶ֗ה הָשְׁלְמָה־לָֽךְ׃Psaumes 91.12-91.13 Lévitique 26.6 Ezéchiel 14.15-14.16 Romains 8.38-8.39 Daniel 6.22
²⁴ וְֽ֭יָדַעְתָּ כִּי־שָׁלֹ֣ום אָהֳלֶ֑ךָ וּֽפָקַדְתָּ֥ נָ֝וְךָ וְלֹ֣א תֶחֱטָֽא׃Psaumes 91.10 Psaumes 121.7-121.8 Job 18.6 Job 18.15 Esaïe 4.5-4.6
²⁵ וְֽ֭יָדַעְתָּ כִּי־רַ֣ב זַרְעֶ֑ךָ וְ֝צֶאֱצָאֶ֗יךָ כְּעֵ֣שֶׂב הָאָֽרֶץ׃Psaumes 112.2 Psaumes 72.16 Psaumes 127.3-127.5 Genèse 15.5 Psaumes 128.3-128.6
²⁶ תָּבֹ֣וא בְכֶ֣לַח אֱלֵי־קָ֑בֶר כַּעֲלֹ֖ות גָּדִ֣ישׁ בְּעִתֹּֽו׃Genèse 15.15 Proverbes 9.11 Proverbes 10.27 Genèse 25.8 Job 42.16-42.17
²⁷ הִנֵּה־זֹ֭את חֲקַרְנ֥וּהָ כֶּֽן־הִ֑יא שְׁ֝מָעֶ֗נָּה וְאַתָּ֥ה דַֽע־לָֽךְ׃ פPsaumes 111.2 Job 8.8-8.10 Proverbes 2.3-2.5 Job 15.17 Job 12.2