La Bible Bible en Swahili de l’est

Chapitre 35 Chapitre 37

Le méchant et sa punition

¹ Kuasi kwake yule mwovu hunena moyoni mwake, Hakuna hofu ya Mungu mbele ya macho yake.
² Kwa maana hujipendekeza machoni pake Kuwa upotovu wake hautaonekana na kuchukiwa.
³ Maneno ya kinywa chake ni uovu na hila, Ameacha kuwa na akili na kutenda mema.
⁴ Huwaza maovu kitandani pake, Hujiweka katika njia mbaya; ubaya hauchukii.
⁵ Ee Bwana, fadhili zako zafika hata mbinguni, Uaminifu wako hata mawinguni.
⁶ Haki yako ni kama milima ya Mungu, Hukumu zako ni vilindi vikuu, Ee Bwana, unawaokoa wanadamu na wanyama.
⁷ Ee Mungu, jinsi zilivyo na thamani fadhili zako! Wanadamu huukimbilia uvuli wa mbawa zako.
⁸ Watashibishwa kwa unono wa nyumba yako, Nawe utawanywesha mto wa furaha zako.
⁹ Maana kwako Wewe iko chemchemi ya uzima, Katika nuru yako tutaona nuru.
¹⁰ Uwadumishie wakujuao fadhili zako, Na wanyofu wa moyo uaminifu wako.
¹¹ Mguu wa kiburi usinikaribie, Wala mkono wa wasio haki usinifukuze.
¹² Huko ndiko walikoanguka wafanyao maovu; Wameangushwa chini wasiweze kusimama.