1 Chroniques 13.2
Vulgate

Dépôt de l’arche chez Obed-Edom

¹ iniit autem consilium David cum tribunis et centurionibus et universis principibus
1 Chroniques 12.32 2 Chroniques 29.20 2 Samuel 6.1 1 Chroniques 12.20 1 Chroniques 12.14
² et ait ad omnem coetum Israhel si placet vobis et a Domino Deo nostro egreditur sermo quem loquor mittamus ad fratres nostros reliquos in universas regiones Israhel et ad sacerdotes et Levitas qui habitant in suburbanis urbium ut congregentur ad nos
1 Samuel 31.1 2 Rois 9.15 1 Chroniques 15.2-15.14 2 Samuel 7.2-7.5 1 Rois 12.7
³ et reducamus arcam Dei nostri ad nos non enim requisivimus eam in diebus Saul
1 Samuel 7.1-7.2 1 Samuel 23.9-23.12 1 Samuel 22.15 1 Samuel 23.2 1 Samuel 22.10
⁴ et respondit universa multitudo ut ita fieret placuerat enim sermo omni populo
2 Chroniques 30.4 2 Samuel 3.36 Esther 8.5 1 Samuel 18.20
⁵ congregavit ergo David cunctum Israhel a Sior Aegypti usque dum ingrediaris Emath ut adduceret arcam Dei de Cariathiarim
1 Samuel 6.21-7.1 1 Rois 8.65 2 Samuel 6.1 1 Chroniques 15.3 1 Chroniques 13.6
⁶ et ascendit David et omnis vir Israhel ad collem Cariathiarim quae est in Iuda ut adferrent inde arcam Dei Domini sedentis super cherubin ubi invocatum est nomen eius
Josué 15.9 Exode 25.22 2 Rois 19.15 1 Samuel 4.4 Josué 15.60
⁷ inposueruntque arcam Dei super plaustrum novum de domo Aminadab Oza autem et fratres eius minabant plaustrum
Nombres 4.15 1 Samuel 6.7 1 Samuel 7.1-7.2 1 Chroniques 15.13 2 Samuel 6.3
⁸ porro David et universus Israhel ludebant coram Deo omni virtute in canticis et in citharis et psalteriis et tympanis et cymbalis et tubis
1 Chroniques 15.10-15.24 1 Chroniques 25.1-25.6 1 Chroniques 23.5 1 Chroniques 16.42 Daniel 3.5-3.7
⁹ cum autem pervenissent ad aream Chidon tetendit Oza manum suam ut sustentaret arcam bos quippe lasciviens paululum inclinaverat eam
2 Samuel 6.6
¹⁰ iratus est itaque Dominus contra Ozam et percussit eum eo quod contigisset arcam et mortuus est ibi coram Deo
1 Chroniques 15.15 1 Chroniques 15.13 Nombres 4.15 Nombres 16.35 2 Chroniques 26.16-26.20
¹¹ contristatusque David eo quod divisisset Dominus Ozam vocavit locum illum Divisio Oza usque in praesentem diem
2 Samuel 6.7 Jonas 4.9 2 Samuel 6.9 Genèse 32.32 Jonas 4.4
¹² et timuit Deum tunc temporis dicens quomodo possum ad me introducere arcam Dei
Psaumes 119.120 1 Samuel 6.20 Nombres 17.12-17.13 Matthieu 25.24 Esaïe 6.5
¹³ et ob hanc causam non eam adduxit ad se hoc est in civitatem David sed avertit in domum Obededom Getthei
1 Chroniques 26.4 1 Chroniques 15.18 2 Samuel 4.3 2 Samuel 6.10-6.11 1 Chroniques 16.5
¹⁴ mansit ergo arca Dei in domo Obededom tribus mensibus et benedixit Dominus domui eius et omnibus quae habebat
1 Chroniques 26.4-26.5 Proverbes 10.22 Malachie 3.10-3.11 Genèse 30.27 Genèse 39.5