1 Samuel 31.1
Vulgate

¹ Philisthim autem pugnabant adversum Israhel et fugerunt viri Israhel ante faciem Philisthim et ceciderunt interfecti in monte Gelboe1 Samuel 28.4 1 Chroniques 10.1-10.12 2 Samuel 1.21 1 Samuel 12.25 1 Samuel 28.1
² inrueruntque Philisthim in Saul et filios eius et percusserunt Ionathan et Abinadab et Melchisue filios Saul1 Chroniques 8.33 1 Samuel 14.49 2 Samuel 1.6 Exode 20.5 1 Samuel 18.1-18.4
³ totumque pondus proelii versum est in Saul et consecuti sunt eum viri sagittarii et vulneratus est vehementer a sagittariis2 Samuel 1.6 2 Samuel 1.4 Amos 2.14 Genèse 49.23 1 Rois 22.34
⁴ dixitque Saul ad armigerum suum evagina gladium tuum et percute me ne forte veniant incircumcisi isti et interficiant me inludentes mihi et noluit armiger eius fuerat enim nimio timore perterritus arripuit itaque Saul gladium et inruit super eumJuges 9.54 1 Samuel 14.6 1 Samuel 17.36 2 Samuel 1.14 2 Samuel 17.23
⁵ quod cum vidisset armiger eius videlicet quod mortuus esset Saul inruit etiam ipse super gladium suum et mortuus est cum eo1 Chroniques 10.5
⁶ mortuus est ergo Saul et tres filii eius et armiger illius et universi viri eius in die illa pariter1 Samuel 28.19 1 Samuel 12.25 Ecclésiaste 9.1-9.2 1 Samuel 11.15 Osée 13.10-13.11
⁷ videntes autem viri Israhel qui erant trans vallem et trans Iordanem quod fugissent viri israhelitae et quod mortuus esset Saul et filii eius reliquerunt civitates suas et fugerunt veneruntque Philisthim et habitaverunt ibiJuges 6.2 Lévitique 26.36 Deutéronome 28.33 1 Samuel 13.6 Lévitique 26.32
⁸ facta autem die altera venerunt Philisthim ut spoliarent interfectos et invenerunt Saul et tres filios eius iacentes in monte Gelboe2 Chroniques 20.25 1 Chroniques 10.8
⁹ et praeciderunt caput Saul et expoliaverunt eum armis et miserunt in terram Philisthinorum per circuitum ut adnuntiaretur in templo idolorum et in populis2 Samuel 1.20 Juges 16.23-16.24 1 Samuel 17.54 1 Samuel 31.4 1 Chroniques 10.9-10.10
¹⁰ et posuerunt arma eius in templo Astharoth corpus vero eius suspenderunt in muro BethsanJosué 17.11 Juges 2.13 1 Samuel 21.9 1 Samuel 7.3 Juges 1.27
¹¹ quod cum audissent habitatores Iabesgalaad quaecumque fecerant Philisthim Saul1 Samuel 11.1-11.11 2 Samuel 2.4
¹² surrexerunt omnes viri fortissimi et ambulaverunt tota nocte et tulerunt cadaver Saul et cadavera filiorum eius de muro Bethsan veneruntque Iabes et conbuserunt ea ibi2 Chroniques 16.14 Jérémie 34.5 2 Samuel 2.4-2.7 Amos 6.10
¹³ et tulerunt ossa eorum et sepelierunt in nemore Iabes et ieiunaverunt septem diebus2 Samuel 21.12-21.14 Genèse 50.10 1 Samuel 22.6 2 Samuel 2.4-2.5 2 Samuel 1.12