Ezéchiel 18.3
Vulgate

On récolte ce qu’on sème

¹ et factus est sermo Domini ad me dicens
² quid est quod inter vos parabolam vertitis in proverbium istud in terra Israhel dicentes patres comederunt uvam acerbam et dentes filiorum obstupescunt
Lamentations 5.7 Esaïe 3.15 Jérémie 31.29-31.30 Romains 9.20 Ezéchiel 7.2
³ vivo ego dicit Dominus Deus si erit vobis ultra parabola haec in proverbium in Israhel
Ezéchiel 18.19-18.20 Ezéchiel 18.30 Ezéchiel 33.11-33.20 Ezéchiel 36.31-36.32 Romains 3.19
⁴ ecce omnes animae meae sunt ut anima patris ita et anima filii mea est anima quae peccaverit ipsa morietur
Ezéchiel 18.20 Nombres 16.22 Romains 6.23 Hébreux 12.9 Galates 3.10-3.13
⁵ et vir si fuerit iustus et fecerit iudicium et iustitiam
Proverbes 21.3 1 Jean 5.2-5.5 Jacques 2.14-2.26 Jacques 1.22-1.25 1 Jean 2.3
⁶ in montibus non comederit et oculos suos non levaverit ad idola domus Israhel et uxorem proximi sui non violaverit et ad mulierem menstruatam non accesserit
Ezéchiel 18.15 Deutéronome 4.19 Ezéchiel 6.13 Ezéchiel 20.24 Ezéchiel 22.9-22.11
⁷ et hominem non contristaverit pignus debitori reddiderit per vim nihil rapuerit panem suum esurienti dederit et nudum operuerit vestimento
Ezéchiel 18.16 Exode 22.26 Ezéchiel 18.12 Ezéchiel 33.15 Deutéronome 24.12-24.13
⁸ ad usuram non commodaverit et amplius non acceperit ab iniquitate averterit manum suam iudicium verum fecerit inter virum et virum
Exode 22.25 Zacharie 8.16 Deutéronome 23.19-23.20 Psaumes 15.5 Ezéchiel 18.13
⁹ in praeceptis meis ambulaverit et iudicia mea custodierit ut faciat veritatem hic iustus est vita vivet ait Dominus Deus
Ezéchiel 20.11 Amos 5.4 Ezéchiel 18.17 Habakuk 2.4 Romains 1.17
¹⁰ quod si genuerit filium latronem effundentem sanguinem et fecerit unum de istis
Exode 21.12 Nombres 35.31 Malachie 3.8-3.9 Exode 22.2 1 Jean 3.12
¹¹ et haec quidem omnia non facientem sed in montibus comedentem et uxorem proximi sui polluentem
Ezéchiel 18.15 1 Jean 3.22 Philippiens 4.9 Matthieu 7.21-7.27 Ezéchiel 18.6-18.7
¹² egenum et pauperem contristantem rapientem rapinas pignus non reddentem et ad idola levantem oculos suos abominationem facientem
Ezéchiel 8.6 Ezéchiel 8.17 2 Rois 21.11 Amos 4.1 Ezéchiel 18.16
¹³ ad usuram dantem et amplius accipientem numquid vivet non vivet cum universa detestanda haec fecerit morte morietur sanguis eius in ipso erit
Ezéchiel 3.18 Exode 22.25 Ezéchiel 18.8 Lévitique 20.9 Actes 18.6
¹⁴ quod si genuerit filium qui videns omnia peccata patris sui quae fecit timuerit et non fecerit simile eis
2 Chroniques 34.21 Proverbes 23.24 Ezéchiel 18.28 2 Chroniques 29.3-29.11 Osée 7.2
¹⁵ super montes non comederit et oculos suos non levaverit ad idola domus Israhel et uxorem proximi sui non violaverit
Ezéchiel 18.11-18.13 Ezéchiel 18.6-18.7
¹⁶ et virum non contristaverit pignus non retinuerit et rapinam non rapuerit panem suum esurienti dederit et nudum operuerit vestimento
Ezéchiel 18.7 Ecclésiaste 11.1-11.2 Job 22.7 Proverbes 25.21 Luc 14.13
¹⁷ a pauperis iniuria averterit manum suam usuram et superabundantiam non acceperit iudicia mea fecerit in praeceptis meis ambulaverit hic non morietur in iniquitate patris sui sed vita vivet
Ezéchiel 18.8-18.9 Ezéchiel 18.13 Jérémie 16.19 Ezéchiel 18.28 Matthieu 23.29-23.33
¹⁸ pater eius quia calumniatus est et vim fecit fratri et malum operatus est in medio populi sui ecce mortuus est in iniquitate sua
Ezéchiel 3.18 Ezéchiel 18.26 Ezéchiel 18.20 Ezéchiel 18.24 Esaïe 3.11
¹⁹ et dicitis quare non portavit filius iniquitatem patris videlicet quia filius iudicium et iustitiam operatus est omnia praecepta mea custodivit et fecit illa vita vivet
Exode 20.5 Jérémie 15.4 Zacharie 1.3-1.6 Ezéchiel 20.18-20.20 Deutéronome 5.9
²⁰ anima quae peccaverit ipsa morietur filius non portabit iniquitatem patris et pater non portabit iniquitatem filii iustitia iusti super eum erit et impietas impii erit super eum
Deutéronome 24.16 2 Rois 14.6 Ezéchiel 18.4 1 Rois 8.32 Esaïe 3.10-3.11
²¹ si autem impius egerit paenitentiam ab omnibus peccatis suis quae operatus est et custodierit universa praecepta mea et fecerit iudicium et iustitiam vita vivet non morietur
Ezéchiel 18.27-18.28 Ezéchiel 33.19 Ezéchiel 18.19 Luc 24.47 Ezéchiel 18.9
²² omnium iniquitatum eius quas operatus est non recordabor in iustitia sua quam operatus est vivet
Michée 7.19 Ezéchiel 33.16 Esaïe 43.25 Psaumes 18.20-18.24 Jérémie 50.20
²³ numquid voluntatis meae est mors impii dicit Dominus Deus et non ut convertatur a viis suis et vivat
Ezéchiel 33.11 1 Timothée 2.4 2 Pierre 3.9 Ezéchiel 18.32 Psaumes 147.11
²⁴ si autem averterit se iustus a iustitia sua et fecerit iniquitatem secundum omnes abominationes quas operari solet impius numquid vivet omnes iustitiae eius quas fecerat non recordabuntur in praevaricatione qua praevaricatus est et in peccato suo quod peccavit in ipsis morietur
Ezéchiel 33.18 1 Samuel 15.11 Ezéchiel 18.22 2 Jean 1.8 2 Chroniques 24.17-24.22
²⁵ et dixistis non est aequa via Domini audite domus Israhel numquid via mea non est aequa et non magis viae vestrae pravae sunt
Ezéchiel 33.17 Genèse 18.25 Malachie 2.17 Malachie 3.13-3.15 Jérémie 12.1
²⁶ cum enim averterit se iustus a iustitia sua et fecerit iniquitatem morietur in eis in iniustitia quam operatus est morietur
²⁷ et cum averterit se impius ab impietate sua quam operatus est et fecerit iudicium et iustitiam ipse animam suam vivificabit
Esaïe 1.18 Esaïe 55.7 Ezéchiel 18.21 Actes 2.40 1 Timothée 4.16
²⁸ considerans enim et avertens se ab omnibus iniquitatibus suis quas operatus est vita vivet et non morietur
Tite 2.14 Jérémie 31.18-31.20 Jacques 2.10-2.12 Psaumes 119.59 Ezéchiel 18.14
²⁹ et dicunt filii Israhel non est aequa via Domini numquid viae meae non sunt aequae domus Israhel et non magis viae vestrae pravae
Ezéchiel 18.2 Proverbes 19.3 Ezéchiel 18.25
³⁰ idcirco unumquemque iuxta vias suas iudicabo domus Israhel ait Dominus Deus convertimini et agite paenitentiam ab omnibus iniquitatibus vestris et non erit vobis in ruinam iniquitas
Ezéchiel 18.21 Osée 12.6 Ezéchiel 7.3 Ezéchiel 14.6 Joël 2.12-2.13
³¹ proicite a vobis omnes praevaricationes vestras in quibus praevaricati estis et facite vobis cor novum et spiritum novum et quare moriemini domus Israhel
Ezéchiel 11.19 Psaumes 51.10 Esaïe 1.16-1.17 Romains 8.13 Ezéchiel 33.11
³² quia nolo mortem morientis dicit Dominus Deus revertimini et vivite
Ezéchiel 18.23 2 Pierre 3.9 Ezéchiel 33.11 Lamentations 3.33