Job 34.15
Vulgate

La justice souveraine

¹ pronuntians itaque Heliu etiam haec locutus est
² audite sapientes verba mea et eruditi auscultate me
1 Corinthiens 14.20 Proverbes 1.5 1 Corinthiens 10.15
³ auris enim verba probat et guttur escas gustu diiudicat
Job 12.11 1 Corinthiens 2.15 Job 6.30 Job 31.30 Hébreux 5.14
⁴ iudicium eligamus nobis et inter nos videamus quid sit melius
1 Thessaloniciens 5.21 Esaïe 11.2-11.5 Juges 19.30 Juges 20.7 Galates 2.11-2.14
⁵ quia dixit Iob iustus sum et Deus subvertit iudicium meum
Job 33.9 Job 27.2 Job 11.4 Job 9.17 Job 10.7
⁶ in iudicando enim me mendacium est violenta sagitta mea absque ullo peccato
Job 6.4 Job 27.4-27.6 Job 16.13
⁷ quis est vir ut est Iob qui bibit subsannationem quasi aquam
Job 15.16 Proverbes 1.22 Deutéronome 29.19 Proverbes 4.17
⁸ qui graditur cum operantibus iniquitatem et ambulat cum viris impiis
Psaumes 1.1 1 Corinthiens 15.33 Psaumes 50.18 Psaumes 26.4 Proverbes 13.20
⁹ dixit enim non placebit vir Deo etiam si cucurrerit cum eo
Job 35.3 Malachie 3.14 Job 9.22-9.23 Job 9.30-9.31 Psaumes 37.4
¹⁰ ideo viri cordati audite me absit a Deo impietas et ab Omnipotente iniquitas
Deutéronome 32.4 Romains 9.14 Genèse 18.25 Job 8.3 2 Chroniques 19.7
¹¹ opus enim hominis reddet ei et iuxta vias singulorum restituet
2 Corinthiens 5.10 Psaumes 62.12 Apocalypse 22.12 Romains 2.6 Matthieu 16.27
¹² vere enim Deus non condemnabit frustra nec Omnipotens subvertet iudicium
Job 8.3 Psaumes 11.7 Psaumes 145.17 Habakuk 1.12-1.13
¹³ quem constituit alium super terram aut quem posuit super orbem quem fabricatus est
1 Chroniques 29.11 Daniel 4.35 Job 38.4-38.41 Job 36.23 Esaïe 40.13-40.14
¹⁴ si direxerit ad eum cor suum spiritum illius et flatum ad se trahet
Psaumes 104.29 Job 9.4 Job 7.17 Esaïe 24.22
¹⁵ deficiet omnis caro simul et homo in cinerem revertetur
Genèse 3.19 Ecclésiaste 12.7 Esaïe 57.16 Job 9.22 Job 10.9
¹⁶ si habes ergo intellectum audi quod dicitur et ausculta vocem eloquii mei
Job 12.3 Job 13.2-13.6
¹⁷ numquid qui non amat iudicium sanare potest et quomodo tu eum qui iustus est in tantum condemnas
Job 40.8 2 Samuel 23.3 Genèse 18.25 Romains 3.5-3.7 Romains 9.14
¹⁸ qui dicit regi apostata qui vocat duces impios
Exode 22.28 Romains 13.7 Proverbes 17.26 Actes 23.5 2 Pierre 2.10
¹⁹ qui non accipit personas principum nec cognovit tyrannum cum disceptaret contra pauperem opus enim manuum eius sunt universi
Deutéronome 10.17 Jacques 2.5 Ephésiens 6.9 Actes 10.34 Romains 2.11
²⁰ subito morientur et in media nocte turbabuntur populi et pertransibunt et auferent violentum absque manu
Luc 12.20 1 Samuel 26.10 1 Thessaloniciens 5.2 Psaumes 73.19 Zacharie 4.6
²¹ oculi enim eius super vias hominum et omnes gressus eorum considerat
Job 31.4 Proverbes 15.3 Proverbes 5.21 Jérémie 16.17 Jérémie 32.19
²² non sunt tenebrae et non est umbra mortis ut abscondantur ibi qui operantur iniquitatem
Amos 9.2-9.3 Psaumes 139.11-139.12 Proverbes 10.29 Job 3.5 Hébreux 4.13
²³ neque enim ultra in hominis potestate est ut veniat ad Deum in iudicium
Psaumes 119.137 Daniel 9.7-9.9 Job 34.10-34.12 Esaïe 42.3 Jérémie 2.5
²⁴ conteret multos innumerabiles et stare faciet alios pro eis
Psaumes 2.9 Psaumes 113.7-113.8 Daniel 2.21 Psaumes 72.4 Job 12.19
²⁵ novit enim opera eorum et idcirco inducet noctem et conterentur
Job 34.20 Amos 8.7 Osée 7.2 Cantique 3.8 Psaumes 33.15
²⁶ quasi impios percussit eos in loco videntium
Apocalypse 18.20 Deutéronome 21.21 Psaumes 58.10-58.11 1 Timothée 5.20 Exode 14.30
²⁷ qui quasi de industria recesserunt ab eo et omnes vias eius intellegere noluerunt
1 Samuel 15.11 Esaïe 5.12 Psaumes 28.5 Hébreux 10.39 Actes 15.38
²⁸ ut pervenire facerent ad eum clamorem egeni et audiret vocem pauperum
Jacques 5.4 Job 35.9 Exode 3.7 Psaumes 12.5 Exode 22.23-22.27
²⁹ ipso enim concedente pacem quis est qui condemnet ex quo absconderit vultum quis est qui contempletur eum et super gentem et super omnes homines
Esaïe 26.3 Psaumes 27.9 Psaumes 13.1 Jean 14.27 2 Rois 18.9-18.12
³⁰ qui regnare facit hominem hypocritam propter peccata populi
Proverbes 29.2-29.12 Apocalypse 13.3-13.4 Osée 5.11 Ecclésiaste 9.18 Psaumes 12.8
³¹ quia ergo ego locutus sum ad Deum te quoque non prohibeo
Michée 7.9 Job 33.27 Jérémie 31.18-31.19 Lévitique 26.41 Néhémie 9.33-9.38
³² si erravi tu doce me si iniquitatem locutus sum ultra non addam
Proverbes 28.13 Psaumes 19.12 Luc 3.8-3.14 Ephésiens 4.25-4.28 Job 10.2
³³ numquid a te Deus expetit eam quia displicuit tibi tu enim coepisti loqui et non ego quod si quid nosti melius loquere
Psaumes 135.6 Job 33.32 Job 15.31 Matthieu 20.12-20.15 Job 18.4
³⁴ viri intellegentes loquantur mihi et vir sapiens audiat me
Job 34.16 Job 34.10 Job 34.2 1 Corinthiens 10.15 Job 34.4
³⁵ Iob autem stulte locutus est et verba illius non sonant disciplinam
Job 35.16 Job 38.2 Job 42.3 Job 13.2 Job 15.2
³⁶ pater mi probetur Iob usque ad finem ne desinas in hominibus iniquitatis
Job 12.6 Job 21.7 Psaumes 26.2 Job 22.15 Job 34.8-34.9
³⁷ quia addit super peccata sua blasphemiam inter nos interim constringatur et tunc ad iudicium provocet sermonibus suis Deum
Job 27.23 1 Samuel 15.23 Esaïe 1.19-1.20 Job 42.7 Job 23.2