2 Rois 22.7
Vulgate

Règne de Josias sur Juda

¹ octo annorum erat Iosias cum regnare coepisset et triginta uno anno regnavit in Hierusalem nomen matris eius Idida filia Phadaia de Besecath
Josué 15.39 1 Rois 13.2 Sophonie 1.1 Ecclésiaste 10.16 2 Rois 21.1
² fecitque quod placitum erat coram Domino et ambulavit per omnes vias David patris sui non declinavit ad dextram sive ad sinistram
Deutéronome 5.32 Josué 1.7 Proverbes 20.11 2 Chroniques 17.3 1 Rois 3.6
³ anno autem octavodecimo regis Iosiae misit rex Saphan filium Aslia filii Mesullam scribam templi Domini dicens ei
2 Chroniques 34.3-34.33
⁴ vade ad Helciam sacerdotem magnum ut confletur pecunia quae inlata est in templum Domini quam collegerunt ianitores a populo
2 Rois 12.4 1 Chroniques 9.11 1 Chroniques 9.19 Marc 12.41-12.42 2 Chroniques 34.9-34.18
⁵ deturque fabris per praepositos in domo Domini qui et distribuent eam his qui operantur in templo Domini ad instauranda sarta tecta templi
2 Rois 12.11-12.14 2 Rois 12.5 2 Chroniques 24.12-24.13 Esdras 3.7 2 Chroniques 24.27
⁶ tignariis videlicet et cementariis et his qui interrupta conponunt et ut emantur ligna et lapides de lapidicinis ad instaurandum templum
⁷ verumtamen non supputetur eis argentum quod accipiunt sed in potestate habeant et in fide
2 Rois 12.15 1 Corinthiens 4.2 Luc 16.10-16.12 2 Timothée 2.2 Néhémie 7.2
⁸ dixit autem Helcias pontifex ad Saphan scribam librum legis repperi in domo Domini deditque Helcias volumen Saphan qui et legit illud
Deutéronome 31.24-31.26 2 Chroniques 34.14-34.28
⁹ venit quoque Saphan scriba ad regem et renuntiavit ei quod praeceperat et ait conflaverunt servi tui pecuniam quae repperta est in domo Domini et dederunt ut distribueretur fabris a praefectis operum templi Domini
2 Rois 22.3 Jérémie 40.11 Jérémie 29.3 Jérémie 36.10-36.12 Jérémie 39.14
¹⁰ narravitque Saphan scriba regi dicens librum dedit mihi Helcias sacerdos quem cum legisset Saphan coram rege
Jérémie 36.21 Néhémie 8.18 Néhémie 13.1 Jérémie 13.18 Deutéronome 31.9-31.13
¹¹ et audisset rex verba libri legis Domini scidit vestimenta sua
Jérémie 36.24 Josué 7.6 2 Rois 22.19 2 Chroniques 34.19 Jonas 3.6-3.7
¹² et praecepit Helciae sacerdoti et Ahicham filio Saphan et Achobor filio Micha et Saphan scribae et Asaiae servo regis dicens
Jérémie 26.24 2 Rois 25.22 2 Rois 22.9 Esaïe 37.1-37.4 2 Rois 19.2-19.3
¹³ ite et consulite Dominum super me et super populo et super omni Iuda de verbis voluminis istius quod inventum est magna enim ira Domini succensa est contra nos quia non audierunt patres nostri verba libri huius ut facerent omne quod scriptum est nobis
Deutéronome 29.23-29.28 Deutéronome 31.17-31.18 Deutéronome 4.23-4.27 Romains 7.9 1 Chroniques 10.13-10.14
¹⁴ ierunt itaque Helcias sacerdos et Ahicham et Achobor et Saphan et Asaia ad Oldam propheten uxorem Sellum filii Thecue filii Araas custodis vestium quae habitabat in Hierusalem in secunda locutique sunt ad eam
2 Chroniques 34.22 Juges 4.4 Néhémie 7.72 Sophonie 1.10 2 Rois 10.22
¹⁵ et illa respondit eis haec dicit Dominus Deus Israhel dicite viro qui misit vos ad me
Jérémie 23.28 2 Rois 1.6 2 Rois 1.16
¹⁶ haec dicit Dominus ecce ego adducam mala super locum hunc et super habitatores eius omnia verba legis quae legit rex Iuda
Josué 23.15 Daniel 9.11-9.14 Deutéronome 29.18-29.23 2 Rois 20.17 Deutéronome 28.15-28.68
¹⁷ quia dereliquerunt me et sacrificaverunt diis alienis inritantes me in cunctis operibus manuum suarum et succendetur indignatio mea in loco hoc et non extinguetur
Ezéchiel 20.47-20.48 Esaïe 46.5-46.8 2 Rois 21.22 Esaïe 33.14 Sophonie 1.18
¹⁸ regi autem Iuda qui misit vos ut consuleretis Dominum sic dicetis haec dicit Dominus Deus Israhel pro eo quod audisti verba voluminis
2 Chroniques 34.26-34.28 Malachie 3.16-3.17 Esaïe 3.10
¹⁹ et perterritum est cor tuum et humiliatus es coram Domino auditis sermonibus contra locum istum et habitatores eius quo videlicet fierent in stuporem et in maledictum et scidisti vestimenta tua et flevisti coram me et ego audivi ait Dominus
Psaumes 51.17 1 Rois 21.29 Jérémie 26.6 Exode 10.3 Jérémie 44.22
²⁰ idcirco colligam te ad patres tuos et colligeris ad sepulchrum tuum in pace ut non videant oculi tui omnia mala quae inducturus sum super locum istum
Psaumes 37.37 1 Chroniques 17.11 Esaïe 57.1-57.2 2 Rois 23.29-23.30 Jérémie 22.10