2 Samuel 17.24
Vulgate

¹ dixit igitur Ahitofel ad Absalom eligam mihi duodecim milia virorum et consurgens persequar David hac nocte
Psaumes 3.3-3.5 Proverbes 4.16 Esaïe 59.7-59.8 Psaumes 4.8 Psaumes 109.2-109.4
² et inruens super eum quippe qui lassus est et solutis manibus percutiam eum cumque fugerit omnis populus qui cum eo est percutiam regem desolatum
1 Rois 22.31 2 Samuel 16.14 Zacharie 13.7 Matthieu 21.38 Matthieu 26.31
³ et reducam universum populum quomodo omnis reverti solet unum enim virum tu quaeris et omnis populus erit in pace
1 Thessaloniciens 5.3 2 Samuel 3.21 Esaïe 57.21 Esaïe 48.22
⁴ placuitque sermo eius Absalom et cunctis maioribus natu Israhel
Esther 5.14 Esther 1.21 1 Samuel 23.21 Romains 1.32 1 Samuel 18.20-18.21
⁵ ait autem Absalom vocate et Husai Arachiten et audiamus quid etiam ipse dicat
2 Samuel 15.32-15.37 2 Samuel 16.16-16.19
⁶ cumque venisset Husai ad Absalom ait Absalom ad eum huiuscemodi sermonem locutus est Ahitofel facere debemus an non quod das consilium
⁷ et dixit Husai ad Absalom non bonum consilium quod dedit Ahitofel hac vice
Proverbes 31.8
⁸ et rursum intulit Husai tu nosti patrem tuum et viros qui cum eo sunt esse fortissimos et amaro animo veluti si ursa raptis catulis in saltu saeviat sed et pater tuus vir bellator est nec morabitur cum populo
Osée 13.8 1 Samuel 16.18 Daniel 7.5 Proverbes 17.12 Hébreux 11.32-11.34
⁹ forsitan nunc latitat in foveis aut in uno quo voluerit loco et cum ceciderit unus quilibet in principio audiet quicumque audierit et dicet facta est plaga in populo qui sequebatur Absalom
Josué 8.6 1 Samuel 14.14-14.15 Josué 7.5 Juges 20.32-20.33 1 Samuel 24.3
¹⁰ et fortissimus quoque cuius cor est quasi leonis pavore solvetur scit enim omnis populus Israhel fortem esse patrem tuum et robustos omnes qui cum eo sunt
Josué 2.9-2.11 2 Samuel 1.23 Cantique 3.7 Esaïe 19.1 Genèse 49.9
¹¹ sed hoc mihi videtur rectum esse consilium congregetur ad te universus Israhel a Dan usque Bersabee quasi harena maris innumerabilis et tu eris in medio eorum
Genèse 22.17 Juges 20.1 Josué 11.4 2 Samuel 12.28 1 Rois 20.10
¹² et inruemus super eum in quocumque loco fuerit inventus et operiemus eum sicut cadere solet ros super terram et non relinquemus de viris qui cum eo sunt ne unum quidem
Abdias 1.3 1 Rois 20.10 1 Samuel 23.23 2 Rois 19.24 2 Rois 18.23
¹³ quod si urbem aliquam fuerit ingressus circumdabit omnis Israhel civitati illi funes et trahemus eam in torrentem ut non repperiatur nec calculus quidem ex ea
Michée 1.6 Matthieu 24.2
¹⁴ dixitque Absalom et omnis vir Israhel melius consilium Husai Arachitae consilio Ahitofel Domini autem nutu dissipatum est consilium Ahitofel utile ut induceret Dominus super Absalom malum
2 Samuel 15.34 2 Samuel 15.31 2 Samuel 16.23 Proverbes 21.30 Job 5.12-5.14
¹⁵ et ait Husai Sadoc et Abiathar sacerdotibus hoc et hoc modo consilium dedit Ahitofel Absalom et senibus Israhel et ego tale et tale dedi consilium
2 Samuel 15.35-15.36
¹⁶ nunc ergo mittite cito et nuntiate David dicentes ne moremini nocte hac in campestribus deserti sed absque dilatione transgredere ne forte absorbeatur rex et omnis populus qui cum eo est
2 Samuel 15.28 1 Corinthiens 15.54 2 Corinthiens 5.4 Psaumes 35.25 1 Samuel 20.38
¹⁷ Ionathan autem et Achimaas stabant iuxta fontem Rogel abiit ancilla et nuntiavit eis et illi profecti sunt ut referrent ad regem David nuntium non enim poterant videri aut introire civitatem
Josué 15.7 2 Samuel 15.27 Josué 18.16 2 Samuel 15.36 Josué 2.4-2.24
¹⁸ vidit autem eos quidam puer et indicavit Absalom illi vero concito gradu ingressi sunt domum cuiusdam viri in Baurim qui habebat puteum in vestibulo suo et descenderunt in eum
2 Samuel 3.16 2 Samuel 16.5 2 Samuel 19.16
¹⁹ tulit autem mulier et expandit velamen super os putei quasi siccans ptisanas et sic res latuit
Josué 2.4-2.24 Exode 1.19
²⁰ cumque venissent servi Absalom ad mulierem in domum dixerunt ubi est Achimaas et Ionathan et respondit eis mulier transierunt gustata paululum aqua at hii qui quaerebant cum non repperissent reversi sunt Hierusalem
Exode 1.19 2 Samuel 15.34 Josué 2.3-2.5 1 Samuel 21.2 1 Samuel 27.11-27.12
²¹ cumque abissent ascenderunt illi de puteo et pergentes nuntiaverunt regi David atque dixerunt surgite transite cito fluvium quoniam huiuscemodi dedit consilium contra vos Ahitofel
2 Samuel 17.15-17.16
²² surrexit ergo David et omnis populus qui erat cum eo et transierunt Iordanem donec dilucesceret et ne unus quidem residuus fuit qui non transisset fluvium
Nombres 31.49 Matthieu 10.16 Jean 18.9 Proverbes 27.12 2 Samuel 17.24
²³ porro Ahitofel videns quod non fuisset factum consilium suum stravit asinum suum et surrexit et abiit in domum suam et in civitatem suam et disposita domo sua suspendio interiit et sepultus est in sepulchro patris sui
Matthieu 27.5 2 Rois 20.1 2 Samuel 15.12 1 Rois 16.18 Job 31.3
²⁴ David autem venit in Castra et Absalom transivit Iordanem ipse et omnis vir Israhel cum eo
Genèse 32.2 2 Samuel 2.8 Josué 13.26
²⁵ Amasam vero constituit Absalom pro Ioab super exercitum Amasa autem erat filius viri qui vocabatur Iethra de Hiesreli qui ingressus est ad Abigail filiam Naas sororem Sarviae quae fuit mater Ioab
2 Samuel 19.13 2 Samuel 20.9-20.12 1 Chroniques 2.13 2 Samuel 20.4 1 Rois 2.32
²⁶ et castrametatus est Israhel cum Absalom in terra Galaad
Deutéronome 3.15 Nombres 32.1-32.42 Josué 17.1
²⁷ cumque venisset David in Castra Sobi filius Naas de Rabbath filiorum Ammon et Machir filius Ammihel de Lodabar et Berzellai Galaadites de Rogelim
2 Samuel 10.1-10.2 1 Rois 2.7 2 Samuel 9.4 Esdras 2.61 1 Samuel 11.1
²⁸ obtulerunt ei stratoria et tappetia et vasa fictilia frumentum et hordeum et farinam pulentam et fabam et lentem frixum cicer
Abdias 1.3 Esaïe 32.8 1 Samuel 25.18 2 Samuel 16.1-16.2
²⁹ et mel et butyrum oves et pingues vitulos dederuntque David et populo qui cum eo erat ad vescendum suspicati enim sunt populum fame et siti fatigari in deserto
2 Samuel 16.2 2 Samuel 16.14 2 Samuel 17.2 1 Samuel 17.18 Ecclésiaste 11.1-11.2