Esaïe 14.16
Septante

¹ καὶ ἐλεήσει κύριος τὸν Ιακωβ καὶ ἐκλέξεται ἔτι τὸν Ισραηλ καὶ ἀναπαύσονται ἐπὶ τῆς γῆς αὐτῶν καὶ ὁ γιώρας προστεθήσεται πρὸς αὐτοὺς καὶ προστεθήσεται πρὸς τὸν οἶκον Ιακωβ.Zacharie 1.17 Psaumes 102.13 Esaïe 54.7-54.8 Ephésiens 2.12-2.19 Zacharie 8.22-8.23
² καὶ λήμψονται αὐτοὺς ἔθνη καὶ εἰσάξουσιν εἰς τὸν τόπον αὐτῶν καὶ κατακληρονομήσουσιν καὶ πληθυνθήσονται ἐπὶ τῆς γῆς τοῦ θεοῦ εἰς δούλους καὶ δούλας καὶ ἔσονται αἰχμάλωτοι οἱ αἰχμαλωτεύσαντες αὐτούς καὶ κυριευθήσονται οἱ κυριεύσαντες αὐτῶν.Esaïe 61.5 Esaïe 60.14 Daniel 7.18 Esdras 2.65 2 Corinthiens 8.4-8.5
³ καὶ ἔσται ἐν τῇ ἡμέρᾳ ἐκείνῃ ἀναπαύσει σε ὁ θεὸς ἐκ τῆς ὀδύνης καὶ τοῦ θυμοῦ σου καὶ τῆς δουλείας σου τῆς σκληρᾶς ἧς ἐδούλευσας αὐτοῖς.Jérémie 30.10 Esdras 9.8-9.9 Jérémie 46.27-46.28 Deutéronome 28.48 Apocalypse 19.1-19.3
⁴ καὶ λήμψῃ τὸν θρῆνον τοῦτον ἐπὶ τὸν βασιλέα Βαβυλῶνος καὶ ἐρεῖς ἐν τῇ ἡμέρᾳ ἐκείνῃ πῶς ἀναπέπαυται ὁ ἀπαιτῶν καὶ ἀναπέπαυται ὁ ἐπισπουδαστής.Apocalypse 18.16 Esaïe 49.26 Habakuk 2.6-2.12 Ezéchiel 5.15 Lamentations 4.1
⁵ συνέτριψεν ὁ θεὸς τὸν ζυγὸν τῶν ἁμαρτωλῶν τὸν ζυγὸν τῶν ἀρχόντων.Psaumes 125.3 Esaïe 9.4 Esaïe 14.29 Esaïe 10.5 Jérémie 48.15-48.17
⁶ πατάξας ἔθνος θυμῷ πληγῇ ἀνιάτῳ παίων ἔθνος πληγὴν θυμοῦ ἣ οὐκ ἐφείσατο.Daniel 7.19-7.21 Esaïe 47.1-47.15 Apocalypse 18.8-18.10 Jérémie 25.9 Job 9.13
⁷ ἀνεπαύσατο πεποιθώς πᾶσα ἡ γῆ βοᾷ μετ’ εὐφροσύνης.Psaumes 126.1-126.3 Psaumes 98.7-98.9 Esaïe 49.13 Apocalypse 19.1-19.6 Apocalypse 18.20
⁸ καὶ τὰ ξύλα τοῦ Λιβάνου εὐφράνθησαν ἐπὶ σοὶ καὶ ἡ κέδρος τοῦ Λιβάνου ἀφ’ οὗ σὺ κεκοίμησαι οὐκ ἀνέβη ὁ κόπτων ἡμᾶς.Ezéchiel 31.16 Zacharie 11.2 Esaïe 55.12-55.13
⁹ ὁ ᾅδης κάτωθεν ἐπικράνθη συναντήσας σοι συνηγέρθησάν σοι πάντες οἱ γίγαντες οἱ ἄρξαντες τῆς γῆς οἱ ἐγείραντες ἐκ τῶν θρόνων αὐτῶν πάντας βασιλεῖς ἐθνῶν.Jérémie 50.8 Proverbes 15.24 Ezéchiel 32.21-32.32
¹⁰ πάντες ἀποκριθήσονται καὶ ἐροῦσίν σοι καὶ σὺ ἑάλως ὥσπερ καὶ ἡμεῖς ἐν ἡμῖν δὲ κατελογίσθης.Ecclésiaste 2.16 Ezéchiel 32.21 Psaumes 82.6-82.7 Psaumes 49.20 Psaumes 49.6-49.14
¹¹ κατέβη δὲ εἰς ᾅδου ἡ δόξα σου ἡ πολλή σου εὐφροσύνη ὑποκάτω σου στρώσουσιν σῆψιν καὶ τὸ κατακάλυμμά σου σκώληξ.Ezéchiel 32.19-32.20 Apocalypse 18.11-18.19 Amos 6.3-6.7 Daniel 5.25-5.30 Job 21.11-21.15
¹² πῶς ἐξέπεσεν ἐκ τοῦ οὐρανοῦ ὁ ἑωσφόρος ὁ πρωὶ ἀνατέλλων συνετρίβη εἰς τὴν γῆν ὁ ἀποστέλλων πρὸς πάντα τὰ ἔθνη.Apocalypse 2.28 2 Pierre 1.19 Luc 10.18 Apocalypse 22.16 Esaïe 34.4
¹³ σὺ δὲ εἶπας ἐν τῇ διανοίᾳ σου εἰς τὸν οὐρανὸν ἀναβήσομαι ἐπάνω τῶν ἄστρων τοῦ οὐρανοῦ θήσω τὸν θρόνον μου καθιῶ ἐν ὄρει ὑψηλῷ ἐπὶ τὰ ὄρη τὰ ὑψηλὰ τὰ πρὸς βορρᾶν.Ezéchiel 28.2 Ezéchiel 28.12-28.16 Ezéchiel 28.9 Daniel 4.30-4.31 Daniel 5.22-5.23
¹⁴ ἀναβήσομαι ἐπάνω τῶν νεφελῶν ἔσομαι ὅμοιος τῷ ὑψίστῳ.Esaïe 47.8 2 Thessaloniciens 2.4 Genèse 3.5 Esaïe 37.23-37.24
¹⁵ νῦν δὲ εἰς ᾅδου καταβήσῃ καὶ εἰς τὰ θεμέλια τῆς γῆς.Matthieu 11.23 Luc 10.15 Ezéchiel 32.23 Esaïe 14.3-14.11 Actes 12.22-12.23
¹⁶ οἱ ἰδόντες σε θαυμάσουσιν ἐπὶ σοὶ καὶ ἐροῦσιν οὗτος ὁ ἄνθρωπος ὁ παροξύνων τὴν γῆν σείων βασιλεῖς.Jérémie 50.23 Psaumes 58.10-58.11 Psaumes 52.7 Esaïe 14.4-14.5 Psaumes 64.9
¹⁷ ὁ θεὶς τὴν οἰκουμένην ὅλην ἔρημον καὶ τὰς πόλεις καθεῖλεν τοὺς ἐν ἐπαγωγῇ οὐκ ἔλυσεν.Esaïe 45.13 Joël 2.3 Ezéchiel 6.14 Sophonie 2.13-2.14 Esaïe 58.6
¹⁸ πάντες οἱ βασιλεῖς τῶν ἐθνῶν ἐκοιμήθησαν ἐν τιμῇ ἄνθρωπος ἐν τῷ οἴκῳ αὐτοῦ.Ecclésiaste 6.3 Esaïe 22.16 Job 30.23 2 Chroniques 24.16 Ecclésiaste 12.5
¹⁹ σὺ δὲ ῥιφήσῃ ἐν τοῖς ὄρεσιν ὡς νεκρὸς ἐβδελυγμένος μετὰ πολλῶν τεθνηκότων ἐκκεκεντημένων μαχαίραις καταβαινόντων εἰς ᾅδου ὃν τρόπον ἱμάτιον ἐν αἵματι πεφυρμένον οὐκ ἔσται καθαρόν.Jérémie 41.7 Jérémie 41.9 Jérémie 22.19 Jérémie 8.1-8.2 2 Rois 9.34-9.36
²⁰ οὕτως οὐδὲ σὺ ἔσῃ καθαρός διότι τὴν γῆν μου ἀπώλεσας καὶ τὸν λαόν μου ἀπέκτεινας οὐ μὴ μείνῃς εἰς τὸν αἰῶνα χρόνον σπέρμα πονηρόν.Job 18.19 Psaumes 21.10 Psaumes 37.28 Job 18.16 Psaumes 109.13
²¹ ἑτοίμασον τὰ τέκνα σου σφαγῆναι ταῖς ἁμαρτίαις τοῦ πατρός σου ἵνα μὴ ἀναστῶσιν καὶ τὴν γῆν κληρονομήσωσιν καὶ ἐμπλήσωσι τὴν γῆν πόλεων.Exode 20.5 Lévitique 26.39 Matthieu 23.35 Esaïe 27.6 Habakuk 2.8-2.12
²² καὶ ἐπαναστήσομαι αὐτοῖς λέγει κύριος σαβαωθ καὶ ἀπολῶ αὐτῶν ὄνομα καὶ κατάλειμμα καὶ σπέρμα τάδε λέγει κύριος.Proverbes 10.7 1 Rois 14.10 Jérémie 51.62-51.64 Esaïe 43.14 Esaïe 21.9
²³ καὶ θήσω τὴν Βαβυλωνίαν ἔρημον ὥστε κατοικεῖν ἐχίνους καὶ ἔσται εἰς οὐδέν καὶ θήσω αὐτὴν πηλοῦ βάραθρον εἰς ἀπώλειαν.Sophonie 2.14 Esaïe 34.11-34.15 1 Rois 14.10 Esaïe 13.21-13.22 Apocalypse 14.8
²⁴ τάδε λέγει κύριος σαβαωθ ὃν τρόπον εἴρηκα οὕτως ἔσται καὶ ὃν τρόπον βεβούλευμαι οὕτως μενεῖ.Actes 4.28 Job 23.13 Proverbes 19.21 Lamentations 3.37 Jérémie 23.20
²⁵ τοῦ ἀπολέσαι τοὺς Ἀσσυρίους ἀπὸ τῆς γῆς τῆς ἐμῆς καὶ ἀπὸ τῶν ὀρέων μου καὶ ἔσονται εἰς καταπάτημα καὶ ἀφαιρεθήσεται ἀπ’ αὐτῶν ὁ ζυγὸς αὐτῶν καὶ τὸ κῦδος αὐτῶν ἀπὸ τῶν ὤμων ἀφαιρεθήσεται.Esaïe 9.4 Nahum 1.13 Esaïe 14.5 Esaïe 10.24-10.27 Esaïe 10.32-10.34
²⁶ αὕτη ἡ βουλή ἣν βεβούλευται κύριος ἐπὶ τὴν οἰκουμένην ὅλην καὶ αὕτη ἡ χεὶρ ἡ ὑψηλὴ ἐπὶ πάντα τὰ ἔθνη τῆς οἰκουμένης.Exode 15.12 Esaïe 5.25 Esaïe 23.9 Sophonie 3.6-3.8
²⁷ ἃ γὰρ ὁ θεὸς ὁ ἅγιος βεβούλευται τίς διασκεδάσει καὶ τὴν χεῖρα τὴν ὑψηλὴν τίς ἀποστρέψει.2 Chroniques 20.6 Esaïe 43.13 Proverbes 21.30 Job 9.12 Psaumes 33.11
²⁸ τοῦ ἔτους οὗ ἀπέθανεν Αχαζ ὁ βασιλεύς ἐγενήθη τὸ ῥῆμα τοῦτο.2 Rois 16.20 2 Chroniques 28.27 Esaïe 13.1 Esaïe 6.1
²⁹ μὴ εὐφρανθείητε πάντες οἱ ἀλλόφυλοι συνετρίβη γὰρ ὁ ζυγὸς τοῦ παίοντος ὑμᾶς ἐκ γὰρ σπέρματος ὄφεων ἐξελεύσεται ἔκγονα ἀσπίδων καὶ τὰ ἔκγονα αὐτῶν ἐξελεύσονται ὄφεις πετόμενοι.Esaïe 11.8 2 Chroniques 26.6 Esaïe 30.6 Ezéchiel 26.2 Proverbes 24.17
³⁰ καὶ βοσκηθήσονται πτωχοὶ δι’ αὐτοῦ πτωχοὶ δὲ ἄνδρες ἐπ’ εἰρήνης ἀναπαύσονται ἀνελεῖ δὲ λιμῷ τὸ σπέρμα σου καὶ τὸ κατάλειμμά σου ἀνελεῖ.Esaïe 7.21-7.22 Esaïe 33.16 Esaïe 37.30 Zacharie 9.5-9.7 Sophonie 2.4-2.7
³¹ ὀλολύζετε πύλαι πόλεων κεκραγέτωσαν πόλεις τεταραγμέναι οἱ ἀλλόφυλοι πάντες ὅτι καπνὸς ἀπὸ βορρᾶ ἔρχεται καὶ οὐκ ἔστιν τοῦ εἶναι.Jérémie 1.14 Esaïe 20.1 Esaïe 14.29 Esaïe 13.6 Esaïe 24.12
³² καὶ τί ἀποκριθήσονται βασιλεῖς ἐθνῶν ὅτι κύριος ἐθεμελίωσεν Σιων καὶ δι’ αὐτοῦ σωθήσονται οἱ ταπεινοὶ τοῦ λαοῦ.Psaumes 87.5 Psaumes 87.1 Jacques 2.5 Psaumes 102.16 Sophonie 3.12