Habakuk 3.10
Biblia Hebraica Stuttgartensia

Cantique d’Habakuk

¹ תְּפִלָּ֖ה לַחֲבַקּ֣וּק הַנָּבִ֑יא עַ֖ל שִׁגְיֹנֹֽות׃
Psaumes 90.1-90.17 Psaumes 7.1-7.17 Psaumes 86.1-86.17
² יְהוָ֗ה שָׁמַ֣עְתִּי שִׁמְעֲךָ֮ יָרֵאתִי֒ יְהוָ֗ה פָּֽעָלְךָ֙ בְּקֶ֤רֶב שָׁנִים֙ חַיֵּ֔יהוּ בְּקֶ֥רֶב שָׁנִ֖ים תֹּודִ֑יעַ בְּרֹ֖גֶז רַחֵ֥ם תִּזְכֹּֽור׃
Psaumes 85.6 Psaumes 119.120 Habakuk 3.16 Osée 6.2-6.3 Lamentations 3.32
³ אֱלֹ֨והַ֙ מִתֵּימָ֣ן יָבֹ֔וא וְקָדֹ֥ושׁ מֵֽהַר־פָּארָ֖ן סֶ֑לָה כִּסָּ֤ה שָׁמַ֨יִם֙ הֹודֹ֔ו וּתְהִלָּתֹ֖ו מָלְאָ֥ה הָאָֽרֶץ׃
Deutéronome 33.2 Abdias 1.9 Amos 1.12 Deutéronome 5.24 Jérémie 49.7
⁴ וְנֹ֨גַהּ֙ כָּאֹ֣ור תִּֽהְיֶ֔ה קַרְנַ֥יִם מִיָּדֹ֖ו לֹ֑ו וְשָׁ֖ם חֶבְיֹ֥ון עֻזֹּֽו׃
Job 26.14 Proverbes 18.10 1 Timothée 6.16 Apocalypse 22.5 Néhémie 9.12
⁵ לְפָנָ֖יו יֵ֣לֶךְ דָּ֑בֶר וְיֵצֵ֥א רֶ֖שֶׁף לְרַגְלָֽיו׃
Exode 12.29-12.30 Nombres 16.46-16.49 Nombres 14.12 Deutéronome 32.24 Psaumes 78.50-78.51
⁶ עָמַ֣ד׀ וַיְמֹ֣דֶד אֶ֗רֶץ רָאָה֙ וַיַּתֵּ֣ר גֹּויִ֔ם וַיִּתְפֹּֽצְצוּ֙ הַרְרֵי־עַ֔ד שַׁח֖וּ גִּבְעֹ֣ות עֹולָ֑ם הֲלִיכֹ֥ות עֹולָ֖ם לֹֽו׃
Deutéronome 33.15 Genèse 49.26 Nahum 1.5 Néhémie 9.22-9.24 Psaumes 103.17
⁷ תַּ֣חַת אָ֔וֶן רָאִ֖יתִי אָהֳלֵ֣י כוּשָׁ֑ן יִרְגְּז֕וּן יְרִיעֹ֖ות אֶ֥רֶץ מִדְיָֽן׃ ס
Exode 15.14-15.16 Josué 2.10 Genèse 10.6-10.7 Juges 7.24-7.25 Josué 9.24
⁸ הֲבִנְהָרִים֙ חָרָ֣ה יְהוָ֔ה אִ֤ם בַּנְּהָרִים֙ אַפֶּ֔ךָ אִם־בַּיָּ֖ם עֶבְרָתֶ֑ךָ כִּ֤י תִרְכַּב֙ עַל־סוּסֶ֔יךָ מַרְכְּבֹתֶ֖יךָ יְשׁוּעָֽה׃
Psaumes 68.17 Psaumes 18.10 Psaumes 114.5 Psaumes 114.3 Psaumes 104.3
⁹ עֶרְיָ֤ה תֵעֹור֙ קַשְׁתֶּ֔ךָ שְׁבֻעֹ֥ות מַטֹּ֖ות אֹ֣מֶר סֶ֑לָה נְהָרֹ֖ות תְּבַקַּע־אָֽרֶץ׃
Psaumes 7.12-7.13 Psaumes 105.41 Psaumes 78.15-78.16 Genèse 17.7-17.8 Genèse 15.18-15.21
¹⁰ רָא֤וּךָ יָחִ֨ילוּ֙ הָרִ֔ים זֶ֥רֶם מַ֖יִם עָבָ֑ר נָתַ֤ן תְּהֹום֙ קֹולֹ֔ו רֹ֖ום יָדֵ֥יהוּ נָשָֽׂא׃
Psaumes 93.3 Hébreux 11.29 Psaumes 98.7-98.8 Juges 5.4-5.5 Apocalypse 16.12
¹¹ שֶׁ֥מֶשׁ יָרֵ֖חַ עָ֣מַד זְבֻ֑לָה לְאֹ֤ור חִצֶּ֨יךָ֙ יְהַלֵּ֔כוּ לְנֹ֖גַהּ בְּרַ֥ק חֲנִיתֶֽךָ׃
Psaumes 18.12-18.14 Psaumes 144.5-144.6 Esaïe 38.8 Josué 10.11-10.13 Psaumes 19.4
¹² בְּזַ֖עַם תִּצְעַד־אָ֑רֶץ בְּאַ֖ף תָּד֥וּשׁ גֹּויִֽם׃
Michée 4.12-4.13 Jérémie 51.33 Josué 6.1-6.12 Nombres 21.23-21.35 Esaïe 41.15
¹³ יָצָ֨אתָ֙ לְיֵ֣שַׁע עַמֶּ֔ךָ לְיֵ֖שַׁע אֶת־מְשִׁיחֶ֑ךָ מָחַ֤צְתָּ רֹּאשׁ֙ מִבֵּ֣ית רָשָׁ֔ע עָרֹ֛ות יְסֹ֥וד עַד־צַוָּ֖אר סֶֽלָה׃ פ
Psaumes 110.6 Psaumes 105.15 Psaumes 18.37-18.45 Psaumes 28.8 Psaumes 77.20
¹⁴ נָקַ֤בְתָּ בְמַטָּיו֙ רֹ֣אשׁ פְּרָזָ֔יו יִסְעֲר֖וּ לַהֲפִיצֵ֑נִי עֲלִ֣יצֻתָ֔ם כְּמֹו־לֶאֱכֹ֥ל עָנִ֖י בַּמִּסְתָּֽר׃
Daniel 11.40 Zacharie 9.14 Psaumes 10.8 Psaumes 64.2-64.7 Exode 14.5-14.9
¹⁵ דָּרַ֥כְתָּ בַיָּ֖ם סוּסֶ֑יךָ חֹ֖מֶר מַ֥יִם רַבִּֽים׃
Psaumes 77.19 Habakuk 3.8 Exode 15.8
¹⁶ שָׁמַ֣עְתִּי׀ וַתִּרְגַּ֣ז בִּטְנִ֗י לְקֹול֙ צָלֲל֣וּ שְׂפָתַ֔י יָבֹ֥וא רָקָ֛ב בַּעֲצָמַ֖י וְתַחְתַּ֣י אֶרְגָּ֑ז אֲשֶׁ֤ר אָנ֨וּחַ֙ לְיֹ֣ום צָרָ֔ה לַעֲלֹ֖ות לְעַ֥ם יְגוּדֶֽנּוּ׃
Habakuk 3.2 Daniel 10.8 Jérémie 15.10-15.11 Habakuk 1.5-1.11 Jérémie 23.9
¹⁷ כִּֽי־תְאֵנָ֣ה לֹֽא־תִפְרָ֗ח וְאֵ֤ין יְבוּל֙ בַּגְּפָנִ֔ים כִּחֵשׁ֙ מַעֲשֵׂה־זַ֔יִת וּשְׁדֵמֹ֖ות לֹא־עָ֣שָׂה אֹ֑כֶל גָּזַ֤ר מִמִּכְלָה֙ צֹ֔אן וְאֵ֥ין בָּקָ֖ר בָּרְפָתִֽים׃
Amos 4.6-4.10 Joël 1.16-1.18 Jérémie 5.17 Joël 1.10-1.13 Jérémie 14.2-14.8
¹⁸ וַאֲנִ֖י בַּיהוָ֣ה אֶעְלֹ֑וזָה אָגִ֖ילָה בֵּאלֹהֵ֥י יִשְׁעִֽי׃
Job 13.15 Esaïe 61.10 Psaumes 46.1-46.5 Psaumes 25.5 Philippiens 4.4
¹⁹ יְהוִ֤ה אֲדֹנָי֙ חֵילִ֔י וַיָּ֤שֶׂם רַגְלַי֙ כָּֽאַיָּלֹ֔ות וְעַ֥ל בָּמֹותַ֖י יַדְרִכֵ֑נִי לַמְנַצֵּ֖חַ בִּנְגִינֹותָֽי׃
Psaumes 18.33 2 Samuel 22.34 Deutéronome 32.13 Deutéronome 33.29 2 Corinthiens 12.9-12.10