Habakuk 1.17
Biblia Hebraica Stuttgartensia

Interrogations d’Habakuk

¹ הַמַּשָּׂא֙ אֲשֶׁ֣ר חָזָ֔ה חֲבַקּ֖וּק הַנָּבִֽיא׃
Nahum 1.1 Esaïe 22.1
² עַד־אָ֧נָה יְהוָ֛ה שִׁוַּ֖עְתִּי וְלֹ֣א תִשְׁמָ֑ע אֶזְעַ֥ק אֵלֶ֛יךָ חָמָ֖ס וְלֹ֥א תֹושִֽׁיעַ׃
Jérémie 14.9 Psaumes 13.1-13.2 Psaumes 22.1-22.2 Lamentations 3.8 Psaumes 94.3
³ לָ֣מָּה תַרְאֵ֤נִי אָ֨וֶן֙ וְעָמָ֣ל תַּבִּ֔יט וְשֹׁ֥ד וְחָמָ֖ס לְנֶגְדִּ֑י וַיְהִ֧י רִ֦יב וּמָדֹ֖ון יִשָּֽׂא׃
Psaumes 55.9-55.11 Ecclésiaste 4.1 Ecclésiaste 5.8 Matthieu 10.16 Psaumes 73.3-73.9
⁴ עַל־כֵּן֙ תָּפ֣וּג תֹּורָ֔ה וְלֹֽא־יֵצֵ֥א לָנֶ֖צַח מִשְׁפָּ֑ט כִּ֤י רָשָׁע֙ מַכְתִּ֣יר אֶת־הַצַּדִּ֔יק עַל־כֵּ֛ן יֵצֵ֥א מִשְׁפָּ֖ט מְעֻקָּֽל׃
Job 21.7 Psaumes 119.126 Ezéchiel 9.9 Esaïe 1.21-1.23 Jérémie 12.1

Réponse de Dieu : le jugement de Juda

⁵ רְא֤וּ בַגֹּויִם֙ וְֽהַבִּ֔יטוּ וְהִֽתַּמְּה֖וּ תְּמָ֑הוּ כִּי־פֹ֨עַל֙ פֹּעֵ֣ל בִּֽימֵיכֶ֔ם לֹ֥א תַאֲמִ֖ינוּ כִּ֥י יְסֻפָּֽר׃
Esaïe 29.14 Ezéchiel 12.22-12.28 Jérémie 9.25-9.26 Sophonie 1.2 Daniel 9.12
⁶ כִּֽי־הִנְנִ֤י מֵקִים֙ אֶת־הַכַּשְׂדִּ֔ים הַגֹּ֖וי הַמַּ֣ר וְהַנִּמְהָ֑ר הַֽהֹולֵךְ֙ לְמֶרְחֲבֵי־אֶ֔רֶץ לָרֶ֖שֶׁת מִשְׁכָּנֹ֥ות לֹּא־לֹֽו׃
2 Rois 24.2 Jérémie 5.15 Deutéronome 28.49-28.52 Jérémie 21.4 Jérémie 25.9
⁷ אָיֹ֥ם וְנֹורָ֖א ה֑וּא מִמֶּ֕נּוּ מִשְׁפָּטֹ֥ו וּשְׂאֵתֹ֖ו יֵצֵֽא׃
Jérémie 39.5-39.9 Jérémie 52.9-52.11 Jérémie 52.25-52.27 Esaïe 18.7 Deutéronome 5.27
⁸ וְקַלּ֨וּ מִנְּמֵרִ֜ים סוּסָ֗יו וְחַדּוּ֙ מִזְּאֵ֣בֵי עֶ֔רֶב וּפָ֖שׁוּ פָּֽרָשָׁ֑יו וּפָֽרָשָׁיו֙ מֵרָחֹ֣וק יָבֹ֔אוּ יָעֻ֕פוּ כְּנֶ֖שֶׁר חָ֥שׁ לֶאֱכֹֽול׃
Jérémie 4.13 Sophonie 3.3 Deutéronome 28.49 Jérémie 5.6 Osée 8.1
⁹ כֻּלֹּה֙ לְחָמָ֣ס יָבֹ֔וא מְגַמַּ֥ת פְּנֵיהֶ֖ם קָדִ֑ימָה וַיֶּאֱסֹ֥ף כַּחֹ֖ול שֶֽׁבִי׃
Psaumes 139.18 Jérémie 34.22 Osée 13.15 Habakuk 1.6 Habakuk 2.5-2.13
¹⁰ וְהוּא֙ בַּמְּלָכִ֣ים יִתְקַלָּ֔ס וְרֹזְנִ֖ים מִשְׂחָ֣ק לֹ֑ו ה֚וּא לְכָל־מִבְצָ֣ר יִשְׂחָ֔ק וַיִּצְבֹּ֥ר עָפָ֖ר וַֽיִּלְכְּדָֽהּ׃
2 Chroniques 36.6 Jérémie 32.24 2 Chroniques 36.10 Esaïe 14.16 Jérémie 33.4
¹¹ אָ֣ז חָלַ֥ף ר֛וּחַ וַֽיַּעֲבֹ֖ר וְאָשֵׁ֑ם ז֥וּ כֹחֹ֖ו לֵאלֹהֹֽו׃
Jérémie 4.11-4.12 Daniel 5.20 Daniel 4.30-4.34 Daniel 5.3-5.4

Réponse d’Habakuk

¹² הֲלֹ֧וא אַתָּ֣ה מִקֶּ֗דֶם יְהוָ֧ה אֱלֹהַ֛י קְדֹשִׁ֖י לֹ֣א נָמ֑וּת יְהוָה֙ לְמִשְׁפָּ֣ט שַׂמְתֹּ֔ו וְצ֖וּר לְהֹוכִ֥יחַ יְסַדְתֹּֽו׃
Deutéronome 32.4 Jérémie 30.11 Jérémie 46.28 Psaumes 90.2 Deutéronome 33.27
¹³ טְהֹ֤ור עֵינַ֨יִם֙ מֵרְאֹ֣ות רָ֔ע וְהַבִּ֥יט אֶל־עָמָ֖ל לֹ֣א תוּכָ֑ל לָ֤מָּה תַבִּיט֙ בֹּֽוגְדִ֔ים תַּחֲרִ֕ישׁ בְּבַלַּ֥ע רָשָׁ֖ע צַדִּ֥יק מִמֶּֽנּוּ׃
Psaumes 34.15-34.16 Actes 3.13-3.15 Psaumes 35.22 Psaumes 10.15 Psaumes 50.21
¹⁴ וַתַּעֲשֶׂ֥ה אָדָ֖ם כִּדְגֵ֣י הַיָּ֑ם כְּרֶ֖מֶשׂ לֹא־מֹשֵׁ֥ל בֹּֽו׃
Proverbes 6.7
¹⁵ כֻּלֹּה֙ בְּחַכָּ֣ה הֵֽעֲלָ֔ה יְגֹרֵ֣הוּ בְחֶרְמֹ֔ו וְיַאַסְפֵ֖הוּ בְּמִכְמַרְתֹּ֑ו עַל־כֵּ֖ן יִשְׂמַ֥ח וְיָגִֽיל׃
Jérémie 16.16 Amos 4.2 Psaumes 10.9 Luc 5.5-5.10 Lamentations 2.15-2.16
¹⁶ עַל־כֵּן֙ יְזַבֵּ֣חַ לְחֶרְמֹ֔ו וִֽיקַטֵּ֖ר לְמִכְמַרְתֹּ֑ו כִּ֤י בָהֵ֨מָּה֙ שָׁמֵ֣ן חֶלְקֹ֔ו וּמַאֲכָלֹ֖ו בְּרִאָֽה׃
Habakuk 1.11 Ezéchiel 29.3 Esaïe 37.24 Daniel 4.30 Esaïe 10.13-10.15
¹⁷ הַ֥עַל כֵּ֖ן יָרִ֣יק חֶרְמֹ֑ו וְתָמִ֛יד לַהֲרֹ֥ג גֹּויִ֖ם לֹ֥א יַחְמֹֽול׃ ס
Esaïe 14.16-14.17 Ezéchiel 25.1-25.17 Esaïe 14.6 Habakuk 1.9-1.10 Jérémie 46.1-46.28