Psaumes 79.11
Biblia Hebraica Stuttgartensia

Supplication en faveur de Jérusalem

¹ מִזְמֹ֗ור לְאָ֫סָ֥ף אֱֽלֹהִ֡ים בָּ֤אוּ גֹויִ֨ם׀ בְּֽנַחֲלָתֶ֗ךָ טִ֭מְּאוּ אֶת־הֵיכַ֣ל קָדְשֶׁ֑ךָ שָׂ֖מוּ אֶת־יְרוּשָׁלִַ֣ם לְעִיִּֽים׃
Jérémie 26.18 Michée 3.12 Lamentations 1.10 2 Chroniques 36.19 Exode 15.17
² נָֽתְנ֡וּ אֶת־נִבְלַ֬ת עֲבָדֶ֗יךָ מַ֭אֲכָל לְעֹ֣וף הַשָּׁמָ֑יִם בְּשַׂ֥ר חֲ֝סִידֶ֗יךָ לְחַיְתֹו־אָֽרֶץ׃
Jérémie 7.33 Jérémie 34.20 Jérémie 16.4 Deutéronome 28.26 Jérémie 19.7
³ שָׁפְכ֬וּ דָמָ֨ם׀ כַּמַּ֗יִם סְֽבִ֘יבֹ֤ות יְֽרוּשָׁלִָ֗ם וְאֵ֣ין קֹובֵֽר׃
Jérémie 16.4 Jérémie 14.16 Apocalypse 16.6 Matthieu 23.35 Jérémie 34.20
⁴ הָיִ֣ינוּ חֶ֭רְפָּה לִשְׁכֵנֵ֑ינוּ לַ֥עַג וָ֝קֶ֗לֶס לִסְבִיבֹותֵֽינוּ׃
Psaumes 80.6 Jérémie 42.18 Ezéchiel 35.12 Lamentations 5.1 Néhémie 4.1-4.4
⁵ עַד־מָ֣ה יְ֭הוָה תֶּאֱנַ֣ף לָנֶ֑צַח תִּבְעַ֥ר כְּמֹו־אֵ֝֗שׁ קִנְאָתֶֽךָ׃
Psaumes 89.46 Psaumes 85.5 Psaumes 74.1 Sophonie 3.8 Deutéronome 29.20
⁶ שְׁפֹ֤ךְ חֲמָתְךָ֨ אֶֽל־הַגֹּויִם֮ אֲשֶׁ֪ר לֹא־יְדָ֫ע֥וּךָ וְעַ֥ל מַמְלָכֹ֑ות אֲשֶׁ֥ר בְּ֝שִׁמְךָ֗ לֹ֣א קָרָֽאוּ׃
2 Thessaloniciens 1.8 Psaumes 14.4 Jérémie 10.25 Psaumes 69.24 Psaumes 53.4
⁷ כִּ֭י אָכַ֣ל אֶֽת־יַעֲקֹ֑ב וְֽאֶת־נָוֵ֥הוּ הֵשַֽׁמּוּ׃
Jérémie 51.34-51.35 Jérémie 50.7 Esaïe 64.10-64.11 Esaïe 9.12 2 Chroniques 36.21
⁸ אַֽל־תִּזְכָּר־לָנוּ֮ עֲוֹנֹ֪ת רִאשֹׁ֫נִ֥ים מַ֭הֵר יְקַדְּמ֣וּנוּ רַחֲמֶ֑יךָ כִּ֖י דַלֹּ֣ונוּ מְאֹֽד׃
Psaumes 142.6 Esaïe 64.9 Psaumes 116.6 Deutéronome 28.43 Psaumes 21.3
⁹ עָזְרֵ֤נוּ׀ אֱלֹ֘הֵ֤י יִשְׁעֵ֗נוּ עַל־דְּבַ֥ר כְּבֹֽוד־שְׁמֶ֑ךָ וְהַצִּילֵ֥נוּ וְכַפֵּ֥ר עַל־חַ֝טֹּאתֵ֗ינוּ לְמַ֣עַן שְׁמֶֽךָ׃
2 Chroniques 14.11 Jérémie 14.7 Psaumes 65.3 Psaumes 25.11 Jérémie 14.21
¹⁰ לָ֤מָּה׀ יֹאמְר֣וּ הַגֹּויִם֮ אַיֵּ֪ה אֱֽלֹהֵ֫יהֶ֥ם יִוָּדַ֣ע בַּגֹּויִ֣ם לְעֵינֵ֑ינוּ נִ֝קְמַ֗ת דַּֽם־עֲבָדֶ֥יךָ הַשָּׁפֽוּךְ׃
Psaumes 42.10 Psaumes 94.1 Psaumes 115.2 Psaumes 42.3 Ezéchiel 39.21-39.22
¹¹ תָּ֤בֹ֣וא לְפָנֶיךָ֮ אֶנְקַ֪ת אָ֫סִ֥יר כְּגֹ֥דֶל זְרֹועֲךָ֑ הֹ֝ותֵ֗ר בְּנֵ֣י תְמוּתָֽה׃
Psaumes 102.20 Esaïe 42.7 Matthieu 6.13 Psaumes 146.6-146.7 Psaumes 12.5
¹² וְהָ֘שֵׁ֤ב לִשְׁכֵנֵ֣ינוּ שִׁ֭בְעָתַיִם אֶל־חֵיקָ֑ם חֶרְפָּ֘תָ֤ם אֲשֶׁ֖ר חֵרְפ֣וּךָ אֲדֹנָֽי׃
Genèse 4.15 Jérémie 32.18 Lévitique 26.21 Lévitique 26.28 Proverbes 6.31
¹³ וַאֲנַ֤חְנוּ עַמְּךָ֨׀ וְצֹ֥אן מַרְעִיתֶךָ֮ נֹ֤ודֶ֥ה לְּךָ֗ לְעֹ֫ולָ֥ם לְדֹ֥ר וָדֹ֑ר נְ֝סַפֵּ֗ר תְּהִלָּתֶֽךָ׃
Psaumes 74.1 Esaïe 43.21 Psaumes 95.7 Psaumes 100.3 Psaumes 44.8