Psaumes 79.1
Biblia Hebraica Stuttgartensia

Supplication en faveur de Jérusalem

¹ מִזְמֹ֗ור לְאָ֫סָ֥ף אֱֽלֹהִ֡ים בָּ֤אוּ גֹויִ֨ם׀ בְּֽנַחֲלָתֶ֗ךָ טִ֭מְּאוּ אֶת־הֵיכַ֣ל קָדְשֶׁ֑ךָ שָׂ֖מוּ אֶת־יְרוּשָׁלִַ֣ם לְעִיִּֽים׃
2 Chroniques 36.19 Jérémie 26.18 Michée 3.12 Lamentations 1.10 Jérémie 52.13
² נָֽתְנ֡וּ אֶת־נִבְלַ֬ת עֲבָדֶ֗יךָ מַ֭אֲכָל לְעֹ֣וף הַשָּׁמָ֑יִם בְּשַׂ֥ר חֲ֝סִידֶ֗יךָ לְחַיְתֹו־אָֽרֶץ׃
Jérémie 7.33 Jérémie 34.20 Jérémie 16.4 Deutéronome 28.26 Jérémie 15.3
³ שָׁפְכ֬וּ דָמָ֨ם׀ כַּמַּ֗יִם סְֽבִ֘יבֹ֤ות יְֽרוּשָׁלִָ֗ם וְאֵ֣ין קֹובֵֽר׃
Jérémie 14.16 Jérémie 16.4 Apocalypse 18.24 Apocalypse 17.6 Jérémie 25.33
⁴ הָיִ֣ינוּ חֶ֭רְפָּה לִשְׁכֵנֵ֑ינוּ לַ֥עַג וָ֝קֶ֗לֶס לִסְבִיבֹותֵֽינוּ׃
Psaumes 80.6 Lamentations 2.15-2.16 Psaumes 89.41 Ezéchiel 36.15 Néhémie 2.19
⁵ עַד־מָ֣ה יְ֭הוָה תֶּאֱנַ֣ף לָנֶ֑צַח תִּבְעַ֥ר כְּמֹו־אֵ֝֗שׁ קִנְאָתֶֽךָ׃
Psaumes 89.46 Psaumes 85.5 Psaumes 74.1 Deutéronome 29.20 Sophonie 3.8
⁶ שְׁפֹ֤ךְ חֲמָתְךָ֨ אֶֽל־הַגֹּויִם֮ אֲשֶׁ֪ר לֹא־יְדָ֫ע֥וּךָ וְעַ֥ל מַמְלָכֹ֑ות אֲשֶׁ֥ר בְּ֝שִׁמְךָ֗ לֹ֣א קָרָֽאוּ׃
Jérémie 10.25 2 Thessaloniciens 1.8 Psaumes 14.4 Psaumes 69.24 Psaumes 53.4
⁷ כִּ֭י אָכַ֣ל אֶֽת־יַעֲקֹ֑ב וְֽאֶת־נָוֵ֥הוּ הֵשַֽׁמּוּ׃
Esaïe 24.1-24.12 Psaumes 80.13 Zacharie 1.15 Jérémie 51.34-51.35 Jérémie 50.7
⁸ אַֽל־תִּזְכָּר־לָנוּ֮ עֲוֹנֹ֪ת רִאשֹׁ֫נִ֥ים מַ֭הֵר יְקַדְּמ֣וּנוּ רַחֲמֶ֑יךָ כִּ֖י דַלֹּ֣ונוּ מְאֹֽד׃
Psaumes 116.6 Psaumes 142.6 Esaïe 64.9 Psaumes 21.3 Deutéronome 28.43
⁹ עָזְרֵ֤נוּ׀ אֱלֹ֘הֵ֤י יִשְׁעֵ֗נוּ עַל־דְּבַ֥ר כְּבֹֽוד־שְׁמֶ֑ךָ וְהַצִּילֵ֥נוּ וְכַפֵּ֥ר עַל־חַ֝טֹּאתֵ֗ינוּ לְמַ֣עַן שְׁמֶֽךָ׃
Jérémie 14.7 2 Chroniques 14.11 Psaumes 25.11 Psaumes 65.3 Jérémie 14.21
¹⁰ לָ֤מָּה׀ יֹאמְר֣וּ הַגֹּויִם֮ אַיֵּ֪ה אֱֽלֹהֵ֫יהֶ֥ם יִוָּדַ֣ע בַּגֹּויִ֣ם לְעֵינֵ֑ינוּ נִ֝קְמַ֗ת דַּֽם־עֲבָדֶ֥יךָ הַשָּׁפֽוּךְ׃
Psaumes 42.10 Psaumes 42.3 Psaumes 94.1 Psaumes 115.2 Apocalypse 18.20
¹¹ תָּ֤בֹ֣וא לְפָנֶיךָ֮ אֶנְקַ֪ת אָ֫סִ֥יר כְּגֹ֥דֶל זְרֹועֲךָ֑ הֹ֝ותֵ֗ר בְּנֵ֣י תְמוּתָֽה׃
Psaumes 102.20 Ephésiens 3.20 Exode 2.23-2.24 Psaumes 69.33 Esaïe 42.7
¹² וְהָ֘שֵׁ֤ב לִשְׁכֵנֵ֣ינוּ שִׁ֭בְעָתַיִם אֶל־חֵיקָ֑ם חֶרְפָּ֘תָ֤ם אֲשֶׁ֖ר חֵרְפ֣וּךָ אֲדֹנָֽי׃
Jérémie 32.18 Genèse 4.15 Lévitique 26.28 Lévitique 26.21 Luc 6.38
¹³ וַאֲנַ֤חְנוּ עַמְּךָ֨׀ וְצֹ֥אן מַרְעִיתֶךָ֮ נֹ֤ודֶ֥ה לְּךָ֗ לְעֹ֫ולָ֥ם לְדֹ֥ר וָדֹ֑ר נְ֝סַפֵּ֗ר תְּהִלָּתֶֽךָ׃
Psaumes 74.1 Psaumes 95.7 Esaïe 43.21 Psaumes 100.3 Psaumes 45.17