Psaumes 75
Biblia Hebraica Stuttgartensia

Dieu, le juge souverain

1 לַמְנַצֵּ֥חַ אַל־תַּשְׁחֵ֑ת מִזְמֹ֖ור לְאָסָ֣ף שִֽׁיר׃
Psaumes 145.18 Psaumes 138.2 Psaumes 76.1 Psaumes 57.1 Psaumes 44.1
2 (75.1) הֹ֘ודִ֤ינוּ לְּךָ֨׀ אֱֽלֹהִ֗ים הֹ֭ודִינוּ וְקָרֹ֣וב שְׁמֶ֑ךָ סִ֝פְּר֗וּ נִפְלְאֹותֶֽיךָ׃
Actes 17.31 Psaumes 101.2 2 Samuel 5.3 Jean 7.6 2 Samuel 8.15
3 (75.2) כִּ֭י אֶקַּ֣ח מֹועֵ֑ד אֲ֝נִ֗י מֵישָׁרִ֥ים אֶשְׁפֹּֽט׃
1 Samuel 2.8 Esaïe 24.19 Psaumes 78.60-78.72 2 Samuel 5.2 Hébreux 1.3
4 (75.3) נְֽמֹגִ֗ים אֶ֥רֶץ וְכָל־יֹשְׁבֶ֑יהָ אָנֹכִ֨י תִכַּ֖נְתִּי עַמּוּדֶ֣יהָ סֶּֽלָה׃
Zacharie 1.21 Psaumes 148.14 Proverbes 9.6 Psaumes 89.17 Proverbes 8.5
5 (75.4) אָמַ֣רְתִּי לַֽ֭הֹולְלִים אַל־תָּהֹ֑לּוּ וְ֝לָרְשָׁעִ֗ים אַל־תָּרִ֥ימוּ קָֽרֶן׃
Exode 32.9 Actes 7.51 2 Chroniques 30.8 Deutéronome 31.27 Esaïe 48.4
6 (75.5) אַל־תָּרִ֣ימוּ לַמָּרֹ֣ום קַרְנְכֶ֑ם תְּדַבְּר֖וּ בְצַוָּ֣אר עָתָֽק׃
Psaumes 3.3
7 (75.6) כִּ֤י לֹ֣א מִ֭מֹּוצָא וּמִֽמַּעֲרָ֑ב וְ֝לֹ֗א מִמִּדְבַּ֥ר הָרִֽים׃
Psaumes 50.6 Daniel 2.21-2.22 Jérémie 27.4-27.8 1 Samuel 15.23 1 Samuel 2.7-2.8
8 (75.7) כִּֽי־אֱלֹהִ֥ים שֹׁפֵ֑ט זֶ֥ה יַ֝שְׁפִּ֗יל וְזֶ֣ה יָרִֽים׃
Job 21.20 Psaumes 11.6 Proverbes 23.30 Jérémie 25.15 Apocalypse 14.9-14.10
9 (75.8) כִּ֤י כֹ֪וס בְּֽיַד־יְהוָ֡ה וְיַ֤יִן חָמַ֨ר׀ מָ֥לֵא מֶסֶךְ֮ וַיַּגֵּ֪ר מִ֫זֶּ֥ה אַךְ־שְׁ֭מָרֶיהָ יִמְצ֣וּ יִשְׁתּ֑וּ כֹּ֝֗ל רִשְׁעֵי־אָֽרֶץ׃
Psaumes 104.33 Psaumes 40.10 Psaumes 9.14 Psaumes 145.1-145.2
10 (75.9) וַ֭אֲנִי אַגִּ֣יד לְעֹלָ֑ם אֲ֝זַמְּרָ֗ה לֵאלֹהֵ֥י יַעֲקֹֽב׃
Psaumes 89.17 Psaumes 92.10 Jérémie 48.25 Psaumes 148.14 Psaumes 101.8
11 (75.10) וְכָל־קַרְנֵ֣י רְשָׁעִ֣ים אֲגַדֵּ֑עַ תְּ֝רֹומַ֗מְנָה קַֽרְנֹ֥ות צַדִּֽיק׃