Psaumes 5.5
Biblia Hebraica Stuttgartensia

La justice et la bonté de Dieu

¹ לַמְנַצֵּ֥חַ אֶֽל־הַנְּחִילֹ֗ות מִזְמֹ֥ור לְדָוִֽד׃
Psaumes 54.2 1 Jean 5.14-5.15 Psaumes 64.1 Psaumes 17.1 Psaumes 55.1-55.2
² (5.1) אֲמָרַ֖י הַאֲזִ֥ינָה׀ יְהוָ֗ה בִּ֣ינָה הֲגִֽיגִי׃
Psaumes 84.3 Psaumes 3.4 Psaumes 65.2 Psaumes 74.12 Psaumes 145.1
³ (5.2) הַקְשִׁ֤יבָה׀ לְקֹ֬ול שַׁוְעִ֗י מַלְכִּ֥י וֵאלֹהָ֑י כִּֽי־אֵ֝לֶ֗יךָ אֶתְפַּלָּֽל׃
Psaumes 88.13 Psaumes 130.6 Psaumes 119.147 Psaumes 55.17 Marc 1.35
⁴ (5.3) יְֽהוָ֗ה בֹּ֖קֶר תִּשְׁמַ֣ע קֹולִ֑י בֹּ֥קֶר אֶֽעֱרָךְ־לְ֝ךָ֗ וַאֲצַפֶּֽה׃
Psaumes 92.15 Psaumes 140.13 Jean 14.23 Apocalypse 21.23 Psaumes 94.20
⁵ (5.4) כִּ֤י׀ לֹ֤א אֵֽל־חָפֵ֘ץ רֶ֥שַׁע׀ אָ֑תָּה לֹ֖א יְגֻרְךָ֣ רָֽע׃
Psaumes 1.5 Psaumes 11.5 Lévitique 20.23 Habakuk 1.13 Proverbes 6.16-6.19
⁶ (5.5) לֹֽא־יִתְיַצְּב֣וּ הֹֽ֭ולְלִים לְנֶ֣גֶד עֵינֶ֑יךָ שָׂ֝נֵ֗אתָ כָּל־פֹּ֥עֲלֵי אָֽוֶן׃
Psaumes 55.23 Apocalypse 21.8 Apocalypse 22.15 Psaumes 4.2 2 Samuel 16.8
⁷ (5.6) תְּאַבֵּד֮ דֹּבְרֵ֪י כָ֫זָ֥ב אִישׁ־דָּמִ֥ים וּמִרְמָ֗ה יְתָ֘עֵ֥ב׀ יְהוָֽה׃
Psaumes 138.2 Psaumes 132.7 1 Pierre 1.17-1.19 Daniel 6.10 Psaumes 69.13
⁸ (5.7) וַאֲנִ֗י בְּרֹ֣ב חַ֭סְדְּךָ אָבֹ֣וא בֵיתֶ֑ךָ אֶשְׁתַּחֲוֶ֥ה אֶל־הֵֽיכַל־קָ֝דְשְׁךָ֗ בְּיִרְאָתֶֽךָ׃
Psaumes 27.11 Psaumes 25.4-25.5 Proverbes 3.5-3.6 Psaumes 143.8-143.10 Proverbes 4.25
⁹ (5.8) יְהוָ֤ה׀ נְחֵ֬נִי בְצִדְקָתֶ֗ךָ לְמַ֥עַן שֹׁורְרָ֑י הַיְשַׁ֖ר לְפָנַ֣י דַּרְכֶּֽךָ׃
Romains 3.13 Psaumes 62.4 Michée 6.12 Psaumes 52.2 Psaumes 51.6
¹⁰ (5.9) כִּ֤י אֵ֪ין בְּפִ֡יהוּ נְכֹונָה֮ קִרְבָּ֪ם הַ֫וֹּ֥ות קֶֽבֶר־פָּת֥וּחַ גְּרֹונָ֑ם לְ֝שֹׁונָ֗ם יַחֲלִֽיקוּן׃
2 Samuel 17.14 2 Samuel 15.31 2 Samuel 17.23 Daniel 9.5 Psaumes 71.13
¹¹ (5.10) הַֽאֲשִׁימֵ֨ם׀ אֱֽלֹהִ֗ים יִפְּלוּ֮ מִֽמֹּעֲצֹ֪ותֵ֫יהֶ֥ם בְּרֹ֣ב פִּ֭שְׁעֵיהֶם הַדִּיחֵ֑מֹו כִּי־מָ֥רוּ בָֽךְ׃
Psaumes 2.12 Psaumes 47.1-47.5 Jacques 1.12 Psaumes 40.16 Romains 8.28
¹² (5.11) וְיִשְׂמְח֨וּ כָל־חֹ֪וסֵי בָ֡ךְ לְעֹולָ֣ם יְ֭רַנֵּנוּ וְתָסֵ֣ךְ עָלֵ֑ימֹו וְֽיַעְלְצ֥וּ בְ֝ךָ֗ אֹהֲבֵ֥י שְׁמֶֽךָ׃
Psaumes 32.10 Psaumes 84.11 Psaumes 32.7 Psaumes 115.13 Psaumes 29.11
¹³ (5.12) כִּֽי־אַתָּה֮ תְּבָרֵ֪ךְ צַ֫דִּ֥יק יְהוָ֑ה כַּ֝צִּנָּ֗ה רָצֹ֥ון תַּעְטְרֶֽנּוּ׃