Psaumes 5.4
Biblia Hebraica Stuttgartensia

¹ לַמְנַצֵּ֥חַ אֶֽל־הַנְּחִילֹ֗ות מִזְמֹ֥ור לְדָוִֽד׃1 Jean 5.14-5.15 Psaumes 54.2 Psaumes 19.14 Psaumes 64.1 Psaumes 17.1
² (5.1) אֲמָרַ֖י הַאֲזִ֥ינָה׀ יְהוָ֗ה בִּ֣ינָה הֲגִֽיגִי׃Psaumes 84.3 Psaumes 3.4 Psaumes 65.2 Psaumes 44.4 Psaumes 24.7-24.8
³ (5.2) הַקְשִׁ֤יבָה׀ לְקֹ֬ול שַׁוְעִ֗י מַלְכִּ֥י וֵאלֹהָ֑י כִּֽי־אֵ֝לֶ֗יךָ אֶתְפַּלָּֽל׃Psaumes 88.13 Psaumes 130.6 Psaumes 119.147 Psaumes 55.17 Marc 1.35
⁴ (5.3) יְֽהוָ֗ה בֹּ֖קֶר תִּשְׁמַ֣ע קֹולִ֑י בֹּ֥קֶר אֶֽעֱרָךְ־לְ֝ךָ֗ וַאֲצַפֶּֽה׃Psaumes 101.7 2 Pierre 3.13 Habakuk 1.13 Psaumes 11.5 1 Chroniques 29.17
⁵ (5.4) כִּ֤י׀ לֹ֤א אֵֽל־חָפֵ֘ץ רֶ֥שַׁע׀ אָ֑תָּה לֹ֖א יְגֻרְךָ֣ רָֽע׃Psaumes 1.5 Psaumes 11.5 Osée 9.15 Lévitique 20.23 Habakuk 1.13
⁶ (5.5) לֹֽא־יִתְיַצְּב֣וּ הֹֽ֭ולְלִים לְנֶ֣גֶד עֵינֶ֑יךָ שָׂ֝נֵ֗אתָ כָּל־פֹּ֥עֲלֵי אָֽוֶן׃Psaumes 55.23 Apocalypse 21.8 Psaumes 4.2 Apocalypse 22.15 Psaumes 43.1
⁷ (5.6) תְּאַבֵּד֮ דֹּבְרֵ֪י כָ֫זָ֥ב אִישׁ־דָּמִ֥ים וּמִרְמָ֗ה יְתָ֘עֵ֥ב׀ יְהוָֽה׃Psaumes 138.2 Psaumes 132.7 1 Rois 8.29-8.30 1 Pierre 1.17-1.19 Daniel 6.10
⁸ (5.7) וַאֲנִ֗י בְּרֹ֣ב חַ֭סְדְּךָ אָבֹ֣וא בֵיתֶ֑ךָ אֶשְׁתַּחֲוֶ֥ה אֶל־הֵֽיכַל־קָ֝דְשְׁךָ֗ בְּיִרְאָתֶֽךָ׃Psaumes 27.11 Psaumes 25.4-25.5 Proverbes 3.5-3.6 Psaumes 143.8-143.10 Matthieu 3.3
⁹ (5.8) יְהוָ֤ה׀ נְחֵ֬נִי בְצִדְקָתֶ֗ךָ לְמַ֥עַן שֹׁורְרָ֑י הַיְשַׁ֖ר לְפָנַ֣י דַּרְכֶּֽךָ׃Romains 3.13 Psaumes 62.4 Michée 6.12 Psaumes 52.2 Psaumes 51.6
¹⁰ (5.9) כִּ֤י אֵ֪ין בְּפִ֡יהוּ נְכֹונָה֮ קִרְבָּ֪ם הַ֫וֹּ֥ות קֶֽבֶר־פָּת֥וּחַ גְּרֹונָ֑ם לְ֝שֹׁונָ֗ם יַחֲלִֽיקוּן׃2 Samuel 17.14 2 Samuel 15.31 2 Samuel 17.23 2 Chroniques 25.16 Psaumes 7.9-7.15
¹¹ (5.10) הַֽאֲשִׁימֵ֨ם׀ אֱֽלֹהִ֗ים יִפְּלוּ֮ מִֽמֹּעֲצֹ֪ותֵ֫יהֶ֥ם בְּרֹ֣ב פִּ֭שְׁעֵיהֶם הַדִּיחֵ֑מֹו כִּי־מָ֥רוּ בָֽךְ׃Psaumes 2.12 Psaumes 69.36-70.4 Psaumes 35.27 Psaumes 58.10 Jacques 2.5
¹² (5.11) וְיִשְׂמְח֨וּ כָל־חֹ֪וסֵי בָ֡ךְ לְעֹולָ֣ם יְ֭רַנֵּנוּ וְתָסֵ֣ךְ עָלֵ֑ימֹו וְֽיַעְלְצ֥וּ בְ֝ךָ֗ אֹהֲבֵ֥י שְׁמֶֽךָ׃Psaumes 32.10 Psaumes 84.11 Psaumes 32.7 Psaumes 115.13 Psaumes 29.11
¹³ (5.12) כִּֽי־אַתָּה֮ תְּבָרֵ֪ךְ צַ֫דִּ֥יק יְהוָ֑ה כַּ֝צִּנָּ֗ה רָצֹ֥ון תַּעְטְרֶֽנּוּ׃