Psaumes 41.1
Biblia Hebraica Stuttgartensia

¹ לַמְנַצֵּ֗חַ מִזְמֹ֥ור לְדָוִֽד׃Proverbes 14.21 Proverbes 19.17 Hébreux 6.10 2 Corinthiens 9.8-9.14 Psaumes 37.19
² (41.1) אַ֭שְׁרֵי מַשְׂכִּ֣יל אֶל־דָּ֑ל בְּיֹ֥ום רָ֝עָ֗ה יְֽמַלְּטֵ֥הוּ יְהוָֽה׃Psaumes 27.12 Psaumes 33.19 Psaumes 128.1-128.6 1 Timothée 4.8 Psaumes 37.22
³ (41.2) יְהוָ֤ה׀ יִשְׁמְרֵ֣הוּ וִֽ֭יחַיֵּהוּ וְאֻשַּׁ֣ר בָּאָ֑רֶץ וְאַֽל־תִּ֝תְּנֵ֗הוּ בְּנֶ֣פֶשׁ אֹיְבָֽיו׃Philippiens 2.26-2.27 2 Rois 20.5-20.6 Psaumes 73.26 2 Rois 1.16 2 Corinthiens 4.16-4.17
⁴ (41.3) יְֽהוָ֗ה יִ֭סְעָדֶנּוּ עַל־עֶ֣רֶשׂ דְּוָ֑י כָּל־מִ֝שְׁכָּבֹ֗ו הָפַ֥כְתָּ בְחָלְיֹֽו׃Psaumes 147.3 Psaumes 103.3 Psaumes 6.2-6.4 2 Chroniques 30.18-30.20 Psaumes 32.5
⁵ (41.4) אֲֽנִי־אָ֭מַרְתִּי יְהוָ֣ה חָנֵּ֑נִי רְפָאָ֥ה נַ֝פְשִׁ֗י כִּי־חָטָ֥אתִי לָֽךְ׃Proverbes 10.7 Psaumes 102.8 Job 20.7 Job 18.17 Psaumes 22.6-22.8
⁶ (41.5) אֹויְבַ֗י יֹאמְר֣וּ רַ֣ע לִ֑י מָתַ֥י יָ֝מ֗וּת וְאָבַ֥ד שְׁמֹֽו׃Psaumes 12.2 Proverbes 26.24-26.26 Daniel 11.27 Jérémie 20.10 Luc 11.53-11.54
⁷ (41.6) וְאִם־בָּ֤א לִרְאֹ֨ות׀ שָׁ֤וְא יְדַבֵּ֗ר לִבֹּ֗ו יִקְבָּץ־אָ֥וֶן לֹ֑ו יֵצֵ֖א לַח֣וּץ יְדַבֵּֽר׃2 Corinthiens 12.20 Romains 1.29 Matthieu 22.15 Psaumes 31.13 Proverbes 16.28
⁸ (41.7) יַ֗חַד עָלַ֣י יִ֭תְלַחֲשׁוּ כָּל־שֹׂנְאָ֑י עָלַ֓י׀ יַחְשְׁב֖וּ רָעָ֣ה לִֽי׃Psaumes 71.11 Matthieu 27.41-27.46 Luc 13.16 Psaumes 38.3-38.7 Matthieu 27.63-27.64
⁹ (41.8) דְּֽבַר־בְּ֭לִיַּעַל יָצ֣וּק בֹּ֑ו וַאֲשֶׁ֥ר שָׁ֝כַ֗ב לֹא־יֹוסִ֥יף לָקֽוּם׃Jean 13.18 Job 19.19 2 Samuel 15.12 Jérémie 20.10 Psaumes 55.12-55.14
¹⁰ (41.9) גַּם־אִ֤ישׁ שְׁלֹומִ֨י׀ אֲשֶׁר־בָּטַ֣חְתִּי בֹ֖ו אֹוכֵ֣ל לַחְמִ֑י הִגְדִּ֖יל עָלַ֣י עָקֵֽב׃Psaumes 18.37-18.42 Psaumes 109.6-109.21 Psaumes 57.1 Psaumes 3.3 Luc 19.27
¹¹ (41.10) וְאַתָּ֤ה יְהוָ֗ה חָנֵּ֥נִי וַהֲקִימֵ֑נִי וַֽאֲשַׁלְּמָ֥ה לָהֶֽם׃Psaumes 13.4 Psaumes 35.25 Psaumes 86.17 Psaumes 124.6 Colossiens 2.15
¹² (41.11) בְּזֹ֣את יָ֭דַעְתִּי כִּֽי־חָפַ֣צְתָּ בִּ֑י כִּ֤י לֹֽא־יָרִ֖יעַ אֹיְבִ֣י עָלָֽי׃Job 36.7 Psaumes 37.17 Psaumes 25.21 Jean 17.24 Psaumes 34.15
¹³ (41.12) וַאֲנִ֗י בְּ֭תֻמִּי תָּמַ֣כְתָּ בִּ֑י וַתַּצִּיבֵ֖נִי לְפָנֶ֣יךָ לְעֹולָֽם׃Ephésiens 1.3 Psaumes 106.48 Psaumes 89.52 Psaumes 72.18-72.19 Apocalypse 7.12
¹⁴ (41.13) בָּ֘ר֤וּךְ יְהוָ֨ה׀ אֱלֹ֘הֵ֤י יִשְׂרָאֵ֗ל מֵֽ֭הָעֹולָם וְעַ֥ד הָעֹולָ֗ם אָ֘מֵ֥ן׀ וְאָמֵֽן׃