Psaumes 141
Biblia Hebraica Stuttgartensia

¹ מִזְמֹ֗ור לְדָ֫וִ֥ד יְהוָ֣ה קְ֭רָאתִיךָ ח֣וּשָׁה לִּ֑י הַאֲזִ֥ינָה קֹ֝ולִ֗י בְּקָרְאִי־לָֽךְ׃ Psaumes 70.5 Psaumes 40.13 Psaumes 71.12 Job 7.21 Psaumes 143.1
² תִּכֹּ֤ון תְּפִלָּתִ֣י קְטֹ֣רֶת לְפָנֶ֑יךָ מַֽשְׂאַ֥ת כַּ֝פַּ֗י מִנְחַת־עָֽרֶב׃ Apocalypse 5.8 Apocalypse 8.3-8.4 1 Timothée 2.8 Exode 29.39 Psaumes 134.2
³ שִׁיתָ֣ה יְ֭הוָה שָׁמְרָ֣ה לְפִ֑י נִ֝צְּרָ֗ה עַל־דַּ֥ל שְׂפָתָֽי׃ Michée 7.5 Jacques 1.26 Psaumes 39.1 Psaumes 34.13 Jacques 3.2
⁴ אַל־תַּט־לִבִּ֨י לְדָבָ֪ר׀ רָ֡ע לְהִתְעֹ֘ולֵ֤ל עֲלִלֹ֨ות׀ בְּרֶ֗שַׁע אֶת־אִישִׁ֥ים פֹּֽעֲלֵי־אָ֑וֶן וּבַל־אֶ֝לְחַ֗ם בְּמַנְעַמֵּיהֶֽם׃ 1 Corinthiens 15.33 Esaïe 63.17 1 Rois 8.58 2 Corinthiens 6.17 Psaumes 119.36
⁵ יֶֽהֶלְמֵֽנִי־צַדִּ֨יק׀ חֶ֡סֶד וְֽיֹוכִיחֵ֗נִי שֶׁ֣מֶן רֹ֭אשׁ אַל־יָנִ֣י רֹאשִׁ֑י כִּי־עֹ֥וד וּ֝תְפִלָּתִ֗י בְּרָעֹותֵיהֶֽם׃ Proverbes 19.25 Proverbes 25.12 Galates 6.1 Matthieu 5.44 2 Samuel 12.7-12.13
⁶ נִשְׁמְט֣וּ בִֽידֵי־סֶ֭לַע שֹׁפְטֵיהֶ֑ם וְשָׁמְע֥וּ אֲ֝מָרַ֗י כִּ֣י נָעֵֽמוּ׃ 2 Chroniques 25.12 2 Samuel 1.17-1.27 1 Chroniques 10.1-10.7 2 Samuel 5.1-5.3 2 Samuel 2.4-2.6
⁷ כְּמֹ֤ו פֹלֵ֣חַ וּבֹקֵ֣עַ בָּאָ֑רֶץ נִפְזְר֥וּ עֲ֝צָמֵ֗ינוּ לְפִ֣י שְׁאֹֽול׃ Psaumes 53.5 Psaumes 44.22 Hébreux 11.37 2 Corinthiens 1.9 1 Samuel 22.18-22.19
⁸ כִּ֤י אֵלֶ֨יךָ׀ יְהֹוִ֣ה אֲדֹנָ֣י עֵינָ֑י בְּכָ֥ה חָ֝סִ֗יתִי אַל־תְּעַ֥ר נַפְשִֽׁי׃ 2 Chroniques 20.12 Psaumes 25.15-25.17 Psaumes 123.1-123.2 Psaumes 102.17 Esaïe 41.17
⁹ שָׁמְרֵ֗נִי מִ֣ידֵי פַ֭ח יָ֣קְשׁוּ לִ֑י וּ֝מֹקְשֹׁ֗ות פֹּ֣עֲלֵי אָֽוֶן׃ Psaumes 140.5 Psaumes 119.110 Luc 20.20 Psaumes 38.12 Proverbes 13.14
¹⁰ יִפְּל֣וּ בְמַכְמֹרָ֣יו רְשָׁעִ֑ים יַ֥חַד אָ֝נֹכִ֗י עַֽד־אֶעֱבֹֽור׃ Psaumes 35.8 Proverbes 11.8 Esther 7.10 Psaumes 140.9 Psaumes 64.7-64.8