Psaumes 115
Biblia Hebraica Stuttgartensia

¹ לֹ֤א לָ֥נוּ יְהוָ֗ה לֹ֫א לָ֥נוּ כִּֽי־לְ֭שִׁמְךָ תֵּ֣ן כָּבֹ֑וד עַל־חַ֝סְדְּךָ֗ עַל־אֲמִתֶּֽךָ׃ Psaumes 79.9-79.10 Esaïe 48.11 Ezéchiel 36.32 Ezéchiel 36.22 Psaumes 96.8
² לָ֭מָּה יֹאמְר֣וּ הַגֹּויִ֑ם אַיֵּה־נָ֝֗א אֱלֹהֵיהֶֽם׃ Psaumes 42.3 Psaumes 79.10 Psaumes 42.10 Exode 32.12 2 Rois 19.10-19.19
³ וֵֽאלֹהֵ֥ינוּ בַשָּׁמָ֑יִם כֹּ֭ל אֲשֶׁר־חָפֵ֣ץ עָשָֽׂה׃ Daniel 4.35 Psaumes 135.6 Ephésiens 1.11 Matthieu 6.9 Psaumes 103.19
⁴ עֲֽ֭צַבֵּיהֶם כֶּ֣סֶף וְזָהָ֑ב מַ֝עֲשֵׂ֗ה יְדֵ֣י אָדָֽם׃ Deutéronome 4.28 Jérémie 10.3-10.5 Esaïe 46.6-46.7 Esaïe 46.1-46.2 Actes 19.26
⁵ פֶּֽה־לָ֭הֶם וְלֹ֣א יְדַבֵּ֑רוּ עֵינַ֥יִם לָ֝הֶ֗ם וְלֹ֣א יִרְאֽוּ׃ Jérémie 10.5
⁶ אָזְנַ֣יִם לָ֭הֶם וְלֹ֣א יִשְׁמָ֑עוּ אַ֥ף לָ֝הֶ֗ם וְלֹ֣א יְרִיחֽוּן׃ ⁷ יְדֵיהֶ֤ם׀ וְלֹ֬א יְמִישׁ֗וּן רַ֭גְלֵיהֶם וְלֹ֣א יְהַלֵּ֑כוּ לֹֽא־יֶ֝הְגּ֗וּ בִּגְרֹונָֽם׃ ⁸ כְּ֭מֹוהֶם יִהְי֣וּ עֹשֵׂיהֶ֑ם כֹּ֭ל אֲשֶׁר־בֹּטֵ֣חַ בָּהֶֽם׃ Psaumes 135.18 Habakuk 2.18-2.19 Jérémie 10.8 Esaïe 44.9-44.20 Jonas 2.8
⁹ יִ֭שְׂרָאֵל בְּטַ֣ח בַּיהוָ֑ה עֶזְרָ֖ם וּמָגִנָּ֣ם הֽוּא׃ Psaumes 62.8 Psaumes 135.19-135.20 Psaumes 37.3 Psaumes 118.2-118.4 Exode 19.5
¹⁰ בֵּ֣ית אַ֭הֲרֹן בִּטְח֣וּ בַיהוָ֑ה עֶזְרָ֖ם וּמָגִנָּ֣ם הֽוּא׃ Exode 28.1 Nombres 18.7 Psaumes 118.3 Nombres 16.40 Nombres 16.5
¹¹ יִרְאֵ֣י יְ֭הוָה בִּטְח֣וּ בַיהוָ֑ה עֶזְרָ֖ם וּמָגִנָּ֣ם הֽוּא׃ Proverbes 14.26 Psaumes 22.23 Actes 10.35 Psaumes 147.11 Apocalypse 19.5
¹² יְהוָה֮ זְכָרָ֪נוּ יְבָ֫רֵ֥ךְ יְ֭בָרֵךְ אֶת־בֵּ֣ית יִשְׂרָאֵ֑ל יְ֝בָרֵ֗ךְ אֶת־בֵּ֥ית אַהֲרֹֽן׃ Psaumes 136.23 Ephésiens 1.3 Galates 3.29 Genèse 12.2-12.3 Esaïe 49.14-49.16
¹³ יְ֭בָרֵךְ יִרְאֵ֣י יְהוָ֑ה הַ֝קְּטַנִּ֗ים עִם־הַגְּדֹלִֽים׃ Psaumes 112.1 Psaumes 128.1 Apocalypse 11.18 Apocalypse 19.5 Luc 1.50
¹⁴ יֹסֵ֣ף יְהוָ֣ה עֲלֵיכֶ֑ם עֲ֝לֵיכֶ֗ם וְעַל־בְּנֵיכֶֽם׃ Deutéronome 1.11 Jérémie 32.38-32.39 Jérémie 30.19 Jérémie 33.22 Esaïe 2.2-2.3
¹⁵ בְּרוּכִ֣ים אַ֭תֶּם לַיהוָ֑ה עֹ֝שֵׂ֗ה שָׁמַ֥יִם וָאָֽרֶץ׃ Genèse 1.1 Psaumes 96.5 Genèse 14.19 Ephésiens 1.3-1.4 Psaumes 121.2
¹⁶ הַשָּׁמַ֣יִם שָׁ֭מַיִם לַיהוָ֑ה וְ֝הָאָ֗רֶץ נָתַ֥ן לִבְנֵי־אָדָֽם׃ Psaumes 89.11 Genèse 1.28-1.30 Psaumes 8.6 Jérémie 27.5-27.6 Genèse 9.1-9.3
¹⁷ לֹ֣א הַ֭מֵּתִים יְהַֽלְלוּ־יָ֑הּ וְ֝לֹ֗א כָּל־יֹרְדֵ֥י דוּמָֽה׃ Psaumes 6.5 Psaumes 31.17 Psaumes 88.10-88.12 1 Samuel 2.9 Psaumes 30.9
¹⁸ וַאֲנַ֤חְנוּ׀ נְבָ֘רֵ֤ךְ יָ֗הּ מֵֽעַתָּ֥ה וְעַד־עֹולָ֗ם הַֽלְלוּ־יָֽהּ׃ Psaumes 113.2 Daniel 2.20 Psaumes 145.21 Psaumes 145.2 Psaumes 118.17-118.19