Ezéchiel 6.3
Vulgate

Elimination de l’idolâtrie

¹ et factus est sermo Domini ad me dicens
² fili hominis pone faciem tuam ad montes Israhel et prophetabis ad eos
Ezéchiel 33.28 Ezéchiel 21.2 Ezéchiel 13.17 Ezéchiel 34.14 Ezéchiel 35.12
³ et dices montes Israhel audite verbum Domini Dei haec dicit Dominus Deus montibus et collibus rupibus et vallibus ecce ego inducam super vos gladium et disperdam excelsa vestra
Lévitique 26.30 Jérémie 22.29 Jérémie 2.20 Jérémie 3.23 Michée 6.2
⁴ et demoliar aras vestras et confringentur simulacra vestra et deiciam interfectos vestros ante idola vestra
2 Chroniques 14.5 Lévitique 26.30 Ezéchiel 6.5-6.6 Jérémie 43.13 2 Chroniques 34.4-34.5
⁵ et dabo cadavera filiorum Israhel ante faciem simulacrorum vestrorum et dispergam ossa vestra circum aras vestras
Jérémie 8.1-8.2 2 Rois 23.16 2 Rois 23.14
⁶ in omnibus habitationibus vestris urbes desertae erunt et excelsa demolientur et dissipabuntur et interibunt arae vestrae et confringentur et cessabunt idola vestra et conterentur delubra vestra et delebuntur opera vestra
Zacharie 13.2 Michée 1.7 Esaïe 6.11 Ezéchiel 5.14 Ezéchiel 6.4
⁷ et cadet interfectus in medio vestri et scietis quoniam ego Dominus
Ezéchiel 13.21 Ezéchiel 7.9 Ezéchiel 7.4 Exode 14.4 Lamentations 4.9
⁸ et relinquam in vobis eos qui fugerint gladium in gentibus cum dispersero vos in terris
Ezéchiel 14.22 Jérémie 44.28 Ezéchiel 12.16 Jérémie 44.14 Esaïe 6.13
⁹ et recordabuntur mei liberati vestri in gentibus ad quas captivi ducti sunt quia contrivi cor eorum fornicans et recedens a me et oculos eorum fornicantes post idola sua et displicebunt sibimet super malis quae fecerunt in universis abominationibus suis
Ezéchiel 20.43 Psaumes 78.40 Esaïe 7.13 Ezéchiel 20.24 Jérémie 51.50
¹⁰ et scient quia ego Dominus non frustra locutus sum ut facerem eis malum hoc
Ezéchiel 14.22-14.23 Daniel 9.12 Jérémie 44.28 Ezéchiel 6.7 Zacharie 1.6
¹¹ haec dicit Dominus Deus percute manu tua et adlide pedem tuum et dic eheu ad omnes abominationes malorum domus Israhel qui gladio fame peste ruituri sunt
Ezéchiel 5.12 Ezéchiel 25.6 Ezéchiel 9.4 Nombres 24.10 Apocalypse 18.10
¹² qui longe est peste morietur qui autem prope gladio corruet et qui relictus fuerit et obsessus fame morietur et conpleam indignationem meam in eis
Ezéchiel 5.13 Daniel 9.7 Lamentations 4.11 Lamentations 4.22 Esaïe 40.2
¹³ et scietis quia ego Dominus cum fuerint interfecti vestri in medio idolorum vestrorum in circuitu ararum vestrarum in omni colle excelso in cunctis summitatibus montium et subtus omne lignum nemorosum et subtus universam quercum frondosam locum ubi accenderunt tura redolentia universis idolis suis
Ezéchiel 20.28 Osée 4.13 Jérémie 2.20 1 Rois 14.23 Esaïe 57.5-57.7
¹⁴ et extendam manum meam super eos et faciam terram desolatam et destitutam a deserto Deblatha in omnibus habitationibus eorum et scient quia ego Dominus
Esaïe 5.25 Esaïe 9.12 Ezéchiel 20.33-20.34 Esaïe 26.11 Jérémie 48.22