Josué 6.16
Vulgate

¹ Hiericho autem clausa erat atque munita timore filiorum Israhel et nullus egredi audebat aut ingredi
Josué 2.7 Josué 2.9-2.14 2 Rois 17.4 Josué 2.24 Psaumes 127.1
² dixitque Dominus ad Iosue ecce dedi in manus tuas Hiericho et regem eius omnesque fortes viros
Deutéronome 7.24 Josué 2.9 Josué 8.1 Josué 2.24 Josué 6.9-6.24
³ circuite urbem cuncti bellatores semel per diem sic facietis sex diebus
1 Corinthiens 1.21-1.25 Nombres 14.9 2 Corinthiens 4.7 Josué 6.14 Josué 6.7
⁴ septimo autem die sacerdotes tollant septem bucinas quarum usus est in iobeleo et praecedant arcam foederis septiesque circuibitis civitatem et sacerdotes clangent bucinis
2 Chroniques 20.21 2 Chroniques 20.17 2 Rois 5.10 Genèse 2.3 Zacharie 4.2
⁵ cumque insonuerit vox tubae longior atque concisior et in auribus vestris increpuerit conclamabit omnis populus vociferatione maxima et muri funditus corruent civitatis ingredienturque singuli per locum contra quem steterint
1 Samuel 4.5 Josué 6.20 Esaïe 30.25 Jérémie 50.15 Josué 6.16
⁶ vocavit ergo Iosue filius Nun sacerdotes et dixit ad eos tollite arcam foederis et septem alii sacerdotes tollant septem iobeleorum bucinas et incedant ante arcam Domini
Josué 3.6 Josué 3.3 Actes 9.1 Deutéronome 20.2-20.4 Exode 25.14
⁷ ad populum quoque ait vadite et circuite civitatem armati praecedentes arcam Domini
Josué 4.13 Josué 1.14 Josué 6.3
⁸ cumque Iosue verba finisset et septem sacerdotes septem bucinis clangerent ante arcam foederis Domini
Nombres 32.20 Josué 6.3-6.4
⁹ omnisque praecederet armatus exercitus reliquum vulgus arcam sequebatur ac bucinis omnia concrepabant
Josué 6.13 Esaïe 58.8 Nombres 10.25 Esaïe 52.11-52.12
¹⁰ praeceperat autem Iosue populo dicens non clamabitis nec audietur vox vestra neque ullus sermo ex ore vestro egredietur donec veniat dies in quo dicam vobis clamate et vociferamini
Luc 24.49 Matthieu 12.19 Esaïe 42.2 2 Samuel 5.23-5.24 Actes 1.7
¹¹ circuivit ergo arca Domini civitatem semel per diem et reversa in castra mansit ibi
¹² igitur Iosue de nocte consurgente tulerunt sacerdotes arcam Domini
Jean 9.6-9.7 Genèse 22.3 Deutéronome 31.25 Jean 6.10-6.11 Jean 2.5-2.8
¹³ et septem ex eis septem bucinas quarum in iobeleis usus est praecedebantque arcam Domini ambulantes atque clangentes et armatus populus ibat ante eos vulgus autem reliquum sequebatur arcam et bucinis personabat
Matthieu 24.13 1 Chroniques 15.26 Galates 6.9
¹⁴ circumieruntque civitatem secundo die semel et reversi sunt in castra sic fecerunt sex diebus
Josué 6.11 Josué 6.3 Josué 6.15
¹⁵ die autem septimo diluculo consurgentes circumierunt urbem sicut dispositum erat septies
2 Pierre 1.19 Matthieu 28.1 Psaumes 119.147
¹⁶ cumque septimo circuitu clangerent bucinis sacerdotes dixit Iosue ad omnem Israhel vociferamini tradidit enim vobis Dominus civitatem
2 Chroniques 20.22-20.23 Juges 7.20-7.22 Josué 6.5 2 Chroniques 13.15
¹⁷ sitque civitas haec anathema et omnia quae in ea sunt Domino sola Raab meretrix vivat cum universis qui cum ea in domo sunt abscondit enim nuntios quos direximus
Deutéronome 20.17 Jacques 2.25 Ezéchiel 39.17 Michée 4.13 1 Corinthiens 2.7
¹⁸ vos autem cavete ne de his quae praecepta sunt quippiam contingatis et sitis praevaricationis rei et omnia castra Israhel sub peccato sint atque turbentur
Josué 7.11-7.12 Josué 7.1 Josué 7.25 Ecclésiaste 9.18 Ephésiens 5.11
¹⁹ quicquid autem auri et argenti fuerit et vasorum aeneorum ac ferri Domino consecretur repositum in thesauris eius
1 Chroniques 26.20 2 Rois 24.13 1 Chroniques 18.11 Matthieu 27.6 2 Samuel 8.11
²⁰ igitur omni vociferante populo et clangentibus tubis postquam in aures multitudinis vox sonitusque increpuit muri ilico corruerunt et ascendit unusquisque per locum qui contra se erat ceperuntque civitatem
Hébreux 11.30 Josué 6.5 2 Corinthiens 10.4-10.5
²¹ et interfecerunt omnia quae erant in ea a viro usque ad mulierem ab infante usque ad senem boves quoque et oves et asinos in ore gladii percusserunt
Josué 11.14 Josué 10.28 1 Rois 20.42 Apocalypse 18.21 Deutéronome 7.2-7.3
²² duobus autem viris qui exploratores missi fuerant dixit Iosue ingredimini domum mulieris meretricis et producite eam omniaque quae illius sunt sicut illi iuramento firmastis
Hébreux 11.31 Josué 6.17 Ezéchiel 17.18-17.19 Josué 2.1-2.24 Ezéchiel 17.13
²³ ingressique iuvenes eduxerunt Raab et parentes eius fratres quoque et cunctam supellectilem ac cognationem illius et extra castra Israhel manere fecerunt
Actes 27.24 1 Corinthiens 5.12 Hébreux 11.7 Genèse 18.24 Genèse 19.29
²⁴ urbem autem et omnia quae in ea sunt succenderunt absque argento et auro et vasis aeneis ac ferro quae in aerarium Domini consecrarunt
2 Rois 25.9 Josué 8.28 Apocalypse 18.8 Apocalypse 17.16 Deutéronome 13.16
²⁵ Raab vero meretricem et domum patris eius atque omnia quae habebat fecit Iosue vivere et habitaverunt in medio Israhel usque in praesentem diem eo quod absconderit nuntios quos miserat ut explorarent Hiericho in tempore illo inprecatus est Iosue dicens
Hébreux 11.31 Matthieu 1.5 Josué 11.19-11.20 Actes 2.21 Jacques 2.25
²⁶ maledictus vir coram Domino qui suscitaverit et aedificaverit civitatem Hiericho in primogenito suo fundamenta illius iaciat et in novissimo liberorum ponat portas eius
1 Rois 16.34 Malachie 1.4 Nombres 5.19-5.21 1 Rois 22.16 Matthieu 26.63
²⁷ fuit ergo Dominus cum Iosue et nomen eius in omni terra vulgatum est
Josué 9.1 Josué 1.5 Josué 9.3 Josué 9.9 Actes 18.9-18.10