Zacharie 13.7
Vulgate

¹ in die illa erit fons patens domus David et habitantibus Hierusalem in ablutionem peccatoris et menstruatae
Psaumes 51.2 Ezéchiel 36.25 Esaïe 1.16-1.18 Zacharie 12.3 Jean 1.29
² et erit in die illa dicit Dominus exercituum disperdam nomina idolorum de terra et non memorabuntur ultra et prophetas et spiritum inmundum auferam de terra
Jérémie 23.14-23.15 Ezéchiel 36.25 1 Rois 22.22 Osée 2.17 Ezéchiel 30.13
³ et erit cum prophetaverit quispiam ultra dicent ei pater eius et mater eius qui genuerunt eum non vives quia mendacium locutus es in nomine Domini et configent eum pater eius et mater eius genitores eius cum prophetaverit
Deutéronome 13.6-13.11 Deutéronome 18.20 Matthieu 10.37 Luc 14.26 2 Corinthiens 5.16
⁴ et erit in die illa confundentur prophetae unusquisque ex visione sua cum prophetaverit nec operientur pallio saccino ut mentiantur
Matthieu 3.4 Esaïe 20.2 2 Rois 1.8 Michée 3.6-3.7 Jérémie 2.26
⁵ sed dicet non sum propheta homo agricola ego sum quoniam Adam exemplum meum ab adulescentia mea
Amos 7.14 Actes 19.17-19.20
⁶ et dicetur ei quid sunt plagae istae in medio manuum tuarum et dicet his plagatus sum in domo eorum qui diligebant me
Proverbes 27.5-27.6 1 Rois 18.28 Psaumes 22.16 Jean 19.14-19.16 Jean 18.35
⁷ framea suscitare super pastorem meum et super virum coherentem mihi dicit Dominus exercituum percute pastorem et dispergantur oves et convertam manum meam ad parvulos
Marc 14.27 Esaïe 40.11 Matthieu 26.31 Zacharie 11.7 Jérémie 47.6
⁸ et erunt in omni terra dicit Dominus partes duae in ea disperdentur et deficient et tertia pars relinquetur in ea
Ezéchiel 5.12 Ezéchiel 5.2-5.4 Esaïe 6.13 Joël 2.31-2.32 Luc 23.28-23.30
⁹ et ducam tertiam partem per ignem et uram eas sicut uritur argentum et probabo eos sicut probatur aurum ipse vocabit nomen meum et ego exaudiam eum dicam populus meus es et ipse dicet Dominus Deus meus
Esaïe 48.10 Psaumes 50.15 1 Pierre 1.6-1.7 Jérémie 29.11-29.12 Zacharie 10.6