Zacharie 10.6
Vulgate

Les bergers et le troupeau

¹ petite a Domino pluviam in tempore serotino et Dominus faciet nives et pluviam imbris dabit eis singulis herbam in agro
Jérémie 10.13 Ezéchiel 34.26 Esaïe 44.3 Jérémie 14.22 Jacques 5.7
² quia simulacra locuta sunt inutile et divini viderunt mendacium et somniatores frustra locuti sunt vane consolabantur idcirco abducti sunt quasi grex adfligentur quia non est eis pastor
Ezéchiel 34.5 Matthieu 9.36 Osée 3.4 Ezéchiel 34.8 Jérémie 27.9
³ super pastores iratus est furor meus et super hircos visitabo quia visitavit Dominus exercituum gregem suum domum Iuda et posuit eos quasi equum gloriae suae in bello
Ezéchiel 34.16-34.17 Sophonie 2.7 Ezéchiel 34.7-34.10 Zacharie 11.17 Jérémie 23.1-23.2
⁴ ex ipso angulus ex ipso paxillus ex ipso arcus proelii ex ipso egredietur omnis exactor simul
Zacharie 9.10 Nombres 24.17 Zacharie 9.8 Esaïe 54.16 Apocalypse 17.14
⁵ et erunt quasi fortes conculcantes lutum viarum in proelio et bellabunt quia Dominus cum eis et confundentur ascensores equorum
Aggée 2.22 Psaumes 20.7 Zacharie 12.4 1 Samuel 16.18 2 Samuel 22.8
⁶ et confortabo domum Iuda et domum Ioseph salvabo et convertam eos quia miserebor eorum et erunt sicut fuerunt quando non proieceram eos ego enim Dominus Deus eorum et exaudiam eos
Zacharie 13.9 Zacharie 10.12 Jérémie 3.18 Esaïe 14.1 Zacharie 8.7-8.8
⁷ et erunt quasi fortes Ephraim et laetabitur cor eorum quasi a vino et filii eorum videbunt et laetabuntur et exultabit cor eorum in Domino
Zacharie 9.15 Actes 2.39 Jérémie 32.39 Luc 1.47 Esaïe 38.19
⁸ sibilabo eis et congregabo illos quia redemi eos et multiplicabo eos sicut ante fuerant multiplicati
Esaïe 5.26 Jérémie 33.22 Esaïe 7.18 Ezéchiel 36.10-36.11 Jérémie 31.10-31.11
⁹ et seminabo eos in populis et de longe recordabuntur mei et vivent cum filiis suis et revertentur
Ezéchiel 6.9 Osée 2.23 1 Rois 8.47-8.48 Actes 3.25-3.26 Amos 9.9
¹⁰ et reducam eos de terra Aegypti et de Assyriis congregabo eos et ad terram Galaad et Libani adducam eos et non invenietur eis locus
Osée 11.11 Michée 7.14 Jérémie 50.19 Michée 7.11-7.12 Esaïe 49.19-49.21
¹¹ et transibit in maris freto et percutiet in mari fluctus et confundentur omnia profunda Fluminis et humiliabitur superbia Assur et sceptrum Aegypti recedet
Ezéchiel 30.13 Esaïe 43.2 Ezéchiel 29.14-29.16 Esaïe 51.10 2 Rois 2.14
¹² confortabo eos in Domino et in nomine eius ambulabunt dicit Dominus
Michée 4.5 Zacharie 10.6 Esaïe 2.5 2 Timothée 2.1 Zacharie 12.5