Ezéchiel 13.20
Vulgate

Condamnation des prétendus prophètes

¹ et factus est sermo Domini ad me dicens
² fili hominis vaticinare ad prophetas Israhel qui prophetant et dices prophetantibus de corde suo audite verbum Domini
Ezéchiel 13.17 Jérémie 37.19 Esaïe 9.15 Ezéchiel 22.28 Esaïe 1.10
³ haec dicit Dominus Deus vae prophetis insipientibus qui sequuntur spiritum suum et nihil vident
Jérémie 23.28-23.32 Lamentations 2.14 Zacharie 11.15 Osée 9.7 Luc 11.42-11.47
⁴ quasi vulpes in desertis prophetae tui Israhel erant
Romains 16.18 Michée 2.11 Matthieu 7.15 Apocalypse 13.11-13.14 Ephésiens 4.14
⁵ non ascendistis ex adverso neque opposuistis murum pro domo Israhel ut staretis in proelio in die Domini
Ezéchiel 22.30 Esaïe 58.12 Psaumes 106.23 Jérémie 23.22 Esaïe 13.6
⁶ vident vana et divinant mendacium dicentes ait Dominus cum Dominus non miserit eos et perseveraverunt confirmare sermonem
Ezéchiel 22.28 Jérémie 28.15 Jérémie 29.8 Ezéchiel 21.29 Jérémie 37.19
⁷ numquid non visionem cassam vidistis et divinationem mendacem locuti estis et dicitis ait Dominus cum ego non sim locutus
Ezéchiel 13.6 Matthieu 24.23-24.24 Ezéchiel 13.2-13.3
⁸ propterea haec dicit Dominus Deus quia locuti estis vana et vidistis mendacium ideo ecce ego ad vos ait Dominus Deus
Ezéchiel 21.3 Ezéchiel 5.8 Nahum 2.13 Ezéchiel 28.22 Ezéchiel 35.3
⁹ et erit manus mea super prophetas qui vident vana et divinant mendacium in concilio populi mei non erunt et in scriptura domus Israhel non scribentur nec in terra Israhel ingredientur et scietis quia ego Dominus Deus
Ezéchiel 20.38 Psaumes 69.28 Psaumes 87.6 Jérémie 20.3-20.6 Esdras 2.59
¹⁰ eo quod deceperint populum meum dicentes pax et non est pax et ipse aedificabat parietem illi autem liniebant eum luto absque paleis
Ezéchiel 13.16 Ezéchiel 22.28 Jérémie 6.14 Jérémie 8.11 Jérémie 14.13
¹¹ dic ad eos qui liniunt absque temperatura quod casurus sit erit enim imber inundans et dabo lapides praegrandes desuper inruentes et ventum procellae dissipantem
Ezéchiel 38.22 Esaïe 28.2 Psaumes 32.6 Psaumes 11.6 Esaïe 29.6
¹² siquidem ecce cecidit paries numquid non dicetur vobis ubi est litura quam levistis
Jérémie 37.19 Juges 10.14 2 Rois 3.13 Jérémie 29.31-29.32 Lamentations 2.14-2.15
¹³ propterea haec dicit Dominus Deus et erumpere faciam spiritum tempestatum in indignatione mea et imber inundans in furore meo erit et lapides grandes in ira in consummationem
Esaïe 30.30 Apocalypse 16.21 Psaumes 148.8 Apocalypse 11.19 Psaumes 18.12-18.13
¹⁴ et destruam parietem quem levistis absque temperamento et adaequabo eum terrae et revelabitur fundamentum eius et cadet et consumetur in medio eius et scietis quia ego sum Dominus
Jérémie 6.15 Michée 1.6 Ezéchiel 13.9 Jérémie 14.15 Habakuk 3.13
¹⁵ et conplebo indignationem meam in parietem et in his qui linunt eum absque temperamento dicamque vobis non est paries et non sunt qui linunt eum
Esaïe 30.13 Néhémie 4.3 Psaumes 62.3
¹⁶ prophetae Israhel qui prophetant ad Hierusalem et vident ei visionem pacis et non est pax ait Dominus Deus
Jérémie 6.14 Ezéchiel 13.10 Jérémie 8.11 Jérémie 28.1 Jérémie 28.9-28.17
¹⁷ et tu fili hominis pone faciem tuam contra filias populi tui quae prophetant de corde suo et vaticinare super eas
Ezéchiel 13.2 Juges 4.4 2 Rois 22.14 Apocalypse 2.20 Luc 2.36
¹⁸ et dic haec ait Dominus Deus vae quae consuunt pulvillos sub omni cubito manus et faciunt cervicalia sub capite universae aetatis ad capiendas animas cum caperent animas populi mei vivificabant animas eorum
2 Pierre 2.14 Ezéchiel 13.20 Ezéchiel 22.25 Ezéchiel 13.16 Jérémie 6.14
¹⁹ et violabant me ad populum meum propter pugillum hordei et fragmen panis ut interficerent animas quae non moriuntur et vivificarent animas quae non vivunt mentientes populo meo credenti mendaciis
Proverbes 28.21 Michée 3.5 Ezéchiel 20.39 Ezéchiel 22.26 Jérémie 23.17
²⁰ propter hoc haec dicit Dominus Deus ecce ego ad pulvillos vestros quibus vos capitis animas volantes et disrumpam eos de brachiis vestris et dimittam animas quas vos capitis animas ad volandum
Ezéchiel 13.15-13.16 2 Timothée 3.8-3.9 Ezéchiel 13.18 Ezéchiel 13.8-13.9
²¹ et disrumpam cervicalia vestra et liberabo populum meum de manu vestra neque erunt ultra in manibus vestris ad praedandum et scietis quia ego Dominus
Psaumes 91.3
²² pro eo quod maerere fecistis cor iusti mendaciter quem ego non contristavi et confortastis manus impii ut non reverteretur a via sua mala et viveret
Jérémie 23.14 Ezéchiel 33.14-33.16 Jérémie 28.16 Jérémie 23.17 Jérémie 8.11
²³ propterea vana non videbitis et divinationes non divinabitis amplius et eruam populum meum de manu vestra et scietis quoniam ego Dominus
Ezéchiel 13.21 Ezéchiel 12.24 Michée 3.6 Zacharie 13.3 Apocalypse 12.9