2 Chroniques 24.19
Vulgate

Règne de Joas

¹ septem annorum erat Ioas cum regnare coepisset et quadraginta annis regnavit in Hierusalem nomen matris eius Sebia de Bersabee
2 Rois 11.21-12.15 1 Chroniques 3.11
² fecitque quod bonum est coram Domino cunctis diebus Ioiadae sacerdotis
2 Chroniques 26.4-26.5 2 Chroniques 25.2 2 Rois 12.2 Marc 4.16-4.17 Psaumes 78.36-78.37
³ accepit autem ei Ioiadae uxores duas e quibus genuit filios et filias
Genèse 21.21 Genèse 24.4 Matthieu 19.4-19.8 Genèse 4.19 2 Chroniques 24.15
⁴ post quae placuit Ioas ut instauraret domum Domini
⁵ congregavitque sacerdotes et Levitas et dixit eis egredimini ad civitates Iuda et colligite de universo Israhel pecuniam ad sarta tecta templi Dei vestri per singulos annos festinatoque hoc facite porro Levitae egere neglegentius
2 Chroniques 29.3 2 Rois 12.4-12.7 2 Chroniques 34.8-34.9 2 Chroniques 21.2
⁶ vocavitque rex Ioiadae principem et dixit ei quare non tibi fuit curae ut cogeres Levitas inferre de Iuda et de Hierusalem pecuniam quae constituta est a Mose servo Domini ut inferret eam omnis multitudo Israhel in tabernaculum testimonii
Exode 30.12-30.16 Nombres 1.50 Nombres 17.7-17.8 Actes 7.44 Nombres 18.2
⁷ Otholia enim impiissima et filii eius destruxerunt domum Domini et de universis quae sanctificata fuerant templo Domini ornaverunt fanum Baalim
2 Chroniques 21.17 Apocalypse 2.20 Osée 2.8-2.9 2 Rois 12.4 Osée 2.13
⁸ praecepit ergo rex et fecerunt arcam posueruntque eam iuxta portam domus Domini forinsecus
2 Rois 12.8-12.9 Marc 12.41
⁹ et praedicatum est in Iuda et Hierusalem ut deferrent singuli pretium Domino quod constituit Moses servus Dei super omnem Israhel in deserto
2 Chroniques 24.6 Matthieu 17.24-17.27
¹⁰ laetatique sunt cuncti principes et omnis populus et ingressi contulerunt in arcam Domini atque miserunt ita ut impleretur
1 Chroniques 29.9 2 Corinthiens 8.2 2 Corinthiens 9.7 Esaïe 64.5 Actes 2.45-2.47
¹¹ cumque tempus esset ut deferrent arcam coram rege per manus Levitarum videbant enim multam pecuniam ingrediebatur scriba regis et quem primus sacerdos constituerat effundebantque pecuniam quae erat in arca porro arcam reportabant ad locum suum sicque faciebant per singulos dies et congregata est infinita pecunia
2 Rois 12.10-12.12 1 Corinthiens 16.2
¹² quam dederunt rex et Ioiada his qui praeerant operibus domus Domini at illi conducebant ex ea caesores lapidum et artifices operum singulorum ut instaurarent domum Domini fabros quoque ferri et aeris ut quod cadere coeperat fulciretur
2 Chroniques 34.9-34.11 1 Rois 5.15
¹³ egeruntque hii qui operabantur industrie et obducebatur parietum cicatrix per manus eorum ac suscitaverunt domum Domini in statum pristinum et firme eam stare fecerunt
Aggée 2.3 1 Chroniques 22.5 Néhémie 4.7 Marc 13.1-13.2
¹⁴ cumque conplessent omnia opera detulerunt coram rege et Ioiadae reliquam partem pecuniae de qua facta sunt vasa templi in ministerium et ad holocausta fialae quoque et cetera vasa aurea et argentea et offerebantur holocausta in domo Domini iugiter cunctis diebus Ioiadae
Nombres 28.2-28.29 2 Rois 12.13-12.14 Exode 29.38-29.42 Proverbes 27.22 1 Rois 7.50
¹⁵ senuit autem Ioiadae plenus dierum et mortuus est cum centum triginta esset annorum
Genèse 15.15 1 Chroniques 23.1 Genèse 47.9 Genèse 25.8 Psaumes 91.16
¹⁶ sepelieruntque eum in civitate David cum regibus eo quod fecisset bonum cum Israhel et cum domo eius
Hébreux 6.10 1 Samuel 2.30 2 Chroniques 23.1-23.21 1 Rois 2.10 Actes 2.29
¹⁷ postquam autem obiit Ioiada ingressi sunt principes Iuda et adoraverunt regem qui delinitus obsequiis eorum adquievit eis
Deutéronome 31.27 Proverbes 7.21-7.23 Actes 20.29-20.30 Proverbes 20.19 Proverbes 29.12
¹⁸ et dereliquerunt templum Domini Dei patrum suorum servieruntque lucis et sculptilibus et facta est ira contra Iudam et Hierusalem propter hoc peccatum
2 Chroniques 24.4 2 Chroniques 19.2 Josué 22.20 2 Chroniques 29.8 2 Chroniques 28.13
¹⁹ mittebatque eis prophetas ut reverterentur ad Dominum quos protestantes illi audire nolebant
Psaumes 95.7-95.8 Luc 20.9-20.15 Esaïe 51.4 Esaïe 28.23 Jérémie 7.25-7.26
²⁰ spiritus itaque Dei induit Zacchariam filium Ioiadae sacerdotem et stetit in conspectu populi et dixit eis haec dicit Dominus quare transgredimini praeceptum Domini quod vobis non proderit et dereliquistis Dominum ut derelinqueret vos
Nombres 14.41 2 Chroniques 20.14 2 Chroniques 15.1-15.2 Matthieu 23.35 1 Chroniques 12.18
²¹ qui congregati adversus eum miserunt lapides iuxta regis imperium in atrio domus Domini
Actes 7.58-7.59 Néhémie 9.26 Matthieu 23.34-23.37 Jérémie 18.18 Jérémie 38.4-38.6
²² et non est recordatus Ioas rex misericordiae quam fecerat Ioiadae pater illius secum sed interfecit filium eius qui cum moreretur ait videat Dominus et requirat
Genèse 9.5 Luc 11.51 Apocalypse 18.20 Apocalypse 19.2 Jérémie 51.56
²³ cumque evolutus esset annus ascendit contra eum exercitus Syriae venitque in Iudam et Hierusalem et interfecit cunctos principes populi atque universam praedam miserunt regi Damascum
2 Rois 12.17-12.18 2 Chroniques 24.17-24.18 Deutéronome 32.35 Psaumes 2.10-2.11 Psaumes 58.10-58.11
²⁴ et certe cum permodicus venisset numerus Syrorum tradidit Dominus manibus eorum infinitam multitudinem eo quod reliquissent Dominum Deum patrum suorum in Ioas quoque ignominiosa exercuere iudicia
Esaïe 30.17 Lévitique 26.25 Lévitique 26.37 2 Chroniques 22.8 Deutéronome 28.25
²⁵ et abeuntes dimiserunt eum in languoribus magnis surrexerunt autem contra eum servi sui in ultionem sanguinis filii Ioiadae sacerdotis et occiderunt eum in lectulo suo et mortuus est sepelieruntque eum in civitate David sed non in sepulchris regum
2 Chroniques 28.27 2 Chroniques 24.21-24.22 Apocalypse 16.6 2 Chroniques 21.18-21.20 2 Chroniques 21.16
²⁶ insidiati vero sunt ei Zabath filius Semath Ammanitidis et Iozabath filius Semarith Moabitidis
2 Rois 12.21
²⁷ porro filii eius ac summa pecuniae quae adunata fuerat sub eo et instauratio domus Dei scripta sunt diligentius in libro regum regnavitque Amasias filius eius pro eo
2 Chroniques 13.22 2 Rois 12.21 2 Chroniques 16.11 2 Chroniques 9.29 2 Chroniques 25.1