Psaumes 141.3
Vulgate

Prière pour être délivré des hommes violents

¹ intellectus David cum esset in spelunca oratio
² voce mea ad Dominum clamavi voce mea ad Dominum deprecatus sum
³ effundo in conspectu eius deprecationem meam tribulationem meam ante ipsum pronuntio
⁴ in deficiendo ex me spiritum meum et tu cognovisti semitas meas in via hac qua ambulabam absconderunt laqueum mihi
⁵ considerabam ad dexteram et videbam et non erat qui cognosceret me periit fuga a me et non est qui requirit animam meam
⁶ clamavi ad te Domine dixi tu es spes mea portio mea in terra viventium
⁷ intende ad deprecationem meam quia humiliatus sum nimis libera me a persequentibus me quia confortati sunt super me
⁸ educ de custodia animam meam ad confitendum nomini tuo me expectant iusti donec retribuas mihi