×

Appuyez sur Entrée pour rechercher ou ESC pour annuler.

Accueil  /  Bible  /  Biblia Hebraica Stuttgartensia  / Néhémie 2.9     

Néhémie 2.9
Biblia Hebraica Stuttgartensia


1 וַיְהִ֣י׀ בְּחֹ֣דֶשׁ נִיסָ֗ן שְׁנַ֥ת עֶשְׂרִ֛ים לְאַרְתַּחְשַׁ֥סְתְּא הַמֶּ֖לֶךְ יַ֣יִן לְפָנָ֑יו וָאֶשָּׂ֤א אֶת־הַיַּ֨יִן֙ וָאֶתְּנָ֣ה לַמֶּ֔לֶךְ וְלֹא־הָיִ֥יתִי רַ֖ע לְפָנָֽיו׃
Esdras 7.1, Néhémie 1.1, Néhémie 1.11, Esther 3.7, Esdras 7.7, Genèse 40.21, Genèse 40.11,
2 וַיֹּאמֶר֩ לִ֨י הַמֶּ֜לֶךְ מַדּ֣וּעַ׀ פָּנֶ֣יךָ רָעִ֗ים וְאַתָּה֙ אֵֽינְךָ֣ חֹולֶ֔ה אֵ֣ין זֶ֔ה כִּי־אִ֖ם רֹ֣עַֽ לֵ֑ב וָאִירָ֖א הַרְבֵּ֥ה מְאֹֽד׃
Proverbes 15.13, Genèse 40.7,
3 וָאֹמַ֣ר לַמֶּ֔לֶךְ הַמֶּ֖לֶךְ לְעֹולָ֣ם יִחְיֶ֑ה מַדּ֜וּעַ לֹא־יֵרְע֣וּ פָנַ֗י אֲשֶׁ֨ר הָעִ֜יר בֵּית־קִבְרֹ֤ות אֲבֹתַי֙ חֲרֵבָ֔ה וּשְׁעָרֶ֖יהָ אֻכְּל֥וּ בָאֵֽשׁ׃ ס
Néhémie 1.3, 1 Rois 1.31, Daniel 2.4, Psaumes 137.6, Daniel 5.10, Daniel 6.21, 2 Chroniques 28.27, Daniel 6.6, 2 Chroniques 21.20, 2 Chroniques 32.33, Lamentations 2.9, Daniel 3.9, Psaumes 102.14,
4 וַיֹּ֤אמֶר לִי֙ הַמֶּ֔לֶךְ עַל־מַה־זֶּ֖ה אַתָּ֣ה מְבַקֵּ֑שׁ וָֽאֶתְפַּלֵּ֔ל אֶל־אֱלֹהֵ֖י הַשָּׁמָֽיִם׃
Néhémie 1.4, Proverbes 3.6, Néhémie 1.11, 1 Rois 3.5, Philippiens 4.6, Esther 7.2, Marc 10.51, Esther 5.6, 2 Samuel 15.31, Esther 5.3,
5 וָאֹמַ֣ר לַמֶּ֔לֶךְ אִם־עַל־הַמֶּ֣לֶךְ טֹ֔וב וְאִם־יִיטַ֥ב עַבְדְּךָ֖ לְפָנֶ֑יךָ אֲשֶׁ֧ר תִּשְׁלָחֵ֣נִי אֶל־יְהוּדָ֗ה אֶל־עִ֛יר קִבְרֹ֥ות אֲבֹתַ֖י וְאֶבְנֶֽנָּה׃
Esdras 5.17, 2 Samuel 14.22, Esther 1.19, Proverbes 3.4, Esther 7.3, Esther 8.5, Ruth 2.13, Esther 5.8,
6 וַיֹּאמֶר֩ לִ֨י הַמֶּ֜לֶךְ וְהַשֵּׁגַ֣ל׀ יֹושֶׁ֣בֶת אֶצְלֹ֗ו עַד־מָתַ֛י יִהְיֶ֥ה מַֽהֲלָכֲךָ֖ וּמָתַ֣י תָּשׁ֑וּב וַיִּיטַ֤ב לִפְנֵֽי־הַמֶּ֨לֶךְ֙ וַיִּשְׁלָחֵ֔נִי וָֽאֶתְּנָ֥ה לֹ֖ו זְמָֽן׃
Néhémie 13.6, Néhémie 5.14, Néhémie 2.4, Esaïe 65.24, Esaïe 58.12, Néhémie 1.11, Esaïe 61.4,
7 וָאֹומַר֮ לַמֶּלֶךְ֒ אִם־עַל־הַמֶּ֣לֶךְ טֹ֔וב אִגְּרֹות֙ יִתְּנוּ־לִ֔י עַֽל־פַּחֲוֹ֖ות עֵ֣בֶר הַנָּהָ֑ר אֲשֶׁר֙ יַעֲבִיר֔וּנִי עַ֥ד אֲשֶׁר־אָבֹ֖וא אֶל־יְהוּדָֽה׃
Esdras 7.21, Esdras 8.36, Esdras 6.6, Néhémie 2.9, Esdras 8.22,
8 וְאִגֶּ֡רֶת אֶל־אָסָף֩ שֹׁמֵ֨ר הַפַּרְדֵּ֜ס אֲשֶׁ֣ר לַמֶּ֗לֶךְ אֲשֶׁ֣ר יִתֶּן־לִ֣י עֵצִ֡ים לְ֠קָרֹות אֶת־שַׁעֲרֵ֨י הַבִּירָ֤ה אֲשֶׁר־לַבַּ֨יִת֙ וּלְחֹומַ֣ת הָעִ֔יר וְלַבַּ֖יִת אֲשֶׁר־אָבֹ֣וא אֵלָ֑יו וַיִּתֶּן־לִ֣י הַמֶּ֔לֶךְ כְּיַד־אֱלֹהַ֖י הַטֹּובָ֥ה עָלָֽי׃
Néhémie 7.2, Esdras 7.6, Esdras 5.5, Daniel 1.9, Esaïe 66.14, 2 Corinthiens 8.16, Proverbes 21.1, Esdras 7.27-7.28, Actes 26.22, Néhémie 3.1-3.32, Actes 7.10, Genèse 32.28, Esdras 7.9, Néhémie 2.17-2.18, Esdras 6.22,
9 וָֽאָבֹ֗וא אֶֽל־פַּֽחֲוֹות֙ עֵ֣בֶר הַנָּהָ֔ר וָאֶתְּנָ֣ה לָהֶ֔ם אֵ֖ת אִגְּרֹ֣ות הַמֶּ֑לֶךְ וַיִּשְׁלַ֤ח עִמִּי֙ הַמֶּ֔לֶךְ שָׂ֥רֵי חַ֖יִל וּפָרָשִֽׁים׃ פ
Esdras 8.22,
10 וַיִּשְׁמַ֞ע סַנְבַלַּ֣ט הַחֹרֹנִ֗י וְטֹֽובִיָּה֙ הָעֶ֣בֶד הָֽעַמֹּנִ֔י וַיֵּ֥רַע לָהֶ֖ם רָעָ֣ה גְדֹלָ֑ה אֲשֶׁר־בָּ֥א אָדָ֔ם לְבַקֵּ֥שׁ טֹובָ֖ה לִבְנֵ֥י יִשְׂרָאֵֽל׃
Néhémie 2.19, Néhémie 4.7, Actes 19.26-19.27, Néhémie 4.1-4.3, Ezéchiel 25.6-25.8, Proverbes 27.4, Néhémie 13.4, Néhémie 6.1, Esaïe 15.5, Nombres 22.3-22.4, Néhémie 13.1, Michée 7.9-7.10, Actes 4.2, Proverbes 30.22, Michée 7.16-7.17, Psaumes 122.6-122.9, Esdras 4.4-4.23, Jérémie 48.34, Actes 5.24, Psaumes 112.10, Jérémie 48.5, Ecclésiaste 10.7,
11 וָאָבֹ֖וא אֶל־יְרוּשָׁלִָ֑ם וָאֱהִי־שָׁ֖ם יָמִ֥ים שְׁלֹשָֽׁה׃
Esdras 8.32,
12 וָאָק֣וּם׀ לַ֗יְלָה אֲנִי֮ וַאֲנָשִׁ֣ים׀ מְעַט֮ עִמִּי֒ וְלֹא־הִגַּ֣דְתִּי לְאָדָ֔ם מָ֗ה אֱלֹהַי֙ נֹתֵ֣ן אֶל־לִבִּ֔י לַעֲשֹׂ֖ות לִירוּשָׁלִָ֑ם וּבְהֵמָה֙ אֵ֣ין עִמִּ֔י כִּ֚י אִם־הַבְּהֵמָ֔ה אֲשֶׁ֥ר אֲנִ֖י רֹכֵ֥ב בָּֽהּ׃
Juges 6.27, Jérémie 31.33, Jérémie 32.40, Ecclésiaste 3.7, Jacques 1.16-1.17, Michée 7.5, Psaumes 51.18, Amos 5.13, Psaumes 122.6, Juges 9.32, Esdras 7.27, Apocalypse 17.17, Matthieu 10.16, Genèse 32.22-32.24, Matthieu 2.14, Josué 10.9, 2 Corinthiens 8.16,
13 וָאֵצְאָ֨ה בְשַֽׁעַר־הַגַּ֜יא לַ֗יְלָה וְאֶל־פְּנֵי֙ עֵ֣ין הַתַּנִּ֔ין וְאֶל־שַׁ֖עַר הָאַשְׁפֹּ֑ת וָאֱהִ֨י שֹׂבֵ֜ר בְּחֹומֹ֤ת יְרוּשָׁלִַ֨ם֙ אֲשֶׁר־הֵ֣ם ׀ פְּרוּצִ֔ים וּשְׁעָרֶ֖יהָ אֻכְּל֥וּ בָאֵֽשׁ׃
Néhémie 1.3, 2 Chroniques 26.9, Néhémie 2.17, Néhémie 2.3, Néhémie 12.31, Néhémie 3.13-3.14, Néhémie 2.15, Jérémie 5.10,
14 וָאֶֽעֱבֹר֙ אֶל־שַׁ֣עַר הָעַ֔יִן וְאֶל־בְּרֵכַ֖ת הַמֶּ֑לֶךְ וְאֵין־מָקֹ֥ום לַבְּהֵמָ֖ה לַעֲבֹ֥ר תַּחְתָּֽי׃
Néhémie 3.15, 2 Rois 20.20, 2 Rois 18.17, 2 Chroniques 32.30,
15 וָאֱהִ֨י עֹלֶ֤ה בַנַּ֨חַל֙ לַ֔יְלָה וָאֱהִ֥י שֹׂבֵ֖ר בַּחֹומָ֑ה וָאָשׁ֗וּב וָאָבֹ֛וא בְּשַׁ֥עַר הַגַּ֖יְא וָאָשֽׁוּב׃
2 Samuel 15.23, Jérémie 31.38-31.40, Jean 18.1,
16 וְהַסְּגָנִ֗ים לֹ֤א יָדְעוּ֙ אָ֣נָה הָלַ֔כְתִּי וּמָ֖ה אֲנִ֣י עֹשֶׂ֑ה וְלַיְּהוּדִ֨ים וְלַכֹּהֲנִ֜ים וְלַחֹרִ֣ים וְלַסְּגָנִ֗ים וּלְיֶ֨תֶר֙ עֹשֵׂ֣ה הַמְּלָאכָ֔ה עַד־כֵּ֖ן לֹ֥א הִגַּֽדְתִּי׃
17 וָאֹומַ֣ר אֲלֵהֶ֗ם אַתֶּ֤ם רֹאִים֙ הָרָעָה֙ אֲשֶׁ֣ר אֲנַ֣חְנוּ בָ֔הּ אֲשֶׁ֤ר יְרוּשָׁלִַ֨ם֙ חֲרֵבָ֔ה וּשְׁעָרֶ֖יהָ נִצְּת֣וּ בָאֵ֑שׁ לְכ֗וּ וְנִבְנֶה֙ אֶת־חֹומַ֣ת יְרוּשָׁלִַ֔ם וְלֹא־נִהְיֶ֥ה עֹ֖וד חֶרְפָּֽה׃
Néhémie 1.3, Ezéchiel 5.14, Lamentations 3.45-3.46, Jérémie 24.9, Psaumes 44.13, Psaumes 79.4, Esdras 10.2-10.4, Lamentations 3.51, Esdras 5.1-5.2, Esaïe 35.3-35.4, Psaumes 89.50-89.51, Lamentations 2.2, 1 Samuel 11.2, Psaumes 79.12, Lamentations 2.8-2.9, Ezéchiel 22.4-22.5,
18 וָאַגִּ֨יד לָהֶ֜ם אֶת־יַ֣ד אֱלֹהַ֗י אֲשֶׁר־הִיא֙ טֹובָ֣ה עָלַ֔י וְאַף־דִּבְרֵ֥י הַמֶּ֖לֶךְ אֲשֶׁ֣ר אָֽמַר־לִ֑י וַיֹּֽאמְרוּ֙ נָק֣וּם וּבָנִ֔ינוּ וַיְחַזְּק֥וּ יְדֵיהֶ֖ם לַטֹּובָֽה׃ פ
2 Samuel 2.7, 1 Chroniques 11.10, 2 Chroniques 32.5, Aggée 1.13-1.14, Ephésiens 6.10, 1 Chroniques 19.13, Esdras 6.22, Philippiens 2.13,
19 וַיִּשְׁמַע֩ סַנְבַלַּ֨ט הַחֹרֹנִ֜י וְטֹבִיָּ֣ה׀ הָעֶ֣בֶד הָֽעַמֹּונִ֗י וְגֶ֨שֶׁם֙ הָֽעַרְבִ֔י וַיַּלְעִ֣גוּ לָ֔נוּ וַיִּבְז֖וּ עָלֵ֑ינוּ וַיֹּאמְר֗וּ מָֽה־הַדָּבָ֤ר הַזֶּה֙ אֲשֶׁ֣ר אַתֶּ֣ם עֹשִׂ֔ים הַעַ֥ל הַמֶּ֖לֶךְ אַתֶּ֥ם מֹרְדִֽים׃
Néhémie 6.6, Psaumes 44.13-44.14, Néhémie 6.1-6.2, Marc 5.40, Actes 24.5, Jérémie 20.8, Psaumes 80.6, Job 30.1, Esdras 4.15-4.16, Luc 23.2, Psaumes 79.4, Néhémie 6.9, Néhémie 4.1, Néhémie 2.10, Hébreux 11.36, Jean 19.12,
20 וָאָשִׁ֨יב אֹותָ֜ם דָּבָ֗ר וָאֹומַ֤ר לָהֶם֙ אֱלֹהֵ֣י הַשָּׁמַ֔יִם ה֚וּא יַצְלִ֣יחַֽ לָ֔נוּ וַאֲנַ֥חְנוּ עֲבָדָ֖יו נָק֣וּם וּבָנִ֑ינוּ וְלָכֶ֗ם אֵֽין־חֵ֧לֶק וּצְדָקָ֛ה וְזִכָּרֹ֖ון בִּירוּשָׁלִָֽם׃
Esdras 4.3, Néhémie 2.4, Actes 8.21, Psaumes 20.5, Esaïe 56.5, Actes 10.31, Actes 10.4, Psaumes 51.18, Psaumes 35.27, Zacharie 6.14, Ecclésiaste 7.18, Esther 4.11, Exode 28.29, Nombres 10.10, Psaumes 122.6, 2 Chroniques 26.5, Lévitique 24.7, Psaumes 102.13-102.14, Lévitique 2.2,

Cette Bible est dans le domaine public.