La Bible Bible en Swahili de l’est

Chapitre 97 Chapitre 99

Louange universelle au juste Juge

¹ Mwimbieni Bwana wimbo mpya, Kwa maana ametenda mambo ya ajabu. Mkono wa kuume wake mwenyewe, Mkono wake mtakatifu umemtendea wokovu.
² Bwana ameufunua wokovu wake, Machoni pa mataifa ameidhihirisha haki yake.
³ Amezikumbuka rehema zake, Na uaminifu wake kwa nyumba ya Israeli. Miisho yote ya dunia imeuona Wokovu wa Mungu wetu.
⁴ Mshangilieni Bwana, nchi yote, Inueni sauti, imbeni kwa furaha, imbeni zaburi.
⁵ Mwimbieni Bwana zaburi kwa kinubi, Kwa kinubi na sauti ya zaburi.
⁶ Kwa panda na sauti ya baragumu. Shangilieni mbele za Mfalme, Bwana.
⁷ Bahari na ivume na vyote viijazavyo, Ulimwengu nao wanaokaa ndani yake.
⁸ Mito na ipige makofi, Milima na iimbe pamoja kwa furaha.
⁹ Mbele za Bwana; Kwa maana anakuja aihukumu nchi. Atauhukumu ulimwengu kwa haki, Na mataifa kwa adili.