La Bible Bible en Swahili de l’est

Chapitre 136 Chapitre 138

Souffrance des exilés

¹ Kando ya mito ya Babeli ndiko tulikoketi, Tukalia tulipoikumbuka Sayuni.
² Katika miti iliyo katikati yake Tulivitundika vinubi vyetu.
³ Maana huko waliotuchukua mateka Walitaka tuwaimbie; Na waliotuonea walitaka furaha; Tuimbieni baadhi ya nyimbo za Sayuni.
⁴ Tuuimbeje wimbo wa Bwana Katika nchi ya ugeni?
⁵ Ee Yerusalemu, nikikusahau wewe, Mkono wangu wa kuume na usahau.
⁶ Ulimi wangu na ugandamane Na kaakaa la kinywa changu, nisipokukumbuka. Nisipoikuza Yerusalemu Zaidi ya furaha yangu iliyo kuu.
⁷ Ee Bwana, uwakumbuke wana wa Edomu, Siku ya Yerusalemu. Waliosema, Bomoeni! Bomoeni hata misingini!
⁸ Ee binti Babeli, uliye karibu na kuangamia, Heri atakayekupatiliza, ulivyotupatiliza sisi.
⁹ Heri yeye atakayewakamata wadogo wako, Na kuwaseta wao juu ya mwamba.