Cantique 2.14
Biblia Hebraica Stuttgartensia

¹ אֲנִי֙ חֲבַצֶּ֣לֶת הַשָּׁרֹ֔ון שֹֽׁושַׁנַּ֖ת הָעֲמָקִֽים׃
Cantique 5.13 Osée 14.5 Esaïe 35.1-35.2 Esaïe 57.15 Cantique 6.3

Le jeune homme

² כְּשֹֽׁושַׁנָּה֙ בֵּ֣ין הַחֹוחִ֔ים כֵּ֥ן רַעְיָתִ֖י בֵּ֥ין הַבָּנֹֽות׃
Matthieu 6.28-6.29 1 Pierre 2.12 Philippiens 2.15-2.16 Matthieu 10.16 Esaïe 55.13

La jeune femme

³ כְּתַפּ֨וּחַ֙ בַּעֲצֵ֣י הַיַּ֔עַר כֵּ֥ן דֹּודִ֖י בֵּ֣ין הַבָּנִ֑ים בְּצִלֹּו֙ חִמַּ֣דְתִּי וְיָשַׁ֔בְתִּי וּפִרְיֹ֖ו מָתֹ֥וק לְחִכִּֽי׃
Cantique 8.5 Hébreux 1.1-1.6 Esaïe 25.4 Esaïe 32.2 Cantique 4.16
⁴ הֱבִיאַ֨נִי֙ אֶל־בֵּ֣ית הַיָּ֔יִן וְדִגְלֹ֥ו עָלַ֖י אַהֲבָֽה׃
Cantique 1.4 Cantique 5.1 Psaumes 20.5 Psaumes 84.10 Esaïe 11.10
⁵ סַמְּכ֨וּנִי֙ בָּֽאֲשִׁישֹׁ֔ות רַפְּד֖וּנִי בַּתַּפּוּחִ֑ים כִּי־חֹולַ֥ת אַהֲבָ֖ה אָֽנִי׃
Cantique 5.8 Osée 3.1 2 Samuel 6.19 2 Samuel 13.1-13.2 Psaumes 63.1-63.3
⁶ שְׂמֹאלֹו֙ תַּ֣חַת לְרֹאשִׁ֔י וִימִינֹ֖ו תְּחַבְּקֵֽנִי׃
Sophonie 3.17 Esaïe 54.5-54.10 Jérémie 32.41 Ephésiens 5.25-5.29 Proverbes 4.8

Le jeune homme

⁷ הִשְׁבַּ֨עְתִּי אֶתְכֶ֜ם בְּנֹ֤ות יְרוּשָׁלִַ֨ם֙ בִּצְבָאֹ֔ות אֹ֖ו בְּאַיְלֹ֣ות הַשָּׂדֶ֑ה אִם־תָּעִ֧ירוּ׀ וְֽאִם־תְּעֹֽורְר֛וּ אֶת־הָאַהֲבָ֖ה עַ֥ד שֶׁתֶּחְפָּֽץ׃ ס
Cantique 3.5 Cantique 8.4 Cantique 1.5 Cantique 5.8-5.9 Cantique 2.9

La jeune femme

⁸ קֹ֣ול דֹּודִ֔י הִנֵּה־זֶ֖ה בָּ֑א מְדַלֵּג֙ עַל־הֶ֣הָרִ֔ים מְקַפֵּ֖ץ עַל־הַגְּבָעֹֽות׃
Cantique 5.2 Esaïe 44.23 Esaïe 49.11-49.13 Jean 10.27 Luc 3.4-3.6
⁹ דֹּומֶ֤ה דֹודִי֙ לִצְבִ֔י אֹ֖ו לְעֹ֣פֶר הָֽאַיָּלִ֑ים הִנֵּה־זֶ֤ה עֹומֵד֙ אַחַ֣ר כָּתְלֵ֔נוּ מַשְׁגִּ֨יחַ֙ מִן־הַֽחֲלֹּנֹ֔ות מֵצִ֖יץ מִן־הַֽחֲרַכִּֽים׃
Cantique 8.14 Cantique 2.17 Ephésiens 2.14-2.15 1 Corinthiens 13.12 Hébreux 9.8-9.9
¹⁰ עָנָ֥ה דֹודִ֖י וְאָ֣מַר לִ֑י ק֥וּמִי לָ֛ךְ רַעְיָתִ֥י יָפָתִ֖י וּלְכִי־לָֽךְ׃
Cantique 2.13 2 Corinthiens 11.2 2 Corinthiens 6.17-6.18 Cantique 2.8 Matthieu 4.19-4.22
¹¹ כִּֽי־הִנֵּ֥ה הַסְּתָ֖יו עָבָ֑ר הַגֶּ֕שֶׁם חָלַ֖ף הָלַ֥ךְ לֹֽו׃
Esaïe 60.1-60.2 Esaïe 12.1-12.2 Matthieu 5.4 Esaïe 40.2 Ecclésiaste 3.11
¹² הַנִּצָּנִים֙ נִרְא֣וּ בָאָ֔רֶץ עֵ֥ת הַזָּמִ֖יר הִגִּ֑יעַ וְקֹ֥ול הַתֹּ֖ור נִשְׁמַ֥ע בְּאַרְצֵֽנוּ׃
Jérémie 8.7 Psaumes 148.7-148.13 Psaumes 89.15 Esaïe 35.1-35.2 Esaïe 55.12
¹³ הַתְּאֵנָה֙ חָֽנְטָ֣ה פַגֶּ֔יהָ וְהַגְּפָנִ֥ים׀ סְמָדַ֖ר נָ֣תְנוּ רֵ֑יחַ ק֥וּמִי לָ֛ךְ רַעְיָתִ֥י יָפָתִ֖י וּלְכִי־לָֽךְ׃ ס
Cantique 2.10 2 Corinthiens 6.1-6.2 Esaïe 61.11 2 Corinthiens 5.20 Esaïe 18.5
¹⁴ יֹונָתִ֞י בְּחַגְוֵ֣י הַסֶּ֗לַע בְּסֵ֨תֶר֙ הַמַּדְרֵגָ֔ה הַרְאִ֨ינִי֙ אֶת־מַרְאַ֔יִךְ הַשְׁמִיעִ֖ינִי אֶת־קֹולֵ֑ךְ כִּי־קֹולֵ֥ךְ עָרֵ֖ב וּמַרְאֵ֥יךְ נָאוֶֽה׃ ס
Cantique 1.5 Cantique 8.13 Exode 3.6 Exode 33.22-33.23 Esdras 9.5-9.6
¹⁵ אֶֽחֱזוּ־לָ֨נוּ֙ שֽׁוּעָלִ֔ים שֽׁוּעָלִ֥ים קְטַנִּ֖ים מְחַבְּלִ֣ים כְּרָמִ֑ים וּכְרָמֵ֖ינוּ סְמָדַֽר׃
Ezéchiel 13.4-13.16 Apocalypse 2.2 2 Pierre 2.1-2.3 Cantique 2.13 Luc 13.32
¹⁶ דֹּודִ֥י לִי֙ וַאֲנִ֣י לֹ֔ו הָרֹעֶ֖ה בַּשֹּׁושַׁנִּֽים׃
Cantique 6.3 Cantique 7.10 Cantique 4.5 Cantique 7.13 Cantique 2.1
¹⁷ עַ֤ד שֶׁיָּפ֨וּחַ֙ הַיֹּ֔ום וְנָ֖סוּ הַצְּלָלִ֑ים סֹב֩ דְּמֵה־לְךָ֙ דֹודִ֜י לִצְבִ֗י אֹ֛ו לְעֹ֥פֶר הָאַיָּלִ֖ים עַל־הָ֥רֵי בָֽתֶר׃ ס
Cantique 4.6 Luc 1.78 Cantique 2.8-2.9 2 Pierre 1.19 Cantique 8.14