Psaumes 137.7
Biblia Hebraica Stuttgartensia

Souffrance des exilés

¹ עַ֥ל נַהֲרֹ֨ות׀ בָּבֶ֗ל שָׁ֣ם יָ֭שַׁבְנוּ גַּם־בָּכִ֑ינוּ בְּ֝זָכְרֵ֗נוּ אֶת־צִיֹּֽון׃
Ezéchiel 1.1 Psaumes 42.4 Ezéchiel 1.3 Esdras 8.31 Genèse 2.10-2.14
² עַֽל־עֲרָבִ֥ים בְּתֹוכָ֑הּ תָּ֝לִ֗ינוּ כִּנֹּרֹותֵֽינוּ׃
Ezéchiel 26.13 Esaïe 24.8 Apocalypse 18.22 Psaumes 33.2 Psaumes 81.2
³ כִּ֤י שָׁ֨ם שְֽׁאֵל֪וּנוּ שֹׁובֵ֡ינוּ דִּבְרֵי־שִׁ֭יר וְתֹולָלֵ֣ינוּ שִׂמְחָ֑ה שִׁ֥ירוּ לָ֝֗נוּ מִשִּׁ֥יר צִיֹּֽון׃
Esaïe 51.11 1 Chroniques 16.7 Jérémie 26.18 Luc 21.6 Psaumes 9.14
⁴ אֵ֗יךְ נָשִׁ֥יר אֶת־שִׁיר־יְהוָ֑ה עַ֝֗ל אַדְמַ֥ת נֵכָֽר׃
Amos 8.3 Osée 9.4 Esaïe 49.21 Lamentations 5.14-5.15 Esaïe 22.12
⁵ אִֽם־אֶשְׁכָּחֵ֥ךְ יְֽרוּשָׁלִָ֗ם תִּשְׁכַּ֥ח יְמִינִֽי׃
Psaumes 102.13-102.14 Esaïe 62.1 Psaumes 84.10 Néhémie 2.2-2.3 Daniel 6.10-6.11
⁶ תִּדְבַּ֥ק־לְשֹׁונִ֨י׀ לְחִכִּי֮ אִם־לֹ֪א אֶ֫זְכְּרֵ֥כִי אִם־לֹ֣א אַ֭עֲלֶה אֶת־יְרוּשָׁלִַ֑ם עַ֝֗ל רֹ֣אשׁ שִׂמְחָתִֽי׃
Ezéchiel 3.26 Psaumes 22.15 Lamentations 4.4 Philippiens 1.20 Matthieu 6.33
⁷ זְכֹ֤ר יְהוָ֨ה׀ לִבְנֵ֬י אֱדֹ֗ום אֵת֮ יֹ֤ום יְֽרוּשָׁ֫לִָ֥ם הָ֭אֹ֣מְרִים עָ֤רוּ׀ עָ֑רוּ עַ֝֗ד הַיְסֹ֥וד בָּֽהּ׃
Abdias 1.10-1.14 Ezéchiel 25.12-25.14 Jérémie 49.7-49.22 Lamentations 4.21-4.22 Esaïe 63.1-63.6
⁸ בַּת־בָּבֶ֗ל הַשְּׁד֫וּדָ֥ה אַשְׁרֵ֥י שֶׁיְשַׁלֶּם־לָ֑ךְ אֶת־גְּ֝מוּלֵ֗ךְ שֶׁגָּמַ֥לְתְּ לָֽנוּ׃
Apocalypse 18.6 Esaïe 13.1-13.22 Esaïe 14.4-14.24 Apocalypse 18.20 Esaïe 44.28
⁹ אַשְׁרֵ֤י׀ שֶׁיֹּאחֵ֓ז וְנִפֵּ֬ץ אֶֽת־עֹ֝לָלַ֗יִךְ אֶל־הַסָּֽלַע׃
Esaïe 13.16 Osée 13.16 2 Rois 8.12 Nahum 3.10 Osée 10.14