Jérémie 20.5
Vulgate

¹ et audivit Phassur filius Emmer sacerdos qui constitutus erat princeps in domo Domini Hieremiam prophetantem sermones istos
1 Chroniques 24.14 2 Rois 25.18 Esdras 2.37-2.38 2 Chroniques 35.8 Néhémie 7.40-7.41
² et percussit Phassur Hieremiam prophetam et misit eum in nervum quod erat in porta Beniamin superiori in domo Domini
Jérémie 37.13 Jérémie 1.19 2 Chroniques 16.10 Zacharie 14.10 Jérémie 29.26
³ cumque inluxisset in crastinum eduxit Phassur Hieremiam de nervo et dixit ad eum Hieremias non Phassur vocavit Dominus nomen tuum sed Pavorem undique
Jérémie 20.10 Psaumes 31.13 Jérémie 46.5 Esaïe 8.3 Jérémie 6.25
⁴ quia haec dicit Dominus ecce ego dabo te in pavorem te et omnes amicos tuos et corruent gladio inimicorum suorum et oculi tui videbunt et omnem Iudam dabo in manu regis Babylonis et traducet eos in Babylonem et percutiet eos gladio
Jérémie 29.21 Jérémie 21.4-21.10 Jérémie 25.9 Jérémie 39.6-39.7 Job 18.11-18.21
⁵ et dabo universam substantiam civitatis huius et omnem laborem eius omneque pretium et cunctos thesauros regum Iuda dabo in manu inimicorum eorum et diripient eos et tollent et ducent in Babylonem
Jérémie 15.13 Ezéchiel 22.25 Jérémie 17.3 2 Rois 25.13-25.17 Lamentations 1.10
⁶ tu autem Phassur et omnes habitatores domus tuae ibitis in captivitatem et in Babylonem venies et ibi morieris ibique sepelieris tu et omnes amici tui quibus prophetasti mendacium
Jérémie 14.14-14.15 Lamentations 2.14 Jérémie 20.4 Ezéchiel 22.28 Jérémie 29.21-29.22
⁷ seduxisti me Domine et seductus sum fortior me fuisti et invaluisti factus sum in derisum tota die omnes subsannant me
Lamentations 3.14 Psaumes 22.6-22.7 Ezéchiel 3.14 Psaumes 69.9-69.12 Nombres 11.11-11.15
⁸ quia iam olim loquor vociferans iniquitatem et vastitatem clamito et factus est mihi sermo Domini in obprobrium et in derisum tota die
Jérémie 6.10 2 Chroniques 36.16 Jérémie 18.16-18.17 Jérémie 20.7 Luc 11.45
⁹ et dixi non recordabor eius neque loquar ultra in nomine illius et factus est in corde meo quasi ignis exaestuans claususque in ossibus meis et defeci ferre non sustinens
Psaumes 39.3 Job 32.18-32.20 Actes 4.20 Ezéchiel 3.14 Jérémie 6.11
¹⁰ audivi enim contumelias multorum et terrorem in circuitu persequimini et persequamur eum ab omnibus viris qui erant pacifici mei et custodientes latus meum si quo modo decipiatur et praevaleamus adversus eum et consequamur ultionem ex eo
Psaumes 41.9 Psaumes 31.13 Esaïe 29.21 Jérémie 18.18 1 Rois 19.2
¹¹ Dominus autem mecum est quasi bellator fortis idcirco qui persequuntur me cadent et infirmi erunt confundentur vehementer quia non intellexerunt obprobrium sempiternum quod numquam delebitur
Jérémie 15.20 Jérémie 1.8 Jérémie 17.18 Jérémie 1.19 Psaumes 35.26
¹² et tu Domine exercituum probator iusti qui vides renes et cor videam quaeso ultionem tuam ex eis tibi enim revelavi causam meam
Jérémie 11.20 Psaumes 62.8 Psaumes 54.7 Psaumes 59.10 Jérémie 17.10
¹³ cantate Domino laudate Dominum quia liberavit animam pauperis de manu malorum
Psaumes 69.33 Psaumes 109.30-109.31 Psaumes 34.6 Esaïe 25.4 Psaumes 35.9-35.11
¹⁴ maledicta dies in qua natus sum dies in qua peperit me mater mea non sit benedicta
Jérémie 15.10 Job 3.3-3.16
¹⁵ maledictus vir qui adnuntiavit patri meo dicens natus est tibi puer masculus et quasi gaudio laetificavit eum
Luc 1.14 Genèse 21.5-21.6 Jérémie 1.5
¹⁶ sit homo ille ut sunt civitates quas subvertit Dominus et non paenituit eum audiat clamorem mane et ululatum in tempore meridiano
Jérémie 18.22 Jérémie 48.3-48.4 Deutéronome 29.23 Jonas 4.2 Jérémie 4.19
¹⁷ qui non me interfecit a vulva ut fieret mihi mater mea sepulchrum et vulva eius conceptus aeternus
Job 10.18-10.19 Job 3.10-3.11 Ecclésiaste 6.3 Job 3.16
¹⁸ quare de vulva egressus sum ut viderem laborem et dolorem et consumerentur in confusione dies mei
Job 3.20 Job 14.1 Lamentations 3.1 Psaumes 69.19 Psaumes 90.9-90.10