Esaïe 58
Vulgate

Le vrai jeûne

1 clama ne cesses quasi tuba exalta vocem tuam et adnuntia populo meo scelera eorum et domui Iacob peccata eorum
Michée 3.8-3.12 Actes 20.26-20.27 Matthieu 3.7-3.9 Apocalypse 14.9-14.10 Ezéchiel 22.2
2 me etenim de die in diem quaerunt et scire vias meas volunt quasi gens quae iustitiam fecerit et quae iudicium Dei sui non reliquerit rogant me iudicia iustitiae adpropinquare Deo volunt
Esaïe 29.13 Tite 1.16 Matthieu 15.7-15.9 Jacques 4.8 Marc 6.20
3 quare ieiunavimus et non aspexisti humiliavimus animam nostram et nescisti ecce in die ieiunii vestri invenitur voluntas et omnes debitores vestros repetitis
Malachie 3.14 Néhémie 5.7 Zacharie 7.5-7.7 Lévitique 16.29 Luc 18.9-18.12
4 ecce ad lites et contentiones ieiunatis et percutitis pugno impie nolite ieiunare sicut usque ad hanc diem ut audiatur in excelso clamor vester
Joël 2.13-2.14 Proverbes 21.27 1 Rois 21.9-21.13 Matthieu 23.13 Luc 20.47
5 numquid tale est ieiunium quod elegi per diem adfligere hominem animam suam numquid contorquere quasi circulum caput suum et saccum et cinerem sternere numquid istud vocabis ieiunium et diem acceptabilem Domino
Zacharie 7.5 Esaïe 49.8 Daniel 9.3-9.19 Job 2.8 Esaïe 61.2
6 nonne hoc est magis ieiunium quod elegi dissolve conligationes impietatis solve fasciculos deprimentes dimitte eos qui confracti sunt liberos et omne onus disrumpe
Néhémie 5.10-5.12 Esaïe 58.9 Jérémie 34.8-34.11 Michée 3.2-3.4 1 Timothée 6.1
7 frange esurienti panem tuum et egenos vagosque induc in domum tuam cum videris nudum operi eum et carnem tuam ne despexeris
Ezéchiel 18.7 Luc 3.11 Ezéchiel 18.16 Esaïe 58.10 1 Jean 3.17-3.18
8 tunc erumpet quasi mane lumen tuum et sanitas tua citius orietur et anteibit faciem tuam iustitia tua et gloria Domini colliget te
Jérémie 33.6 Psaumes 37.6 Esaïe 52.12 Actes 10.35 Malachie 4.2
9 tunc invocabis et Dominus exaudiet clamabis et dicet ecce adsum si abstuleris de medio tui catenam et desieris digitum extendere et loqui quod non prodest
Psaumes 50.15 Esaïe 65.24 Psaumes 12.2 Proverbes 6.13 Psaumes 91.15
10 cum effuderis esurienti animam tuam et animam adflictam repleveris orietur in tenebris lux tua et tenebrae tuae erunt sicut meridies
Esaïe 58.7-58.8 Job 11.17 Psaumes 37.6 Esaïe 42.16 Proverbes 14.31
11 et requiem tibi dabit Dominus semper et implebit splendoribus animam tuam et ossa tua liberabit et eris quasi hortus inriguus et sicut fons aquarum cuius non deficient aquae
Jérémie 31.12 Osée 13.5 Proverbes 11.25 Esaïe 49.10 Jean 4.14
12 et aedificabuntur in te deserta saeculorum fundamenta generationis et generationis suscitabis et vocaberis aedificator sepium avertens semitas in quietem
Esaïe 61.4 Amos 9.11 Amos 9.14 Néhémie 2.17 Néhémie 2.5
13 si averteris a sabbato pedem tuum facere voluntatem tuam in die sancto meo et vocaveris sabbatum delicatum et sanctum Domini gloriosum et glorificaveris eum dum non facis vias tuas et non invenitur voluntas tua ut loquaris sermonem
Psaumes 84.10 Jérémie 17.21-17.27 Psaumes 84.2 Psaumes 42.4 Apocalypse 1.10
14 tunc delectaberis super Domino et sustollam te super altitudines terrae et cibabo te hereditate Iacob patris tui os enim Domini locutum est
Deutéronome 32.13 Job 22.26 Esaïe 1.19-1.20 Esaïe 33.16 Esaïe 40.5