Nahum 3.2
Septante

Causes de la destruction de Ninive

¹ ὦ πόλις αἱμάτων ὅλη ψευδὴς ἀδικίας πλήρης οὐ ψηλαφηθήσεται θήρα.
Nahum 2.12 Sophonie 3.1-3.3 Ezéchiel 24.6-24.9 Habakuk 2.12 Osée 4.2
² φωνὴ μαστίγων καὶ φωνὴ σεισμοῦ τροχῶν καὶ ἵππου διώκοντος καὶ ἅρματος ἀναβράσσοντος.
Jérémie 47.3 Juges 5.22 Nahum 2.3-2.4 Job 39.22-39.25 Esaïe 9.5
³ καὶ ἱππέως ἀναβαίνοντος καὶ στιλβούσης ῥομφαίας καὶ ἐξαστραπτόντων ὅπλων καὶ πλήθους τραυματιῶν καὶ βαρείας πτώσεως καὶ οὐκ ἦν πέρας τοῖς ἔθνεσιν αὐτῆς καὶ ἀσθενήσουσιν ἐν τοῖς σώμασιν αὐτῶν.
Habakuk 3.11 Esaïe 37.36 Ezéchiel 39.4 Nahum 2.4 2 Rois 19.35
⁴ ἀπὸ πλήθους πορνείας πόρνη καλὴ καὶ ἐπιχαρὴς ἡγουμένη φαρμάκων ἡ πωλοῦσα ἔθνη ἐν τῇ πορνείᾳ αὐτῆς καὶ φυλὰς ἐν τοῖς φαρμάκοις αὐτῆς.
Esaïe 47.9 Esaïe 47.12-47.13 Ezéchiel 16.25-16.29 Apocalypse 18.2-18.3 Esaïe 23.15-23.17
⁵ ἰδοῦ ἐγὼ ἐπὶ σέ λέγει κύριος ὁ θεὸς ὁ παντοκράτωρ καὶ ἀποκαλύψω τὰ ὀπίσω σου ἐπὶ τὸ πρόσωπόν σου καὶ δείξω ἔθνεσιν τὴν αἰσχύνην σου καὶ βασιλείαις τὴν ἀτιμίαν σου.
Nahum 2.13 Jérémie 13.26 Jérémie 13.22 Ezéchiel 16.37 Esaïe 47.2-47.3
⁶ καὶ ἐπιρρίψω ἐπὶ σὲ βδελυγμὸν κατὰ τὰς ἀκαθαρσίας σου καὶ θήσομαί σε εἰς παράδειγμα.
Job 9.31 Jérémie 51.37 Malachie 2.9 Hébreux 10.33 1 Corinthiens 4.9
⁷ καὶ ἔσται πᾶς ὁ ὁρῶν σε ἀποπηδήσεται ἀπὸ σοῦ καὶ ἐρεῖ Δειλαία Νινευη τίς στενάξει αὐτήν πόθεν ζητήσω παράκλησιν αὐτῇ.
Esaïe 51.19 Jérémie 15.5 Jérémie 51.9 Apocalypse 18.10 Lamentations 2.13
⁸ ἑτοίμασαι μερίδα ἅρμοσαι χορδήν ἑτοίμασαι μερίδα Αμων ἡ κατοικοῦσα ἐν ποταμοῖς ὕδωρ κύκλῳ αὐτῆς ἧς ἡ ἀρχὴ θάλασσα καὶ ὕδωρ τὰ τείχη αὐτῆς.
Amos 6.2 Ezéchiel 30.14-30.16 Esaïe 19.5-19.10 Ezéchiel 31.2-31.3 Jérémie 46.25-46.26
⁹ καὶ Αἰθιοπία ἡ ἰσχὺς αὐτῆς καὶ Αἴγυπτος καὶ οὐκ ἔστιν πέρας τῆς φυγῆς καὶ Λίβυες ἐγένοντο βοηθοὶ αὐτῆς.
Ezéchiel 30.5 Ezéchiel 27.10 2 Chroniques 12.3 Esaïe 20.5 Genèse 10.6
¹⁰ καὶ αὐτὴ εἰς μετοικεσίαν πορεύσεται αἰχμάλωτος καὶ τὰ νήπια αὐτῆς ἐδαφιοῦσιν ἐπ’ ἀρχὰς πασῶν τῶν ὁδῶν αὐτῆς καὶ ἐπὶ πάντα τὰ ἔνδοξα αὐτῆς βαλοῦσιν κλήρους καὶ πάντες οἱ μεγιστᾶνες αὐτῆς δεθήσονται χειροπέδαις.
Esaïe 20.4 Abdias 1.11 Osée 13.16 Joël 3.3 Esaïe 13.16
¹¹ καὶ σὺ μεθυσθήσῃ καὶ ἔσῃ ὑπερεωραμένη καὶ σὺ ζητήσεις σεαυτῇ στάσιν ἐξ ἐχθρῶν.
Esaïe 2.10 Esaïe 49.26 Apocalypse 6.15-6.17 Nahum 1.10 Psaumes 75.8
¹² πάντα τὰ ὀχυρώματά σου συκαῖ σκοποὺς ἔχουσαι ἐὰν σαλευθῶσιν καὶ πεσοῦνται εἰς στόμα ἔσθοντος.
Apocalypse 6.13 Habakuk 1.10 Esaïe 28.4
¹³ ἰδοὺ ὁ λαός σου ὡς γυναῖκες ἐν σοί τοῖς ἐχθροῖς σου ἀνοιγόμεναι ἀνοιχθήσονται πύλαι τῆς γῆς σου καὶ καταφάγεται πῦρ τοὺς μοχλούς σου.
Jérémie 51.30 Esaïe 19.16 Jérémie 50.37 Nahum 2.6 Esaïe 45.1-45.2
¹⁴ ὕδωρ περιοχῆς ἐπίσπασαι σεαυτῇ καὶ κατακράτησον τῶν ὀχυρωμάτων σου ἔμβηθι εἰς πηλὸν καὶ συμπατήθητι ἐν ἀχύροις κατακράτησον ὑπὲρ πλίνθον.
Nahum 2.1 2 Chroniques 32.3-32.4 Esaïe 8.9 Esaïe 22.9-22.11 2 Chroniques 32.11
¹⁵ ἐκεῖ καταφάγεταί σε πῦρ ἐξολεθρεύσει σε ῥομφαία καταφάγεταί σε ὡς ἀκρίς καὶ βαρυνθήσῃ ὡς βροῦχος.
Joël 1.4 Nahum 2.13 Nahum 3.13 Joël 2.25 Sophonie 2.13
¹⁶ ἐπλήθυνας τὰς ἐμπορίας σου ὑπὲρ τὰ ἄστρα τοῦ οὐρανοῦ βροῦχος ὥρμησεν καὶ ἐξεπετάσθη.
Genèse 15.5 Néhémie 9.23 Jérémie 33.22 Genèse 22.17
¹⁷ ἐξήλατο ὡς ἀττέλεβος ὁ σύμμικτός σου ὡς ἀκρὶς ἐπιβεβηκυῖα ἐπὶ φραγμὸν ἐν ἡμέραις πάγους ὁ ἥλιος ἀνέτειλεν καὶ ἀφήλατο καὶ οὐκ ἔγνω τὸν τόπον αὐτῆς οὐαὶ αὐτοῖς.
Jérémie 51.27 Apocalypse 9.7
¹⁸ ἐνύσταξαν οἱ ποιμένες σου βασιλεὺς Ἀσσύριος ἐκοίμισεν τοὺς δυνάστας σου ἀπῆρεν ὁ λαός σου ἐπὶ τὰ ὄρη καὶ οὐκ ἦν ὁ ἐκδεχόμενος.
1 Rois 22.17 Psaumes 76.5-76.6 Jérémie 50.18 Jérémie 51.57 Esaïe 13.14
¹⁹ οὐκ ἔστιν ἴασις τῇ συντριβῇ σου ἐφλέγμανεν ἡ πληγή σου πάντες οἱ ἀκούοντες τὴν ἀγγελίαν σου κροτήσουσιν χεῖρας ἐπὶ σέ διότι ἐπὶ τίνα οὐκ ἐπῆλθεν ἡ κακία σου διὰ παντός.
Michée 1.9 Lamentations 2.15 Job 27.23 Esaïe 37.18 Jérémie 46.11