Psaumes 40.8
Biblia Hebraica Stuttgartensia

Louange à Dieu pour son intervention

¹ לַ֝מְנַצֵּ֗חַ לְדָוִ֥ד מִזְמֹֽור׃
Psaumes 37.7 Psaumes 27.13-27.14 Jacques 5.7-5.11 Daniel 9.18 Psaumes 130.2
² (40.1) קַוֹּ֣ה קִוִּ֣יתִי יְהוָ֑ה וַיֵּ֥ט אֵ֝לַ֗י וַיִּשְׁמַ֥ע שַׁוְעָתִֽי׃
Psaumes 27.5 Psaumes 69.2 Psaumes 37.23 Actes 2.27-2.31 Matthieu 13.50
³ (40.2) וַיַּעֲלֵ֤נִי׀ מִבֹּ֥ור שָׁאֹון֮ מִטִּ֪יט הַיָּ֫וֵ֥ן וַיָּ֖קֶם עַל־סֶ֥לַע רַגְלַ֗י כֹּונֵ֥ן אֲשֻׁרָֽי׃
Psaumes 33.3 Psaumes 52.6 Apocalypse 14.3 Actes 4.4 Psaumes 34.1-34.6
⁴ (40.3) וַיִּתֵּ֬ן בְּפִ֨י׀ שִׁ֥יר חָדָשׁ֮ תְּהִלָּ֪ה לֵֽאלֹ֫הֵ֥ינוּ יִרְא֣וּ רַבִּ֣ים וְיִירָ֑אוּ וְ֝יִבְטְח֗וּ בַּיהוָֽה׃
Psaumes 34.8 Psaumes 125.5 Psaumes 118.8-118.9 Psaumes 2.12 Psaumes 119.21
⁵ (40.4) אַ֥שְֽׁרֵי הַגֶּ֗בֶר אֲשֶׁר־שָׂ֣ם יְ֭הֹוָה מִבְטַחֹ֑ו וְֽלֹא־פָנָ֥ה אֶל־רְ֝הָבִ֗ים וְשָׂטֵ֥י כָזָֽב׃
Psaumes 139.17-139.18 Psaumes 71.15 Exode 15.11 Psaumes 136.4 Jérémie 29.11
⁶ (40.5) רַבֹּ֤ות עָשִׂ֨יתָ׀ אַתָּ֤ה׀ יְהוָ֣ה אֱלֹהַי֮ נִֽפְלְאֹתֶ֥יךָ וּמַחְשְׁבֹתֶ֗יךָ אֵ֫לֵ֥ינוּ אֵ֤ין׀ עֲרֹ֬ךְ אֵלֶ֗יךָ אַגִּ֥ידָה וַאֲדַבֵּ֑רָה עָ֝צְמ֗וּ מִסַּפֵּֽר׃
Psaumes 51.16 1 Samuel 15.22 Hébreux 10.5-10.12 Esaïe 1.11 Job 33.16
⁷ (40.6) זֶ֤בַח וּמִנְחָ֨ה׀ לֹֽא־חָפַ֗צְתָּ אָ֭זְנַיִם כָּרִ֣יתָ לִּ֑י עֹולָ֥ה וַ֝חֲטָאָ֗ה לֹ֣א שָׁאָֽלְתָּ׃
Hébreux 10.7-10.9 Luc 24.44 Jean 5.39 Luc 24.27 1 Corinthiens 15.3-15.4
⁸ (40.7) אָ֣ז אָ֭מַרְתִּי הִנֵּה־בָ֑אתִי בִּמְגִלַּת־סֵ֝֗פֶר כָּת֥וּב עָלָֽי׃
Jean 4.34 Jérémie 31.33 Psaumes 119.24 Psaumes 119.47 Romains 7.22
⁹ (40.8) לַֽעֲשֹֽׂות־רְצֹונְךָ֣ אֱלֹהַ֣י חָפָ֑צְתִּי וְ֝תֹֽורָתְךָ֗ בְּתֹ֣וךְ מֵעָֽי׃
Psaumes 119.13 Psaumes 22.25 Psaumes 22.22 Hébreux 2.12 Luc 4.16-4.22
¹⁰ (40.9) בִּשַּׂ֤רְתִּי צֶ֨דֶק׀ בְּקָ֘הָ֤ל רָ֗ב הִנֵּ֣ה שְׂ֭פָתַי לֹ֣א אֶכְלָ֑א יְ֝הוָ֗ה אַתָּ֥ה יָדָֽעְתָּ׃
Romains 15.8-15.9 Romains 1.16-1.17 1 Thessaloniciens 1.8 Romains 10.3 Apocalypse 22.17
¹¹ (40.10) צִדְקָתְךָ֬ לֹא־כִסִּ֨יתִי׀ בְּתֹ֬וךְ לִבִּ֗י אֱמוּנָתְךָ֣ וּתְשׁוּעָתְךָ֣ אָמָ֑רְתִּי לֹא־כִחַ֥דְתִּי חַסְדְּךָ֥ וַ֝אֲמִתְּךָ֗ לְקָהָ֥ל רָֽב׃
Psaumes 43.3 Psaumes 57.3 Psaumes 61.7 Proverbes 20.28 Psaumes 23.6
¹² (40.11) אַתָּ֤ה יְהוָ֗ה לֹא־תִכְלָ֣א רַחֲמֶ֣יךָ מִמֶּ֑נִּי חַסְדְּךָ֥ וַ֝אֲמִתְּךָ֗ תָּמִ֥יד יִצְּרֽוּנִי׃
Psaumes 69.4 Psaumes 38.4 Psaumes 73.26 Psaumes 116.3 Psaumes 19.12
¹³ (40.12) כִּ֤י אָפְפ֥וּ־עָלַ֨י׀ רָעֹ֡ות עַד־אֵ֬ין מִסְפָּ֗ר הִשִּׂיג֣וּנִי עֲ֭וֹנֹתַי וְלֹא־יָכֹ֣לְתִּי לִרְאֹ֑ות עָצְמ֥וּ מִשַּֽׂעֲרֹ֥ות רֹ֝אשִׁ֗י וְלִבִּ֥י עֲזָבָֽנִי׃
Psaumes 38.22 Psaumes 70.1-70.5 Matthieu 26.36-26.44 Psaumes 25.17-25.18 Psaumes 22.19
¹⁴ (40.13) רְצֵ֣ה יְ֭הוָה לְהַצִּילֵ֑נִי יְ֝הוָ֗ה לְעֶזְרָ֥תִי חֽוּשָׁה׃
Psaumes 35.4 Psaumes 35.26 Psaumes 71.13 Actes 12.23-12.24 Esaïe 41.11
¹⁵ (40.14) יֵ֘בֹ֤שׁוּ וְיַחְפְּר֨וּ׀ יַחַד֮ מְבַקְשֵׁ֥י נַפְשִׁ֗י לִסְפֹּ֫ותָ֥הּ יִסֹּ֣גוּ אָ֭חֹור וְיִכָּלְמ֑וּ חֲ֝פֵצֵ֗י רָעָתִֽי׃
Psaumes 35.21 Psaumes 35.25 Psaumes 69.24-69.25 Psaumes 73.19 Luc 19.43-19.44
¹⁶ (40.15) יָ֭שֹׁמּוּ עַל־עֵ֣קֶב בָּשְׁתָּ֑ם הָאֹמְרִ֥ים לִ֝֗י הֶאָ֥ח׀ הֶאָֽח׃
Psaumes 35.27 Psaumes 105.3 Psaumes 119.123 Psaumes 22.26 Esaïe 65.13-65.14
¹⁷ (40.16) יָ֘שִׂ֤ישׂוּ וְיִשְׂמְח֨וּ׀ בְּךָ֗ כָּֽל־מְבַ֫קְשֶׁ֥יךָ יֹאמְר֣וּ תָ֭מִיד יִגְדַּ֣ל יְהוָ֑ה אֹֽ֝הֲבֵ֗י תְּשׁוּעָתֶֽךָ׃
Psaumes 70.5 Esaïe 41.17 Psaumes 40.5 Psaumes 34.6 1 Pierre 5.7
¹⁸ (40.17) וַאֲנִ֤י׀ עָנִ֣י וְאֶבְיֹון֮ אֲדֹנָ֪י יַחֲשָׁ֫ב לִ֥י עֶזְרָתִ֣י וּמְפַלְטִ֣י אַ֑תָּה אֱ֝לֹהַ֗י אַל־תְּאַחַֽר׃