Psaumes 16.3
Biblia Hebraica Stuttgartensia

Récompense et certitude du juste

¹ מִכְתָּ֥ם לְדָוִ֑ד שָֽׁמְרֵ֥נִי אֵ֝֗ל כִּֽי־חָסִ֥יתִי בָֽךְ׃
Psaumes 56.1 Psaumes 17.8 Psaumes 84.12 Psaumes 97.10 Psaumes 37.28
² אָמַ֣רְתְּ לַֽ֭יהוָה אֲדֹנָ֣י אָ֑תָּה טֹ֝ובָתִ֗י בַּל־עָלֶֽיךָ׃
Zacharie 13.9 Psaumes 31.14 Psaumes 91.2 Psaumes 73.25 Esaïe 44.5
³ לִ֭קְדֹושִׁים אֲשֶׁר־בָּאָ֣רֶץ הֵ֑מָּה וְ֝אַדִּירֵ֗י כָּל־חֶפְצִי־בָֽם׃
Tite 3.8 Hébreux 6.10 Malachie 3.17 Proverbes 13.20 Psaumes 30.4
⁴ יִרְבּ֥וּ עַצְּבֹותָם֮ אַחֵ֪ר מָ֫הָ֥רוּ בַּל־אַסִּ֣יךְ נִסְכֵּיהֶ֣ם מִדָּ֑ם וּֽבַל־אֶשָּׂ֥א אֶת־שְׁ֝מֹותָ֗ם עַל־שְׂפָתָֽי׃
Exode 23.13 Josué 23.7 Psaumes 32.10 Jonas 2.8 Esaïe 65.11
⁵ יְֽהוָ֗ה מְנָת־חֶלְקִ֥י וְכֹוסִ֑י אַ֝תָּ֗ה תֹּומִ֥יךְ גֹּורָלִֽי׃
Psaumes 73.26 Psaumes 23.5 Lamentations 3.24 Psaumes 142.5 Psaumes 119.57
⁶ חֲבָלִ֣ים נָֽפְלוּ־לִ֭י בַּנְּעִמִ֑ים אַף־נַ֝חֲלָ֗ת שָֽׁפְרָ֥ה עָלָֽי׃
Jérémie 3.19 Psaumes 78.55 Jean 20.17 1 Corinthiens 3.21-3.23 Hébreux 12.2
⁷ אֲבָרֵ֗ךְ אֶת־יְ֭הוָה אֲשֶׁ֣ר יְעָצָ֑נִי אַף־לֵ֝ילֹ֗ות יִסְּר֥וּנִי כִלְיֹותָֽי׃
Psaumes 42.8 Psaumes 73.24 Psaumes 77.6 Psaumes 17.3 Esaïe 48.17
⁸ שִׁוִּ֬יתִי יְהוָ֣ה לְנֶגְדִּ֣י תָמִ֑יד כִּ֥י מִֽ֝ימִינִ֗י בַּל־אֶמֹּֽוט׃
Actes 2.25-2.28 Psaumes 110.5 Psaumes 121.5 Psaumes 73.23 Psaumes 73.26
⁹ לָכֵ֤ן׀ שָׂמַ֣ח לִ֭בִּי וַיָּ֣גֶל כְּבֹודִ֑י אַף־בְּ֝שָׂרִ֗י יִשְׁכֹּ֥ן לָבֶֽטַח׃
Psaumes 30.12 Psaumes 57.8 Psaumes 108.1 Jacques 3.5-3.9 Psaumes 4.7-4.8
¹⁰ כִּ֤י׀ לֹא־תַעֲזֹ֣ב נַפְשִׁ֣י לִשְׁאֹ֑ול לֹֽא־תִתֵּ֥ן חֲ֝סִידְךָ֗ לִרְאֹ֥ות שַֽׁחַת׃
Psaumes 49.15 Actes 13.35-13.38 Apocalypse 1.18 Apocalypse 20.13 Actes 2.27-2.31
¹¹ תֹּֽודִיעֵנִי֮ אֹ֤רַח חַ֫יִּ֥ים שֹׂ֣בַע שְׂ֭מָחֹות אֶת־פָּנֶ֑יךָ נְעִמֹ֖ות בִּימִינְךָ֣ נֶֽצַח׃
Actes 2.28 Apocalypse 7.15-7.17 Psaumes 21.4-21.6 Psaumes 36.7-36.8 Psaumes 17.15