La Bible Bible en Swahili de l’est

Chapitre 114 Chapitre 116

À Dieu seul la gloire

¹ Ee Bwana, kutukuza usitutukuze sisi, Bali ulitukuze jina lako, Kwa ajili ya fadhili zako, Kwa ajili ya uaminifu wako.
² Kwa nini mataifa kusema, Yuko wapi Mungu wao?
³ Lakini Mungu wetu yuko mbinguni, Alitakalo lote amelitenda.
⁴ Sanamu zao ni fedha na dhahabu, Kazi ya mikono ya wanadamu.
⁵ Zina vinywa lakini hazisemi, Zina macho lakini hazioni,
⁶ Zina masikio lakini hazisikii, Zina pua lakini hazisikii harufu,
⁷ Mikono lakini hazishiki, miguu lakini haziendi, Wala hazitoi sauti kwa koo zake.
⁸ Wazifanyao watafanana nazo, Kila mmoja anayezitumainia.
⁹ Enyi Israeli, mtumainini Bwana; Yeye ni msaada wao na ngao yao.
¹⁰ Enyi mlango wa Haruni, mtumainini Bwana; Yeye ni msaada wao na ngao yao.
¹¹ Enyi mmchao Bwana, mtumainini Bwana; Yeye ni msaada wao na ngao yao.
¹² Bwana ametukumbuka, Naye atatubariki sisi. Ataubariki mlango wa Israeli, Ataubariki mlango wa Haruni,
¹³ Atawabariki wamchao Bwana, Wadogo kwa wakubwa.
¹⁴ Bwana na awaongeze ninyi, Ninyi na watoto wenu.
¹⁵ Na mbarikiwe ninyi na Bwana, Aliyezifanya mbingu na nchi.
¹⁶ Mbingu ni mbingu za Bwana, Bali nchi amewapa wanadamu.
¹⁷ Sio wafu wamsifuo Bwana, Wala wo wote washukao kwenye kimya;
¹⁸ Bali sisi tutamhimidi Bwana, Tangu leo na hata milele.