Deutéronome 4.43
Vulgate

Appel à découvrir la sagesse de la loi

¹ et nunc Israhel audi praecepta et iudicia quae ego doceo te ut faciens ea vivas et ingrediens possideas terram quam Dominus Deus patrum vestrorum daturus est vobis
Deutéronome 8.1 Romains 10.5 Ezéchiel 20.11 Lévitique 18.5 Lévitique 19.37
² non addetis ad verbum quod vobis loquor neque auferetis ex eo custodite mandata Domini Dei vestri quae ego praecipio vobis
Deutéronome 12.32 Proverbes 30.6 Apocalypse 22.18-22.19 Josué 1.7 Galates 3.15
³ oculi vestri viderunt omnia quae fecit Dominus contra Beelphegor quomodo contriverit omnes cultores eius de medio vestri
Nombres 25.1-25.9 Psaumes 106.28-106.29 Josué 22.17 Nombres 31.16 Nombres 26.64
⁴ vos autem qui adheretis Domino Deo vestro vivitis universi usque in praesentem diem
Actes 11.23 Josué 23.8 Deutéronome 13.4 Josué 22.5 Ezéchiel 9.4
⁵ scitis quod docuerim vos praecepta atque iustitias sicut mandavit mihi Dominus Deus meus sic facietis ea in terra quam possessuri estis
1 Corinthiens 11.28 Matthieu 28.20 1 Thessaloniciens 4.1-4.2 Actes 20.27 1 Corinthiens 15.3
⁶ et observabitis et implebitis opere haec est enim vestra sapientia et intellectus coram populis ut audientes universa praecepta haec dicant en populus sapiens et intellegens gens magna
Job 28.28 Proverbes 1.7 Psaumes 111.10 Psaumes 19.7 2 Timothée 3.15
⁷ nec est alia natio tam grandis quae habeat deos adpropinquantes sibi sicut Dominus Deus noster adest cunctis obsecrationibus nostris
Psaumes 145.18 2 Samuel 7.23 Psaumes 34.18 Psaumes 148.14 Psaumes 46.1
⁸ quae est enim alia gens sic inclita ut habeat caerimonias iustaque iudicia et universam legem quam ego proponam hodie ante oculos vestros
Psaumes 147.19-147.20 2 Timothée 3.16-3.17 Psaumes 119.127-119.128 Psaumes 19.7-19.11 Deutéronome 10.12-10.13
⁹ custodi igitur temet ipsum et animam tuam sollicite ne obliviscaris verborum quae viderunt oculi tui et ne excedant de corde tuo cunctis diebus vitae tuae docebis ea filios ac nepotes tuos
Deutéronome 6.7 Deutéronome 11.19 Genèse 18.19 Deutéronome 32.46 Ephésiens 6.4
¹⁰ diem in quo stetisti coram Domino Deo tuo in Horeb quando Dominus locutus est mihi dicens congrega ad me populum ut audiat sermones meos et discat timere me omni tempore quo vivit in terra doceantque filios suos
Exode 19.9 Exode 19.16 Hébreux 12.18-12.19 Ecclésiaste 12.13 Deutéronome 14.23
¹¹ et accessistis ad radices montis qui ardebat usque ad caelum erantque in eo tenebrae nubes et caligo
Deutéronome 5.23 Exode 19.16-19.18 Hébreux 12.18-12.19 Exode 20.18-20.19
¹² locutusque est Dominus ad vos de medio ignis vocem verborum eius audistis et formam penitus non vidistis
Exode 20.22 Deutéronome 5.4 Deutéronome 5.22 Deutéronome 4.15 Deutéronome 4.36
¹³ et ostendit vobis pactum suum quod praecepit ut faceretis et decem verba quae scripsit in duabus tabulis lapideis
Exode 34.28 Exode 24.12 Exode 31.18 Deutéronome 10.1-10.5 2 Corinthiens 3.7
¹⁴ mihique mandavit in illo tempore ut docerem vos caerimonias et iudicia quae facere deberetis in terra quam possessuri estis
Psaumes 105.44-105.45 Ezéchiel 21.1-21.23
¹⁵ custodite igitur sollicite animas vestras non vidistis aliquam similitudinem in die qua locutus est Dominus vobis in Horeb de medio ignis
Josué 23.11 Esaïe 40.18 Deutéronome 4.12 1 Chroniques 28.9-28.10 Psaumes 119.9
¹⁶ ne forte decepti faciatis vobis sculptam similitudinem aut imaginem masculi vel feminae
Deutéronome 5.8 Exode 32.7 Actes 17.29 Deutéronome 4.23 Exode 20.4-20.5
¹⁷ similitudinem omnium iumentorum quae sunt super terram vel avium sub caelo volantium
Romains 1.23
¹⁸ atque reptilium quae moventur in terra sive piscium qui sub terra morantur in aquis
¹⁹ ne forte oculis elevatis ad caelum videas solem et lunam et omnia astra caeli et errore deceptus adores ea et colas quae creavit Dominus Deus tuus in ministerium cunctis gentibus quae sub caelo sunt
2 Rois 21.3 2 Rois 17.16 Deutéronome 17.3 Genèse 2.1 Romains 1.25
²⁰ vos autem tulit Dominus et eduxit de fornace ferrea Aegypti ut haberet populum hereditarium sicut est in praesenti die
1 Rois 8.51 Jérémie 11.4 Deutéronome 9.29 Tite 2.14 Exode 19.5-19.6
²¹ iratusque est Dominus contra me propter sermones vestros et iuravit ut non transirem Iordanem nec ingrederer terram optimam quam daturus est vobis
Deutéronome 1.37 Nombres 20.12 Psaumes 106.32-106.33 Deutéronome 31.2 Deutéronome 3.26
²² ecce morior in hac humo non transibo Iordanem vos transibitis et possidebitis terram egregiam
Deutéronome 3.25 Deutéronome 3.27 2 Pierre 1.13-1.15 Hébreux 12.6-12.10 1 Rois 13.21-13.22
²³ cave nequando obliviscaris pacti Domini Dei tui quod pepigit tecum et facias tibi sculptam similitudinem eorum quae fieri Dominus prohibuit
Deutéronome 4.9 Josué 23.16 Luc 21.8 Deutéronome 31.20 Esaïe 24.5
²⁴ quia Dominus Deus tuus ignis consumens est Deus aemulator
Hébreux 12.29 Exode 24.17 Deutéronome 9.3 Exode 20.5 Deutéronome 6.15
²⁵ si genueritis filios ac nepotes et morati fueritis in terra deceptique feceritis vobis aliquam similitudinem patrantes malum coram Domino Deo vestro ut eum ad iracundiam provocetis
Deutéronome 4.16 2 Chroniques 36.12-36.16 2 Rois 17.17-17.19 1 Corinthiens 10.22 Exode 32.7
²⁶ testes invoco hodie caelum et terram cito perituros vos esse de terra quam transito Iordane possessuri estis non habitabitis in ea longo tempore sed delebit vos Dominus
Michée 6.2 Deutéronome 32.1 Deutéronome 31.28 Deutéronome 30.18-30.19 Esaïe 1.2
²⁷ atque disperget in omnes gentes et remanebitis pauci in nationibus ad quas vos ducturus est Dominus
Lévitique 26.33 Deutéronome 28.62-28.64 Néhémie 1.3 Ezéchiel 32.26 Ezéchiel 12.15
²⁸ ibique servietis diis qui hominum manu fabricati sunt ligno et lapidi qui non vident non audiunt non comedunt non odorantur
Deutéronome 28.36 Jérémie 16.13 Deutéronome 28.64 1 Samuel 26.19 Esaïe 46.7
²⁹ cumque quaesieris ibi Dominum Deum tuum invenies eum si tamen toto corde quaesieris et tota tribulatione animae tuae
2 Chroniques 15.4 Esaïe 55.6-55.7 Jérémie 29.12-29.14 Psaumes 119.2 Deutéronome 30.10
³⁰ postquam te invenerint omnia quae praedicta sunt novissimo tempore reverteris ad Dominum Deum tuum et audies vocem eius
Deutéronome 31.29 Jérémie 23.20 Osée 3.5 Joël 2.12-2.13 Genèse 49.1
³¹ quia Deus misericors Dominus Deus tuus est non dimittet te nec omnino delebit neque obliviscetur pacti in quo iuravit patribus tuis
Lévitique 26.42 Jonas 4.2 Deutéronome 31.8 2 Chroniques 30.9 Psaumes 116.5
³² interroga de diebus antiquis qui fuerunt ante te ex die quo creavit Deus hominem super terram a summo caeli usque ad summum eius si facta est aliquando huiuscemodi res aut umquam cognitum est
Job 8.8 Matthieu 24.31 Deutéronome 30.4 Marc 13.27 Deutéronome 32.7
³³ ut audiret populus vocem Dei loquentis de medio ignis sicut tu audisti et vixisti
Deutéronome 5.24 Juges 6.22 Exode 33.20 Deutéronome 5.26 Exode 24.11
³⁴ si fecit Deus ut ingrederetur et tolleret sibi gentem de medio nationum per temptationes signa atque portenta per pugnam et robustam manum extentumque brachium et horribiles visiones iuxta omnia quae fecit pro vobis Dominus Deus vester in Aegypto videntibus oculis tuis
Deutéronome 26.8 Deutéronome 7.19 Deutéronome 5.15 Exode 6.6 Deutéronome 7.8-7.9
³⁵ ut scires quoniam Dominus ipse est Deus et non est alius praeter unum
Esaïe 45.5 Esaïe 45.18 1 Samuel 2.2 Esaïe 44.8 Marc 12.32
³⁶ de caelo te fecit audire vocem suam ut doceret te et in terra ostendit tibi ignem suum maximum et audisti verba illius de medio ignis
Exode 19.9 Exode 19.19 Deutéronome 4.33 Néhémie 9.13 Hébreux 12.25
³⁷ quia dilexit patres tuos et elegit semen eorum post eos eduxitque te praecedens in virtute sua magna ex Aegypto
Deutéronome 10.15 Exode 13.14 Exode 13.3 Exode 13.9 Luc 1.72-1.73
³⁸ ut deleret nationes maximas et fortiores te in introitu tuo et introduceret te daretque tibi terram earum in possessionem sicut cernis in praesenti die
Deutéronome 7.1 Exode 23.27-23.28 Deutéronome 9.1-9.5 Deutéronome 11.23 Psaumes 44.2-44.3
³⁹ scito ergo hodie et cogitato in corde tuo quod Dominus ipse sit Deus in caelo sursum et in terra deorsum et non sit alius
Deutéronome 4.35 Josué 2.11 2 Chroniques 20.6 1 Chroniques 28.9 Psaumes 135.6
⁴⁰ custodi praecepta eius atque mandata quae ego praecipio tibi ut bene sit tibi et filiis tuis post te et permaneas multo tempore super terram quam Dominus Deus tuus daturus est tibi
Deutéronome 5.16 Lévitique 22.31 Deutéronome 6.3 Deutéronome 12.28 Deutéronome 12.25
⁴¹ tunc separavit Moses tres civitates trans Iordanem ad orientalem plagam
Nombres 35.6 Nombres 35.14-35.15 Josué 20.2-20.9
⁴² ut confugiat ad eas qui occiderit nolens proximum suum nec fuerit inimicus ante unum et alterum diem et ad harum aliquam urbium possit evadere
Nombres 35.11-35.12 Nombres 35.6 Nombres 35.15-35.28 Deutéronome 19.1-19.10 Hébreux 6.18
⁴³ Bosor in solitudine quae sita est in terra campestri de tribu Ruben et Ramoth in Galaad quae est in tribu Gad et Golam in Basan quae est in tribu Manasse
Josué 20.8 1 Rois 4.13 1 Chroniques 6.71 Josué 21.38 Josué 21.27

Rappel des dix commandements

⁴⁴ ista est lex quam proposuit Moses coram filiis Israhel
Malachie 4.4 Deutéronome 17.18-17.19 Nombres 36.13 Deutéronome 27.26 Deutéronome 33.4
⁴⁵ et haec testimonia et caerimoniae atque iudicia quae locutus est ad filios Israhel quando egressi sunt de Aegypto
Deutéronome 6.17 Psaumes 119.22 1 Rois 2.3 Psaumes 119.111 Psaumes 119.7
⁴⁶ trans Iordanem in valle contra fanum Phogor in terra Seon regis Amorrei qui habitavit in Esebon quem percussit Moses filii quoque Israhel egressi ex Aegypto
Deutéronome 3.29 Deutéronome 1.4-1.5 Deutéronome 2.30-2.36 Deutéronome 3.8 Nombres 32.19
⁴⁷ possederunt terram eius et terram Og regis Basan duorum regum Amorreorum qui erant trans Iordanem ad solis ortum
Deutéronome 3.1-3.14 Nombres 21.33-21.35 Deutéronome 29.7-29.8
⁴⁸ ab Aroer quae sita est super ripam torrentis Arnon usque ad montem Sion qui est et Hermon
Deutéronome 3.9 Deutéronome 2.36 Psaumes 133.3 Deutéronome 3.12 Josué 13.24-13.33
⁴⁹ omnem planitiem trans Iordanem ad orientalem plagam usque ad mare Solitudinis et usque ad radices montis Phasga
Deutéronome 3.17 Josué 13.20 Deutéronome 34.1