Ezéchiel 27.9
Vulgate

¹ et factum est verbum Domini ad me dicens
² tu ergo fili hominis adsume super Tyrum lamentum
Jérémie 9.10 Jérémie 9.17-9.20 Ezéchiel 28.12 Ezéchiel 19.1 Amos 5.1
³ et dices Tyro quae habitat in introitu maris negotiationi populorum ad insulas multas haec dicit Dominus Deus o Tyre tu dixisti perfecti decoris ego sum
Ezéchiel 27.4 Esaïe 23.2-23.3 Psaumes 50.2 Ezéchiel 28.2-28.3 Esaïe 23.11
⁴ et in corde maris sita finitimi tui qui te aedificaverunt impleverunt decorem tuum
Ezéchiel 26.5
⁵ abietibus de Sanir extruxerunt te cum omnibus tabulatis maris cedrum de Libano tulerunt ut facerent tibi malum
Deutéronome 3.9 Cantique 4.8 Psaumes 29.5 Psaumes 104.16 Psaumes 92.12
⁶ quercus de Basan dolaverunt in remos tuos transtra tua fecerunt tibi ex ebore indico et praetoriola de insulis Italiae
Genèse 10.4 Esaïe 2.13 Zacharie 11.2 Jérémie 2.10 Jérémie 22.20
⁷ byssus varia de Aegypto texta est tibi in velum ut poneretur in malo hyacinthus et purpura de insulis Elisa facta sunt operimentum tuum
Jérémie 10.9 Exode 25.4 Genèse 10.4 1 Rois 10.28 1 Chroniques 1.7
⁸ habitatores Sidonis et Aradii fuerunt remiges tui sapientes tui Tyre facti sunt gubernatores tui
Genèse 10.18 1 Rois 9.27 Ezéchiel 27.11 Ezéchiel 27.28 Josué 11.8
⁹ senes Bibli et prudentes eius habuerunt nautas ad ministerium variae supellectilis tuae omnes naves maris et nautae earum fuerunt in populo negotiationis tuae
1 Rois 5.18 Josué 13.5 Psaumes 83.7
¹⁰ Persae et Lydi et Lybies erant in exercitu tuo viri bellatores tui clypeum et galeam suspenderunt in te pro ornatu tuo
Ezéchiel 38.5 Ezéchiel 30.5 Cantique 4.4 Esaïe 66.19 Jérémie 46.9
¹¹ filii Aradii cum exercitu tuo erant super muros tuos in circuitu sed et Pigmei qui erant in turribus tuis faretras suas suspenderunt in muris tuis per gyrum ipsi conpleverunt pulchritudinem tuam
Ezéchiel 27.3-27.4
¹² Carthaginienses negotiatores tui a multitudine cunctarum divitiarum argento ferro stagno plumboque repleverunt nundinas tuas
Esaïe 23.10 1 Rois 10.22 Ezéchiel 38.13 Genèse 10.4 Ezéchiel 27.18
¹³ Graecia Thubal et Mosoch ipsi institores tui mancipia et vasa aerea adduxerunt populo tuo
Genèse 10.2 Esaïe 66.19 Apocalypse 18.13 1 Chroniques 1.5 Ezéchiel 39.1
¹⁴ de domo Thogorma equos et equites et mulos adduxerunt ad forum tuum
Ezéchiel 38.6 Genèse 10.3 1 Chroniques 1.6
¹⁵ filii Dadan negotiatores tui insulae multae negotiatio manus tuae dentes eburneos et hebeninos commutaverunt in pretio tuo
Genèse 10.7 1 Rois 10.22 Apocalypse 18.12 Ezéchiel 27.20 Jérémie 25.23
¹⁶ Syrus negotiator tuus propter multitudinem operum tuorum gemmam purpuram et scutulata et byssum et sericum et chodchod proposuerunt in mercatu tuo
Juges 10.6 Ezéchiel 28.13 2 Samuel 15.8 2 Samuel 8.5 2 Samuel 10.6
¹⁷ Iuda et terra Israhel ipsi institores tui in frumento primo balsamum et mel et oleum et resinam proposuerunt in nundinis tuis
Juges 11.33 1 Rois 5.9 Esdras 3.7 Actes 12.20 Genèse 43.11
¹⁸ Damascenus negotiator tuus in multitudine operum tuorum in multitudine diversarum opum in vino pingui in lanis coloris optimi
Esaïe 7.8 Genèse 15.2 1 Rois 11.24-11.25 Actes 9.2 Ezéchiel 47.16-47.18
¹⁹ Dan et Graecia et Mozel in nundinis tuis proposuerunt ferrum fabrefactum stacte et calamus in negotiatione tua
Exode 30.23-30.24 Juges 18.29 Cantique 4.13-4.14 Psaumes 45.8
²⁰ Dadan institores tui in tapetibus ad sedendum
Genèse 25.3 Ezéchiel 27.15
²¹ Arabia et universi principes Cedar ipsi negotiatores manus tuae cum agnis et arietibus et hedis venerunt ad te negotiatores tui
Esaïe 60.7 Genèse 25.13 2 Chroniques 17.11 Actes 2.11 Esaïe 21.16
²² venditores Saba et Reema ipsi negotiatores tui cum universis primis aromatibus et lapide pretioso et auro quod proposuerunt in mercatu tuo
Genèse 10.7 Esaïe 60.6 1 Chroniques 1.9 1 Rois 10.1-10.13 Psaumes 72.10
²³ Aran et Chenne et Eden negotiatores Saba Assur Chelmad venditores tui
2 Rois 19.12 Esaïe 37.12 Amos 1.5 Genèse 10.22 Genèse 25.3
²⁴ ipsi negotiatores tui multifariam involucris hyacinthi et polymitorum gazarumque pretiosarum quae obvolutae et adstrictae erant funibus cedros quoque habebant in negotiationibus tuis
2 Rois 2.8
²⁵ naves maris principes tuae in negotiatione tua et repleta es et glorificata nimis in corde maris
Esaïe 2.16 Esaïe 23.14 Psaumes 48.7 1 Rois 10.22 Esaïe 60.9
²⁶ in aquis multis adduxerunt te remiges tui ventus auster contrivit te in corde maris
Psaumes 48.7 Jérémie 18.17 Actes 27.14 Ezéchiel 26.19 Ezéchiel 27.34
²⁷ divitiae tuae et thesauri tui et multiplex instrumentum tuum nautae tui et gubernatores tui qui tenebant supellectilem tuam et populo tuo praeerant viri quoque bellatores tui qui erant in te cum universa multitudine tua quae est in medio tui cadent in corde maris in die ruinae tuae
Proverbes 11.4 Ezéchiel 26.21 Ezéchiel 27.7-27.9 Ezéchiel 27.22 Ezéchiel 27.34
²⁸ a sonitu clamoris gubernatorum tuorum conturbabuntur classes
Ezéchiel 26.10 Exode 15.14 Nahum 2.3 Ezéchiel 27.35 Ezéchiel 26.15-26.18
²⁹ et descendent de navibus suis omnes qui tenebant remum nautae et universi gubernatores maris in terra stabunt
Apocalypse 18.17-18.24 Ezéchiel 32.10 Ezéchiel 26.16
³⁰ et heiulabunt super te voce magna et clamabunt amare et superiacient pulverem capitibus suis et cinere conspergentur
Jérémie 6.26 2 Samuel 1.2 Lamentations 2.10 Esaïe 23.1-23.6 Ezéchiel 26.17
³¹ et radent super te calvitium et accingentur ciliciis et plorabunt te in amaritudine animae ploratu amarissimo
Esaïe 22.12 Esaïe 16.9 Ezéchiel 7.18 Esaïe 22.4 Esaïe 15.2
³² et adsument super te carmen lugubre et plangent te quae est ut Tyrus quae obmutuit in medio maris
Ezéchiel 26.17 Apocalypse 18.18 Ezéchiel 27.2 Lamentations 2.13 Lamentations 1.12
³³ quae in exitu negotiationum tuarum de mari implesti populos multos in multitudine divitiarum tuarum et populorum tuorum ditasti reges terrae
Apocalypse 18.19 Apocalypse 18.12-18.15 Ezéchiel 28.4-28.5 Ezéchiel 27.3 Ezéchiel 27.12-27.36
³⁴ nunc contrita es a mari in profundis aquarum opes tuae et omnis multitudo tua quae erat in medio tui ceciderunt
Ezéchiel 27.26-27.27 Zacharie 9.3-9.4 Ezéchiel 26.19-26.21 Ezéchiel 26.12-26.15
³⁵ universi habitatores insularum obstipuerunt super te et reges earum omnes tempestate perculsi mutaverunt vultus
Esaïe 23.6 Ezéchiel 32.10 Ezéchiel 26.15-26.18 Apocalypse 18.9-18.10 Ezéchiel 28.17-28.19
³⁶ negotiatores populorum sibilaverunt super te ad nihilum deducta es et non eris usque in perpetuum
Jérémie 18.16 Psaumes 37.36 Psaumes 37.10 Sophonie 2.15 Ezéchiel 26.21